«Astana aqşamı»
El jüregi – elorda şejiresi

Jaña älipbïdi üyreneyik!

0 34

Elbası Nursultan Nazarbaev «Bolaşaqqa bağdar: rwhanï jañ­ğırw» attı maqalasında jaña älipbïge köşw twralı naqtı tapsırmalar berdi. Bul qazaq memleketiniñ strategïyalıq damwı üşin asa mañızdı qadam bolıp sanaldı. Sondıqtan oqırmandarğa qalalıq Tilderdi damıtw jäne arhïv isi basqarması dayındağan jaña älipbï negizindegi qazaq tili emlesiniñ erejelerin usınamız.1-sabaq
«Jaña älipbï negizindegi qazaq tili emlesiniñ erejeleri»
«Qazaq tili älipbïin kïrïllïcadan latın grafïkasına köşirw twralı» Qazaqstan Respwblïkası Prezïdentiniñ 2017 jılı 26 qazandağı №569 Jarlığına säykes bekitilgen jaña älipbï boyınşa äzirlendi.
Jaña älipbï negizindegi qazaq tili emlesiniñ erejeleri (Ereje) – latın grafïkasındağı qazaq älipbïi boyınşa durıs jazwdı körsetetin quqıqtıq küşi bar qujat. Sonımen qatar latın negizdi jaña älipbï boyınşa qazaq tiliniñ orfografïyalıq normaların turaqtandıratın, durıs jazw mädenïetin qalıptastıratın bastı normatïvti qağïdalar bolıp sanaladı. Erejede aldımen ulttıq tildiñ jazw-sızwmen baylanıstı:
– tildiñ jalğamalılığı;
– tildiñ ıqşamdalwı;
– til dıbıstarınıñ ündestigi;
– dawıssızdardıñ bir-birimen üylesimdiligi, t.b. negizgi zañdı­lıqtarı men erekşelikteri eskerildi.
Erejeniñ negizgi ustanımı üşin fonematïkalıq prïncïp basşılıqqa alındı. Sonımen qatar qazaq ädebï tiliniñ leksïkalıq quramındağı köne jäne kirme tildik qabattardıñ keybir türleriniñ emlesine qatıstı dästürli jäne fonetïkalıq, al töl sözderdiñ kürdeli türleri üşin morfologïyalıq prïncïp te qoldanıldı.

Pikir jazw

Poçtañız jarïyalanbaydı