«استانا اقشامى»
ەل جۇرەگى – ەلوردا شەجىرەسى

جۇكتىلىگىنە جانە بوسانۋىنا بايلانىستى الەۋمەتتىك تولەم قالاي تاعايىندالادى؟

0 54

جۇكتىلىككە جانە بوسانۋعا، جاڭا تۋعان بالانى (بالالاردى) اسىراپ الۋعا بايلانىستى تابىسىنان ايىرىلعان جاعدايلاردا تولەنەتىن الەۋمەتتىك تولەم دەنساۋلىق ساقتاۋ سالاسىنداعى ۋاكىلەتتى مەملەكەتتىك ورگان بەلگىلەگەن تارتىپپەن بەرىلگەن ەڭبەككە ۋاقىتشا جارامسىزدىق پاراعىندا كورسەتىلگەن بۇكىل كەزەڭگە تاعايىندالادى.

 الەۋمەتتiك اۋدارىمداردى ەسەپتەۋ وبەكتiسi رەتiندە ەسكەرiلگەن تابىستىڭ ورتاشا ايلىق مولشەرى الەۋمەتتىك تولەمگە قۇقىق باستالعان ايدىڭ الدىنداعى سوڭعى كۇنتىزبەلىك ون ەكى اي ىشىندە الەۋمەتتىك اۋدارىمدار جۇرگىزىلگەن (وسى كەزەڭدە الەۋمەتتىك اۋدارىمداردا ۇزىلىستەردىڭ بولۋ-بولماۋىنا قاراماستان) تابىستار سوماسىن ون ەكىگە ءبولۋ ارقىلى ايقىندالادى.

ەڭبەككە جارامسىزدىق كۇندەرى سانىنىڭ كوەففيتسيەنتى ەڭبەككە ۋاقىتشا جارامسىزدىق پاراعى بەرىلگەن كۇندەر سانىن كۇنتىزبەلىك وتىز كۇنگە ءبولۋ ارقىلى ايقىندالادى.
جۇكتىلىگىنە جانە بوسانۋىنا، جاڭا تۋعان بالانى (بالالاردى) اسىراپ الۋىنا بايلانىستى تابىسىنان ايرىلعان جاعدايدا تولەنەتىن الەۋمەتتiك تولەمدى تاعايىنداۋ ءۇشىن مىناداي قۇجاتتار قاجەت:

     1) جەكە باستى كۋالاندىراتىن قۇجات (جەكە كۋالىك، ازاماتتىعى جوق ادامنىڭ كۋالىگى، شەتەلدىكتىڭ تۇرۋعا ىقتيارحاتى) نەمەسە ورالمان مارتەبەسى بار ادامدار ءۇشىن ورالمان كۋالىگى – جەكە باسىن سايكەستەندىرۋ ءۇشىن تالاپ ەتىلەدى;

2) تۇرعىلىقتى تۇراتىن جەرى بويىنشا تىركەلگەنىن راستايتىن قۇجات (مەكەنجاي انىقتاماسى نەمەسە اۋىل اكىمدەرىنىڭ انىقتاماسى، بايقوڭىر قالاسىنىڭ تۇرعىندارى ءۇشىن – بايقوڭىر قالاسى تۇرعىن ءۇي شارۋاشىلىعىنىڭ ازاماتتاردى ەسەپكە الۋ جانە تىركەۋ جونىندەگى ءبولىمىنىڭ انىقتاماسى);

3) جۇكتiلiككە جانە بوسانۋعا، جاڭا تۋعان بالانى (بالالاردى) اسىراپ الۋعا بايلانىستى بەرىلگەن ەڭبەككە ۋاقىتشا جارامسىزدىق پاراعى (پاراقتارى);

4) بانكتەردە جانە (نەمەسە) بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردا اشىلعان بانك شوتىنىڭ ءنومىرى نە تۇزەۋ مەكەمەسىنىڭ قولما-قول اقشانى باقىلاۋ شوتى تۋرالى قۇجات;

دارا كاسىپكەرلەر، جەكەشە نوتاريۋستار، جەكە سوت ورىنداۋشىلارى، ادۆوكاتتار، كاسىپقوي مەدياتورلار، سونداي-اق شارۋا نەمەسە فەرمەر قوجالىقتارى ءۇشىن قوسىمشا:

1) دارا كاسىپكەر رەتىندە مەملەكەتتىك تىركەۋ تۋرالى كۋالىك;

2) قازاقستان رەسپۋبليكاسى قارجى ءمينيسترىنىڭ 2018 جىلعى 27 اقپانداعى № 306 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 16601 بولىپ تىركەلگەن) بەكىتىلگەن جەكە شوتتارىن جۇرگىزۋ قاعيدالارىنا 16-قوسىمشاعا سايكەس نىسان بويىنشا مەملەكەتتىك كىرىستەر ورگاندارى بەرگەن بيۋدجەتپەن ەسەپ ايىرىسۋلاردىڭ جاي-كۇيى تۋرالى، سونداي-اق الەۋمەتتىك اۋدارىمدار بويىنشا سالىق تولەۋشىنىڭ جەكە شوتىنان ءۇزىندى كوشىرمە كەرەك.

 

گاۋحار مۇحانبەتجانوۆا،
«ازاماتتارعا ارنالعان ۇكىمەت»
كوممەرتسيالىق ەمەس  اق
استانا قالاسى بويىنشا
فيليالىنىڭ 
 باسقارما باسشىسى

پىكىر جازۋ

پوچتاڭىز جاريالانبايدى