اباتتانعان استانا ايالاۋدى قالايدى

0 137

IMG_9375

ءماسليحاتتىڭ قۇرىلىس، ەكولوگيا، كولىك، ساۋدا جانە تۇرعىن ءۇي-كوممۋنالدىق شارۋاشىلىق ماسەلەلەرى جونىندەگى تۇراقتى كوميسسياسىنىڭ وتىرىسىندا باس قالانىڭ كورىكتەندىرىلۋى، تازالىق ماسەلەلەرى ءسوز بولدى.

وسىعان وراي، استاناداعى الماتى، ەسىل جانە سارىارقا اۋداندارى اكىمدەرىنىڭ ورىنباسارلارى بورانباي بولاتبەكوۆ، بەرىك احمەتجانوۆ جانە ريزا اكچۋرين بايانداما جاساپ، بۇل باعىتتا اتقارىلىپ جاتقان جۇمىستارعا توقتالدى.

سوڭعى كەزدە استانانى كورىكتەندىرۋ ىسىنە كوپ كوڭىل ءبولىنىپ، قىرۋار جۇمىس تىندىرىلعانىنا قالا تۇرعىندارى عانا ەمەس، شاھار قوناقتارى دا كۋا. راسىندا، بۇگىندە ەلوردالىقتاردىڭ بوس ۋاقىتتارىن ءتيىمدى وتكىزۋگە ارنالعان دەمالىس ورىندارىنىڭ قاتارى ءوسىپ كەلەدى. وسى جونىندە اڭگىمەلەگەن اۋدان اكىمدەرىنىڭ ورىنباسارلارىنىڭ ايتۋىنشا، ءۇش اۋداندا دا كوشەتتەر وتىرعىزۋ جانە ونى كۇتۋ، ساياباقتار مەن گۇلزارلاردى تازالاۋ جانە اباتتاندىرۋ، بالالارعا ارنالعان ويىن الاڭقايلارى مەن سپورت الاڭدارىن سالۋ، اۋلا جانە مەكتەپ ماڭىنداعى اۋماقتاردى اباتتاندىرۋ، سونداي-اق، تۇرعىن ۇيلەردىڭ الدىن، ەسكەرتكىشتەر مەن فونتانداردى، ەسىل وزەنى جاعالاۋىن جاپپاي جوندەۋ جانە قايتا قالپىنا كەلتىرۋ جۇمىستارى جۇرگىزىلدى. استانانى جارىقتاندىرۋ جۇمىستارى دا قولعا الىنىپ، قالا كوشەلەرى مەن تۇرعىن ءۇي اۋلالارىنىڭ تازالىعىنا ءمان بەرىلۋدە. دەگەنمەن، ءالى دە بولسا شەشىمىن كۇتكەن ماسەلەلەر جەتەرلىك. بۇل رەتتە اتقارىلعان جۇمىستارعا كوڭىلى تولاتىنىن ايتا كەلە، دەپۋتات سەرگەي بوگاتىرەۆ جۇماباەۆ كوشەسىنىڭ بويىندا قۇرىلىسى توقتاپ تۇرعان پاركينگ ماڭىندا كۇل-قوقىستىڭ ءۇيىلىپ جاتقانىن، سونىمەن بىرگە سىناپقۇرامدى ەنەرگوۇنەمدەگىش شامداردى تاستايتىن ارناۋلى كونتەينەرلەر تەز تولىپ قالاتىندىقتان، ولاردى ءجيى تازالاپ تۇرۋ كەرەكتىگىن جەتكىزدى.

«الەم» بازارىنىڭ اۋماعىندا سوڭعى ۋاقىتتا ستيحيالىق ساۋ­دا ورىستەگەنىن، وسىعان وراي، جەراستى وتپە جولىن تەكسەرىپ، تازالاۋ كەرەكتىگىن ۇسىنعان ءماسليحات حاتشىسى سانسىزباي ەسىلوۆ اۋدان اكىمدىكتەرى مەن باس قالاداعى باسقارما باسشىلارىن بيۋدجەت قاراجاتىن ءتيىمدى پايدالانۋعا شاقىردى.

پىكىر جازۋ

پوچتاڭىز جاريالانبايدى

3 × one =