«Astana aqşamı»
El jüregi – elorda şejiresi

Jılw energïyası jetkilikti me?

0 52

Keşe Astana qalası Qoğamdıq keñesiniñ otırısında 2019-2021 jıldarğa arnalğan qala byudjetiniñ jobası qaraldı. Tïisti jobamen qalalıq Strategïyalıq jäne byudjettik josparlaw basqarmasınıñ basşısı Raswl Orazğulov tanıstırdı.

Qurılıs jäne turğın üy sayasatı basqarmasına üş jılğa 48 mlrd teñge bölw qarastırılğan. Sonıñ 31 mlrd teñgesi kelesi jılğa tïesili. Qaladağı mektepter tığız­dığı problemasın şeşw üşin 6 mektep pen 4 qosımşa ğïmarat qurılısın ayaqtawğa 5,2 mlrd teñge jäne respwblïkalıq byudjetten 8 mektep pen 4 qosımşa ğïmarattı salwğa, Sarıarqa awdanında 800 orınğa ar­nalğan käsiptik mektep qurı­lısın ayaqtawğa qarjı qaras­tırılğan. Buğan qosa, «Nurlı jol» bağdarlaması şeñberinde turğın üylerdi salwğa 13,6 mlrd teñge bölinbek.
1-JEO men 2-JEO jañğırtw jumıstarı da jalğaspaq. Bul mäsele boyınşa Qoğamdıq keñes törağası Sansızbay Esilov 3-JEO qurılısınıñ birinşi kezeñin ayaqtaw boyınşa da köp suraqtar twındap jatqanın jetkizdi.
«Men «Astana-Energïya» AQ dïrektorlar keñesiniñ müşesimin. Küni keşe ğana keñes otırısı ötip, onda aldağı üş jıldıñ josparları talqılandı. Sonda jılw energïyası boyınşa rezervter qalmağanı aytıldı. Ol tüsinikti de, qala halqı mïllïonnan astı. 1-JEO men 2-JEO böletin jılw energïyası tïisti nısandarğa taratıldı. Ötken jılı şaharda 2 mln 400 mıñ şarşı metr turğın üy paydalanwğa berildi. Bïıl salınatın şarşı metrler 2 mïllïonnan aspaq. Al älew­mettik jäne käsipkerlik nısandar jılwdı kütip otırmaydı ğoy. Sondıqtan bul mäselege muqïyat bolw kerek. Qalalıq Otın-energetïkalıq keşeni jäne kommwnaldıq şarwaşılıq basqarmasınan tïisti anıqtamanı bizge usınwdı suraymın» dedi S.Esilov.
Qalada hospïs salw mäselesi qalalıq mäslïhat otırıstarında birneşe märte qaraldı. Qoğamdıq keñes te munı attap kete almadı. Buğan qosa, keñes otırısında mektep ashanası mäselesi de qayta köterildi. Keñes müşesi Tölegen Qwanışev byudjet qarjısın bölgende tïisti jıldarğa säykes tepe-teñdikti saqtaw jayın qozğadı.

Pikir jazw

Poçtañız jarïyalanbaydı