«استانا اقشامى»
ەل جۇرەگى – ەلوردا شەجىرەسى

جۇمىسپەن قامتۋ — باستى نازاردا

0 43

ەلوردادا جۇمىسسىزدىق دەڭگەيى 4,5 پايىزدى قۇرايدى. بيىل قالانىڭ جۇمىسپەن قامتۋ ورتالىعىنا 10 مىڭنان استام ادام ەكى قولعا ءبىر جۇمىس ىزدەپ كەلگەن. ناتيجەسىندە 1,5 مىڭ تۇرعىن تۇراقتى جۇمىسقا، 2 مىڭ­داي ادام قوعامدىق جۇمىسقا تارتىلدى. تاجىريبە جيناقتاۋ ءۇشىن جاستار پراكتيكاسىنا 500-دەن اسا جاس جىبەرىلدى.

بۇعان قوسا، ورتالىق قىزمەتىنە جۇگىنگەن 610 مۇمكىندىگى شەكتەۋ­لى ازاماتتىڭ 336-سىنا جۇمىس تابىلدى. سول سياقتى باس بوستاندىعىنان ايىرۋ ورىندارىنان بوساپ شىققان 30 ادامنىڭ 13-ءى، پروباتسيا قىزمەتىنىڭ ەسەبىندە تۇرعان 45 ادامنىڭ 16-سى جۇمىسپەن قامتىلدى. كامەلەتكە تولماي تۇرىپ اتا-انانىڭ قامقورلىعىنسىز قالعان 10 ازامات ورتالىققا جۇمىس ىزدەپ كەلىپ، سولاردىڭ جەتەۋىنىڭ وتىنىشتەرى قاناعاتتاندىرىلدى.
قالا اكىمدىگىندە وتكەن «ەڭبەك» ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ مەملەكەتتىك باعدارلاماسىن جۇزەگە اسىرۋعا ارنالعان ءباسپاسوز ءماسليحاتىندا قالالىق جۇمىسپەن قامتۋ ورتالىعىنىڭ ديرەكتورى اباي بايمولدين وسىنداي ستاتيستيكانى كەلتىرىپ، اتقارىلىپ وتىر­عان جۇمىس بارىسىن باياندادى.
– قازىرگى كەزدە نۇر-سۇلتان قالاسىنىڭ مالىمەتتەر بازاسىندا 6 مىڭنان اسا بوس جۇمىس ورنى بار. وسىنداعى 2 مىڭنان استام ورىننىڭ جالاقىسى 100 مىڭ تەڭگەدەن اسادى. قىسقا مەرزىمدىك كاسىبي وقىتۋعا 913 ادامدى جىبەرۋ جوسپارلانۋدا. بۇگىنگى تاڭدا ولاردىڭ 362-ءسى وقۋعا جىبەرىلدى. ءتورت مىڭداي ادام جۇمىسسىزدار ەسەبىندە تۇر. وتكەن جىلدىڭ قازان ايىندا «ەnbek.kz» اتتى ەلەكتروندى ەڭبەك بيرجاسى ىسكە قوسىلدى. مۇنىڭ ارتىقشىلىعى – كەز كەلگەن ادام ۇيلەرىنەن شىقپاي، جۇمىس تابا الادى. جوعارىدا ايتقانىمداي، ءبىزدىڭ قىزمەتىمىزگە 10 مىڭنان استام ادام جۇگىنسە، سولاردىڭ كوبىسى اتالمىش پورتال ارقىلى جۇمىس تاپتى. نەگىزىنەن، جۇمىسشى ماماندىقتارى سۇرانىسقا يە. اتاپ ايتقاندا، قالاعا ەلەكترومونتەرلەر، ەلەكترمەن جانە گازبەن دانەكەرلەۋشىلەر، سانتەحنيكتەر، كران ماشينيستەرى، تىگىنشىلەر، امبەباپ شاشتارازدار كەرەك، – دەدى ورتالىق ديرەكتورى.
