«استانا اقشامى»
ەل جۇرەگى – ەلوردا شەجىرەسى

جۇزدەن جۇيرىك شىقتى

0 108

سەنبى كۇنى استانانىڭ 20 جىلدىعىنا ارنالعان ترياتلوننان قالا بىرىنشىلىگى ءوتتى. ترياتلون پاركتە سالتانات قۇرعان بۇل سايىسقا جۇزدەن اسا ادام قاتىستى.

ترياتلون ەلوردادا جاقسى ترەندكە اينالىپ كەلەدى. جىلدان-جىلعا بۇل سپورت تۇرىنە بەت بۇرعان بۇقارانىڭ قاتارى دا ارتىپ كەلەدى. بيىل وتكەن قالالىق «استانا ترياتلون-2018» سايىسىندا 117 ادام باق سىنادى. ال جارىستىڭ كورىگىن قىز­دىرىپ، قيقۋ قوسىپ، قولداپ-قولپاشتاعان حالىقتىڭ سانى مىڭنان استى.
بۇل دودا، اتى ايتىپ تۇرعانداي، ءۇش سايىستان قۇرالدى. قاتىسۋشىلار الدىمەن 0,75 كم ءجۇزىپ، 20 كم قاشىقتىقتى ۆەلوسيپەدپەن جانە 5 شاقىرىمدى جۇگىرىپ باعىندىردى. جالپى مەجەنى ەڭسەرۋ 120 مينۋتقا سوزىلدى. جارىس جەڭىمپازدارى ەرلەر جانە ايەلدەر اراسىندا بەس جاس ساناتى بويىنشا انىقتالدى.
سونىمەن، ترياتلوننان بيىلعى قالا چەمپيوندارى اتانعاندار: جاندوس قايىرگەلدى مەن اينۇر قۇماروۆا (18-29 جاس), سەرگەي پروحوروۆ پەن ەلەنا پونومارەۆا (30-39 جاس), قايرات قويانباەۆ پەن يننا ۆيشنياكوۆا (40-49 جاس), الەكساندر بليۋم مەن ۆالەنتينا تيتوۆسكايا (50-59 جاس) جانە 60 جاستان اسقانداردىڭ ىشىنەن بارلىق قاشىقتىقتى كەسىپ وتكەن ليۋبوۆ اسانوۆا.

بەكساتتار ساتتار

پىكىر جازۋ

پوچتاڭىز جاريالانبايدى