Abay toyı elordadan bastaladı

0 47

Ortalıq kommwnïkacïyalar qızmetiniñ aqparattıq alañında Mädenïet jäne sport vïce-mïnïstri Nurğïsa Däweşov Abay atamızdıñ 175 jıldıq mereytoyına arnalğan is-şaralardı tanıstırdı. Ulı aqın toyı elordadan bastaladı, yağnï 21 qañtarda «Astana Opera» teatrında saltanattı resmï aşılwı ötedi.Ulı tulğanıñ mereytoyına oray uyımdastırılıp otırğan 500-ge jwıq is-şara 82 tarmaqtı qamtïdı, onıñ işinde halıqaralıq jäne respwb­lïkalıq mañızı bar ğı­­lımï, ağar­twşılıq is-­şaralar, konferencïyalar, sïmpozïwmdar, ädebï bayqawlar qamtılğan.
Äsirese, mäni bar jobalardıñ işinde aqın şığarmaların şeteldiñ 10 tiline awdarıp şığarw, ulı tulğanıñ ömiri men murası jayında üş derekti fïl'm tüsirw, tamızda Semey şaharında «Abay murası jäne älemdik rwhanïyat» attı halıqaralıq-täjirïbelik konferencïya ötkizw közdelgen. Sonday-aq Semeydegi aqın murajayı men «Jïdebay-Börili»
mwzey-qorığına mwzeefïkacïyalandırw jäne ğılımï restavracïya jumıstarın jürgizw, aqınnıñ twğan jeri Sırt Qasqabulaq eldi mekeni abattandırılıp, Aqşoqıdağı Qunanbay babamızdıñ äwleti jatqan jerge mwzey salınıp, Abay men Şäkärim atamızdıñ keseneleri jañğırtıladı. Elimizdegi oqw orındarında aqın öleñderi men qara sözderin mänerlep oqw jäne taqırıptıq şığarma bayqawları ötkiziledi. Barlıq öñirdegi oqwşılar üşin «Abay jerine sayahat» attı ekskwrsïyalıq twrlar uyımdastırıladı.
Nurğïsa Däweşov öz sö­zinde mereytoyğa arnal­ğan is-şaralar Mädenïet jäne sport mïnïstr­liginiñ 3 mlrd teñge kö­­le­­mindegi jıldıq jos­par­lanğan qarjısı esebinen ötedi dedi.

Pikir jazw

Poçtañız jarïyalanbaydı

five × 4 =