ونىڭ ايتۋىنشا، وتكەن جىلى اتاۋلى الەۋمەتتىك كومەك الۋ ءۇشىن 900 وتباسى عانا ءوتىنىش بەرسە، بيىل وتىنىشتەر سانى ەداۋىر كوبەيگەن. بيىلعى ءساۋىر ايىنىڭ وزىندە 3 مىڭداي ءوتىنىش كەلىپ تۇسكەن. ال قازىرگى كەزدە بۇل كورسەتكىش 8 مىڭنان اسىپ كەتكەن.
مەملەكەت قازىناسىنان 1200 ادامدى قىسقا مەرزىمدىك وقىتۋعا قوسىمشا قارجى ءبولىندى. سونداي-اق، وسىنداي وقۋدى اياقتاعان ازاماتتار ءۇشىن جانە «باستاۋ بيزنەس»، «جاس كاسىپكەر» باعدارلاما­لارى اياسىندا 1 ملرد تەڭگە كولەمىندە 2 مىڭ گرانت بولىنگەن.
«جاس كاسىپكەر» باعدارلاماسىنا 18-29 جاس ارالىعىنداعى جاستار قاتىسا الادى. ۇمىتكەرلەر الدىمەن كاسىپكەرلىك نەگىزدەرىن وقىپ، بيزنەس-جاتتىقتىرۋشىمەن بىرگە ءتيىستى جوبانى ازىرلەيدى. وسى جوبانى كوميسسياعا ۇسىنىپ، ول ماقۇلدانعان جاعدايدا 200 اەك – 505 مىڭ تەڭگەلىك گرانتتى الۋعا قۇجاتتى تاپسىرادى. قازىرگى كەزدە بۇل باعدارلاماعا ىلىككىسى كەلگەن جاستاردان 500-دەن استام ءوتىنىش كەلىپ تۇسكەن. ولار وسى ۋاقىتتا العاشقى كەزەڭدە تۇر، ياعني وقىتۋدان ءوتىپ جاتىر.
ال «باستاۋ بيزنەس» باعدارلاماسىنا قاتىسۋ ءۇشىن ادام جاسىنا شەكتەۋ قويىلمايدى. باسقا شارت­تارى «جاس كاسىپكەر» باعدارلاماسىمەن بىردەي. تەك جوبا قورعالعاننان كەيىن ەكىنشى دەڭگەيلى بانكتەرگە 5 جىل مەرزىمىنە 6 پايىزدىق وسىممەن شاعىن نەسيە الۋ ءۇشىن قۇجات تاپسىرىلادى. وسى باعدارلاماعا ىلىككەن ادام 20 ملن تەڭگەگە دەيىن نەسيە الا الادى.
بۇل تۋرالى ايتقان نۇر-سۇلتان قالاسى كاسىپكەرلەر پالاتاسىنىڭ ادامي كاپيتالدى دامىتۋ ءبولىمىنىڭ ساراپشىسى اينۇر راحمەتوۆا اتالمىش ۇيىمنىڭ باستاماسىمەن قالادا جۇمىسپەن قامتۋدىڭ ءموبيلدى ورتالىقتارى اشىلىپ جاتقانىن جەتكىزدى. ونىڭ ايتۋىنشا، جوسپار بويىنشا وسىنداي 8 ورتالىق اشىلماق. قازىرگى تاڭدا ونىڭ تورتەۋى جۇمىس ىستەپ جاتىر. ولار «ەتالون»، «ۇلجان»، «ساپار» بازارلارىندا جانە ەسكى تەمىرجول ۆوكزالى ماڭىندا اشىلعان.
– كەلەسى اپتادا «تۇلپار» بازا­رى مەن «ەۆرازيا» ساۋدا ۇيىندە تاعى ەكى ورتالىق اشۋدى جوسپارلاپ وتىر­مىز. بولاشاقتا «قوسشى» كەنتى مەن اۋىزەكى تىلدە «سيليكاتنىي» اتالىپ كەتكەن اۋماقتاعى ساياجاي الابىندا وسىنداي ورتالىقتار اشىلماق، – دەدى ا.راحمەتوۆا.

پىكىر جازۋ

پوچتاڭىز جاريالانبايدى