28073 otbasına qarjılay kömek körsetiledi

0 19

Nur Otan partïyası elordalıq fïlïalı törağasınıñ birinşi orınbasarı Erlan Kanalïmov älewmettik jelidegi tikeley efïrde Elbasınıñ bastaması boyınşa nawrız ayınıñ soñında bastaw alğan «Biz birgemiz» respwblïkalıq akcïyasınıñ birinşi tolqının qorıtındılap, akcïyanıñ ekinşi tolqını jaylı äñgimeledi.Eki sağattan astam waqıt işinde 1000-nan astam suraq kelip tüsken. Sawaldardıñ basım böligi «Birgemiz» qoğamdıq qorınan tölenetin tölemderge, halıqtıñ älewmettik äljwaz toptarın azıq-tülik sebetterimen qamtamasız etwge qatıstı, sonday-aq köptegen turğındar partïyalıqtarğa azıq-tülikti jasaqtaw men tasımaldawğa qalay kömekteswge bolatının bildi.
«Elorda boyınşa azıq-tülik sebetin barlığı 11 mıñğa jwıq otbası aladı. Bügingi küni qunı 127 mln teñge bolatın 8472 jïıntıq taratıldı. Sonday-aq turğındarğa akcïyanıñ ekinşi tolqını bastalğandığı twralı ayttım, onıñ ayasında 28073 otbasına 1,4 mlrd teñge köleminde kömek körsetiledi. Qarajattı awdarw 2020 jıldıñ 27 säwirinde, düysenbi küni mınaday sanattar boyınşa bastaladı: az qamtılğan otbasılar, sonıñ işinde köpbalalı otbasılar (AÄK alwşılar), kömekke muqtaj mügedekter (1, 2 top jäne mügedektigi bar zeynetkerler, AÄK alwşılar), mügedek balanı kütwdi jüzege asıratın tulğalar (AÄK alwşılar), zeynetkerler (eñ tömengi jäne odan tömen zeynetaqı alatın), jetimder, UOS qatıswşıları men UOS mügedekteri jäne olarğa teñestirilgender, tıl eñbekkerleri» dedi Erlan Kanalïmov.
Sonday-aq ol karantïn bastalğalı beri Nur-Sultan qalasınıñ awmağında jalpı qunı 25 mln teñgeni quraytın 16 mıñ bötelke antïseptïkter (blok-beketter, medïcïnalıq mekemeler, älewmettik qorğaw basqarması uyımdarına, qarttar üyi, balalar üyi jäne t. b.) taratılğanın ayttı. 1,5 mln danadan astam medïcïnalıq maskalar halıqtıñ älewmettik osal toptarına, sonday-aq medïcïnalıq mekemelerge berilgen.

Pikir jazw

Poçtañız jarïyalanbaydı

2 × two =