اباي تويى ەلوردادان باستالادى

0 55

ورتالىق كوممۋنيكاتسيالار قىزمەتىنىڭ اقپاراتتىق الاڭىندا مادەنيەت جانە سپورت ۆيتسە-ءمينيسترى نۇرعيسا داۋەشوۆ اباي اتامىزدىڭ 175 جىلدىق مەرەيتويىنا ارنالعان ءىس-شارالاردى تانىستىردى. ۇلى اقىن تويى ەلوردادان باستالادى، ياعني 21 قاڭتاردا «استانا وپەرا» تەاترىندا سالتاناتتى رەسمي اشىلۋى وتەدى.ۇلى تۇلعانىڭ مەرەيتويىنا وراي ۇيىمداستىرىلىپ وتىرعان 500-گە جۋىق ءىس-شارا 82 تارماقتى قامتيدى، ونىڭ ىشىندە حالىقارالىق جانە رەسپۋب­ليكالىق ماڭىزى بار عى­­لىمي، اعار­تۋشىلىق ءىس-­شارالار، كونفەرەنتسيالار، سيمپوزيۋمدار، ادەبي بايقاۋلار قامتىلعان.
اسىرەسە، ءمانى بار جوبالاردىڭ ىشىندە اقىن شىعارمالارىن شەتەلدىڭ 10 تىلىنە اۋدارىپ شىعارۋ، ۇلى تۇلعانىڭ ءومىرى مەن مۇراسى جايىندا ءۇش دەرەكتى فيلم ءتۇسىرۋ، تامىزدا سەمەي شاھارىندا «اباي مۇراسى جانە الەمدىك رۋحانيات» اتتى حالىقارالىق-تاجىريبەلىك كونفەرەنتسيا وتكىزۋ كوزدەلگەن. سونداي-اق سەمەيدەگى اقىن مۇراجايى مەن «جيدەباي-ءبورىلى»
مۋزەي-قورىعىنا مۋزەەفيكاتسيالاندىرۋ جانە عىلىمي رەستاۆراتسيا جۇمىستارىن جۇرگىزۋ، اقىننىڭ تۋعان جەرى سىرت قاسقابۇلاق ەلدى مەكەنى اباتتاندىرىلىپ، اقشوقىداعى قۇنانباي بابامىزدىڭ اۋلەتى جاتقان جەرگە مۋزەي سالىنىپ، اباي مەن شاكارىم اتامىزدىڭ كەسەنەلەرى جاڭعىرتىلادى. ەلىمىزدەگى وقۋ ورىندارىندا اقىن ولەڭدەرى مەن قارا سوزدەرىن مانەرلەپ وقۋ جانە تاقىرىپتىق شىعارما بايقاۋلارى وتكىزىلەدى. بارلىق وڭىردەگى وقۋشىلار ءۇشىن «اباي جەرىنە ساياحات» اتتى ەكسكۋرسيالىق تۋرلار ۇيىمداستىرىلادى.
نۇرعيسا داۋەشوۆ ءوز ءسو­زىندە مەرەيتويعا ارنال­عان ءىس-شارالار مادەنيەت جانە سپورت مينيستر­لىگىنىڭ 3 ملرد تەڭگە كو­­لە­­مىندەگى جىلدىق جوس­پار­لانعان قارجىسى ەسەبىنەن وتەدى دەدى.

پىكىر جازۋ

پوچتاڭىز جاريالانبايدى

one × five =