«Astana aqşamı»
El jüregi – elorda şejiresi

Zïyarat ornında ädepsiz söylegeni nesi?

Aytpayın-aq dep edim...

0 126

Memleket basşısı Q.Toqaev 2 qırküyektegi halıqqa Joldawında twrïzmdi damıtw üşin qajetti ïnfraqurılım salwğa, eñ aldımen jol salwğa jäne bilikti kadrlar dayarlawğa nazar awdarw qajettiligin ayttı. Şınında da, kadr tañdawda biz äli künge nemquraydılıqqa jol berip otırmız. Osığan birer mısal keltireyin.

Jwırda otbasımmen birge Türkistandağı Qoja Ahmet YAsawï babamızdıñ kesenesine zïyarat ettik. Mwzey-keşendi aralap jürgenimizde bilikti kadrlarğa qatıstı qınjılarlıq jayttarğa tap boldım.
Birinşiden, mwzeydiñ keybir qızmetkerleri bizge jäne özge kelwşilerge döreki söyledi. Tayqazan turğan ortañğı ülken zalğa kireberiste turğan küzetşiler men baqılawşılardıñ işki mädenïetine köñilim tolmadı. Bir qazaq äyeli (mwzey qızmetkeri) şarşağan kişkentay ulımnıñ tastıñ üstine, tipti jerge otırmawın talap etip, mağan jekip söyledi. Munday qızmetkerlerdi jumısqa qabıldaytın kezde belgili bir işki ädebi, sanası, mädenïeti birinşi orınğa qoyılwı kerek. Sebebi olar qasïetti zïyarat ornında halıqpen jumıs isteydi. Zïyarat ornında ädepsiz söylep, urdajıq minez tanıtqan jandarğa tipti ne derimdi bilmedim.
Mwzeyden şığıp bara jatqanımızda mavzoleydiñ janınan salınıp jatqan eñseli keseneni kördik. Meniñ jubayım: «Mına kesene Ayşa bïbi anamızdiki me? Oğan da kirip, zïyarat etwimizge bola ma?» dep suradı. Kireberiste turğan äkimşi äyel: «Äy, ol körip turğandarıñ kesene emes, mola ğoy! Räbïya begimniñ molası. Ol Ayşa bïbiden de krwçe ğoy! Sonı da bilmeysiñder me?» dep dürse qoya jawap qattı. Mwzey qızmetkerleriniñ bazarda turatın, ädepsiz söyleytin alıpsatar äyelderden eşqanday ayırması joq.
Ekinşiden, mwzeyde beynetaspağa tüsirwge tıyım salınğan. Küzetşi beynetaspağa tüsirip jürgenderge ayqaylawmen boldı. Sonda şetelden kelgen twrïster de eşteñe tüsire almasa, eline barğanda ne körsetedi? Beynejazbanıñ özi – nasïhattawdıñ bir jolı. Ol sawda üyinen nemese bazardan beynejazba tüsirip otırğan joq qoy. Öz basım AQŞ-ta bolğanımda kez kelgen mwzeyde beynejazba tüsirwge tıyım salınğanın körmedim. Osı jağın oylanıp, damığan elderdiñ üzdik täjirïbesin nege ülgi etpeymiz?
Q.Toqaevtıñ bilikti kadr dayarlawğa eñ aldımen köñil bölwimiz kerek degeni osıdan şığar?! Mädenïet jäne sport mïnïstri Aqtotı Rayımqulova, Türkistan oblısınıñ äkimi Ömirzaq Şükeev osı mäselege köñil bölse nur üstine nur bolar edi.

Pikir jazw

Poçtañız jarïyalanbaydı