Тәртіп бұзған орындар анықталды

0 35

Полицейлер мен Нұр-Сұлтан қаласы әкімдігінің мобильді тобы карантин тәртібін бұзушыларды анықтау бойынша кезекті рейд жүргізді. Індет кезінде бірқатар мекемелерде санитарлық ережелер сақталмайтыны анықталды.

Солардың бірі – Тұран даңғылы, 2 мекенжайында орналасқан «Аура» кафесі. «Жазғы террассада қойылған 15 үстелдің барлығында келушілер болды. Олардың арасында қашықтық сақталмаған. Кафе ішіндегі караокенің екі кабинасында да адамдар болды. Маска тағу тәртібі сақталмаған. Жарлыққа сәйкес жұмыс уақыты 22:00-ге дейін болса да, кафе сағат 23:00-де әлі жұмыс жасап тұр» дейді Нұр-Сұлтан қаласы әкімдігі азаматтық қорғаныс­ты қамтамасыз ету орталығының бас маманы Жеңіс Камалиев. «Аталған факті бойынша жергілікті полиция қызметкерлері аудандық СЭС басқармасына хабарлама жіберді. «Халықтың санитарлық-эпидемиологиялық салауаттылығы саласындағы заңнама талаптарын, сондай-ақ гигиеналық нормативтерді бұзу» бабы бойынша тиісті шаралар қабылданады» деді мобильді топтардың үйлестірушісі Аман Оспанов.
Баптың санкциялары үлкен айыппұл салуды қарастырады. Жауапты тұлғалар бизнес иелері мен келушілерді барлық қоғамдық орындарда санитарлық нормаларды қатаң сақтауға шақырады: санитайзерлерді қолданып, маска тағу, қашықтық сақтау керек.
Өткен аптада Нұр-Сұлтанда полиция қызметкерлері, эпидемиологтар, еріктілер, жергілікті атқарушы органдардың өкілдерінен тұратын мобильді топтар 227 карантин тәртібін бұзушылықты анықтаған болатын. Оның ішінде ­маска тағу және әлеуметтік қашықтық сақтаудың міндетті талаптарын бұзу – 146 болса, тыйым салынған уақытта қызметін жүзеге асырған 81 кәсіпкерлік субъекті карантин талаптарын бұзған.

Пікір жазу

Почтаңыз жарияланбайды

three × 3 =