«Astana aqşamı»
El jüregi – elorda şejiresi

Jandı jeri – jol men jarıq

0 43

Astana qalasınıñ äkimi Baqıt Sultanov bastağan jumıs tobı qaladağı birqatar nısandı aralap, älewmetti maza­lağan mäseleler boyınşa jawaptı mamandarğa tïisti tapsırmalar jüktedi.

Jumıs tobı aldımen «Oñtüstik-şığıs» ıqşam awdanına at basın tirep, ondağı Kökpar, Qozıbay sïyaqtı köşelerdi araladı. Jekemenşik sektorlardağı jağdaydı öz közimen körgen qala basşısı turğındardıñ bazınasın tıñdadı.
Jalpı, «Oñtüstik-şığıs» ıqşam awdanında tüyini şeşilmegen tüytkilder äli de az emes. Turğındardıñ sözinşe, mundağı jurttıñ jandı jeri – jol men jarıq. Sonımen qatar ıqşam awdan tutastay ortalıqtandırılğan jılw jüyesine qosılmağandıqtan, qıstıñ künderi kömirdiñ kök tütini awa­nı lastaydı. Budan bölek, sw qubırı men käriz jüyesiniñ qïındıqtarı tağı bar. Bul turğıda Kökpar tuyıq köşesiniñ turğındarı üylerine sw qubırı men käriz jüyesin öz qarjılarına tartqızıp alıptı. Kommwnaldıq tölemdi de waqtılı töleydi eken. Olar qala basşısınan endi köşege asfal't tösew mäselesin şeşip berwdi suradı. «Qazir bilinbegenmen, köktemde qar erigende munda ayaq alıp jürw mümkin bolmay ketedi. Jayaw jürmek tügili, saz balşıq kölikterdiñ jürisine de edäwir qïındıq twdıradı. Bul jerden şıqqan kölikter qalanıñ basqa da köşelerin bılğaydı. Sondıqtan bul mäseleni keyinge qaldırwğa bolmaydı» dedi Kökpar tuyıq köşesiniñ turğındarı.
Sol sïyaqtı Qozıbay köşesiniñ turğındarı da käriz jüyesine qatıstı şağımdarın ayttı. Turğındardıñ ötiniş-tilekterin tıñdağan qala äkimi mundağı barlıq mäseleni nazardan tıs qaldırmaytının ayta kele, bïıl «Oñtüstik-şığıs» ıqşam awdanınıñ Kökpar, Aqarıs, Bekarıs, Jarkent sïyaqtı 14,8 şaqırımdı quraytın 19 köşesine asfal't töselip, odan bölek Keles, Nurlı, Aqberen, Jañaözen sïyaqtı uzındığı 7,2 şaqırım bolatın 27 köşege ağımdağı jöndew jumıstarı jürgiziletinin jetkizdi. Sonday-aq jawaptı mekeme basşılarına atalmış ıqşam awdandağı birqatar köşeni jıl soñına deyin jarıqtandırw kerektigin aytqan qala äkimi mundağı üylerdi tïisti kommwnaldıq käsiporındardıñ qaramağına berip, kemşilikterdi joyudı tapsırdı. «Adamdar tüngi waqıtta köşede qol şamdarımen jürmewi kerek. Ol – öte uyat jağday» dedi Baqıt Sultanov.
«Oñtüstik-şığıs» ıqşam awdanınan keyin qala basşısı Küyşi Dïna köşesine de bardı. Bul jerdegi qurılıs jobasımen tanısqan äkim mundağı pravoslavtıq şirkew mañında gül bağınıñ bolwı kerektigin ayttı.
Bul jerden keyin jumıs tobı «Qazaq­stan» sport keşeninde boldı. Jalpı, 2001 jılı paydalanılwğa beril­gen sport keşenine sodan beri jön­dew jürgizilmegen. Ötken jıldıñ ta­mı­zınan beri kürdeli jöndew jür­gi­zilip jatqandıqtan, №4 balalar jäne jasöspirimder sport mektebiniñ oqwşıları «Barıs Arena» muz sa­rayı­nıñ basseynine barıp jür eken. Alayda bïıl ondağı jüzw joldarın jalğa alw qunı aytarlıqtay qım­battaptı. Tipti onıñ şığını ba­la­lar jäne jasöspirimder sport mek­te­biniñ 2019 jılğa qarastırılğan byudjetinen de asıp tüsken körinedi. Osığan baylanıstı qala äkimi Mäde­nïet jäne sport basqarmasınıñ basşısı Bolat Majağulovqa atalmış sport mektebi tärbïelenwşileriniñ «Jastar» sarayınıñ basseyninde jat­tığwı qajettigin ayttı. «Balalar men jasöspirimder sportın damıtw – Asta­nanıñ basım bağıttarınıñ biri. Jas sportşılardıñ sabaqtarı qar­jılıq nemese basqa da mäselelerge baylanıstı toqtap qalmawı tïis. Aldağı nawrızda bul sport mektebiniñ byudjetin arttırwdı qarastırw kerek» dedi B.Sultanov.

Pikir jazw

Poçtañız jarïyalanbaydı