«Astana aqşamı»
El jüregi – elorda şejiresi

Jasınday jarq etken ğumır

Astana Denïs Tenmen qoştastı

0 107

Ötken senbide Almatıda qalıñ el mänerlep sırğanawdan Soçï Olïmpïadasınıñ qola jüldegeri, jasınday jarq etken ğumır ïesi Denïs Tendi aqtıq saparğa şığarıp saldı. Däl sol küni elordadağı «Barıs-Arena» muz sarayına dañqtı sportşımen qoştasw räsimine qoğam qayratkerleri men tanımal sportşılar jïnalıp, qapïyada mert bolğan ulan jayındağı estelikterimen bölisti.

QR Aqparat jäne kommwnïkacïyalar mïnïstri Däwren Abaev sportşımen qoş­tasw räsiminde munday awır jağdayda Denïstiñ jaqındarına köñil aytwğa söz tabw da qïın ekendigin jetkizdi. «Bul ülken qayğı jäne barlığımız üşin sabaq boldı. Munday qatelikke endi jol bermew kerek. Qoş bol jäne bizdi keşir, Denïs» dedi mïnïstr. Astana qalası äkiminiñ orınbasarı Ermek Amanşaev ta talanttı jastıñ twğandarına köñil ayttı.
Qoştaswğa kelgen Oñtüstik Koreya Respwblïkasınıñ Qazaqstandağı elşisi Kïm De Sïk Denïs Tenniñ ölimin Qazaqstan üşin ğana emes, älemdik qawımdastıq üşin ornı tolmas qayğı dep bağaladı. Elşi Denïstiñ azattıq üşin küresken tanımal korey generalı Mïn Gın Honıñ urpağı ekendigin köpşilikke jetkizdi. Sonday-aq, muz aydınınıñ muzbalağımen qoştaswğa Qazaqstandağı Japonïya elşisi Ïtïro Kavabata da kelip, ol öz eli atınan Denïs Tenniñ otbasına jäne barşa Qazaqstan halqına köñil bildirdi.

«Bizdiñ halqımız Denïstiñ qos memleket arasındağı dostıq baylanıstı nığaytwğa qosqan ülesin joğarı bağalaydı. Bul Japonïya azamattarına awır tïdi. Denïs Tenniñ ğajayıp öneri, jarqın kelbeti esimizde mäñgi qaladı» dedi elşi.
Odan keyin Denïstiñ qazasına baylanıstı boksşı Danïyar Elewsinov pen kon'kïmen jügirw sportı boyınşa Älem kwbogı (1995) kezeñiniñ jeñimpazı bolğan Vadïm Şakşabaev jandarı egilip söz söyledi. Elorda jurtşılığı jüyrik sportşı, jüzi jılı, jaydarı Denïsti soñğı saparğa qïmastıqpen şığarıp saldı.

Pikir jazw

Poçtañız jarïyalanbaydı