1,6 mïllïon adam kommwnaldıq kömek aladı

0 20

QR Prezïdenti janındağı Ortalıq kommwnïkacïyalar qızmetinde ötken baspasöz mäslïhatında Nur-Sultan qalasınıñ Qurılıs jäne turğın üï̆-kommwnaldıq şarwaşılıq isteri komïteti törağasınıñ orınbasarı Beï̆bit Şahanov respwblïka boyınşa 1,6 mïllïon adam kommwnaldıq ötemaqı alwı mümkin ekenin ayttı.Älemdi eseñgiretken atışwlı indetke qarsı elimizde 16 nawrızdan bastap tötenşe jağday jarïyalandı. Osığan oray, QR Prezïdenti Qasım-Jomart Toqaev Ükimetten karantïn engizgen eldi mekender turğındarınıñ kommwnaldıq tölemderin jeñildetw twralı tapsırma bergen bolatın. Sol sebepti jaqında QR Ïndwstrïya jäne ïnfraqurılımdıq damw mïnïstrligi kommwnaldıq qızmet şığındarın ötew erejesin bekitti.
Barlıq quzırlı memlekettik organdar mamandarınıñ qatıswımen ötken talqılaw barısında kommwnaldıq ötemaqı alatın älewmettik top sanattarı belgilendi. Ayta keteyik, Nur-Sultan qalası boyınşa osal toptıñ ökilderin anıqtaw kezinde astana äkimdiginiñ usınısı eskerildi. Oğan İ, İİ, İİİ top mügedekteri, köpbalalı otbasılar, mügedek bala tärbïelep otırğan otbasılar, Ekinşi dünïejüzilik soğıs ardagerleri jäne olarğa teñestirilgen jandar, qızmet babında qaza tapqan adamdardıñ otbasıları, eñ tömengi zeynetaqı alatındar jäne AÄK alatın azamattar endi.
Kommwnaldıq qızmet şığındarı üşin ötemaqı säwir jäne mamır ayları üşin beriledi, ol är ayğa 15 mıñ teñgeden esepteldi. Ol üşin muqtaj otbasılar äkimdikke ötiniş jiberwleri qajet, tölem sonıñ negizinde jasaladı.
– Bekitilgen sanat toptarına jatatın azamatar koll-ortalıq nemese aqparattıq jüyeler arqılı ötiniş joldawlarına boladı. Ötiniş aytwşı özderiniñ älewmettik märtebesin, JSN nömirin jäne derbes şotın awızşa aytsa jetkilikti. Aqparat bere almaytın nemese waqıtşa äldebir jağdaylarğa baylanıstı mälimet jetkizw qïındıq twdırıp otırğan jandar bolwı mümkin. Onday jağdayda onıñ jaqındarı, tanıstarı, äytpese quzırlı mekemelerdiñ ökilderi sol kisiniñ atınan ötiniş aytıp, qajetti aqparattı bere aladı. Ol üşin eşqanday kwälandıratın qujat talap etilmeydi, – dedi B.Şahanov.
Budan keyin äkimdik kelip tüsken derekterdiñ bärin egjey-tegjeyli tekserip, onıñ bekitilgen talapqa say ekendigin anıqtaydı. Ötiniş maquldanğan jağdayda, 15 mıñ teñge älgi adamnıñ derbes şotına awdarıladı. Qazirgi küni ötinişter qabıldanıp jatır.

Pikir jazw

Poçtañız jarïyalanbaydı

7 + 11 =