«استانا اقشامى»
ەل جۇرەگى – ەلوردا شەجىرەسى

جاندى جەرى – جول مەن جارىق

0 43

استانا قالاسىنىڭ اكىمى باقىت سۇلتانوۆ باستاعان جۇمىس توبى قالاداعى بىرقاتار نىساندى ارالاپ، الەۋمەتتى مازا­لاعان ماسەلەلەر بويىنشا جاۋاپتى ماماندارعا ءتيىستى تاپسىرمالار جۇكتەدى.

جۇمىس توبى الدىمەن «وڭتۇستىك-شىعىس» ىقشام اۋدانىنا ات باسىن تىرەپ، ونداعى كوكپار، قوزىباي سياقتى كوشەلەردى ارالادى. جەكەمەنشىك سەكتورلارداعى جاعدايدى ءوز كوزىمەن كورگەن قالا باسشىسى تۇرعىنداردىڭ بازىناسىن تىڭدادى.
جالپى، «وڭتۇستىك-شىعىس» ىقشام اۋدانىندا ءتۇيىنى شەشىلمەگەن تۇيتكىلدەر ءالى دە از ەمەس. تۇرعىنداردىڭ سوزىنشە، مۇنداعى جۇرتتىڭ جاندى جەرى – جول مەن جارىق. سونىمەن قاتار ىقشام اۋدان تۇتاستاي ورتالىقتاندىرىلعان جىلۋ جۇيەسىنە قوسىلماعاندىقتان، قىستىڭ كۇندەرى كومىردىڭ كوك ءتۇتىنى اۋا­نى لاستايدى. بۇدان بولەك، سۋ قۇبىرى مەن كارىز جۇيەسىنىڭ قيىندىقتارى تاعى بار. بۇل تۇرعىدا كوكپار تۇيىق كوشەسىنىڭ تۇرعىندارى ۇيلەرىنە سۋ قۇبىرى مەن كارىز جۇيەسىن ءوز قارجىلارىنا تارتقىزىپ الىپتى. كوممۋنالدىق تولەمدى دە ۋاقتىلى تولەيدى ەكەن. ولار قالا باسشىسىنان ەندى كوشەگە اسفالت توسەۋ ماسەلەسىن شەشىپ بەرۋدى سۇرادى. «قازىر بىلىنبەگەنمەن، كوكتەمدە قار ەرىگەندە مۇندا اياق الىپ ءجۇرۋ مۇمكىن بولماي كەتەدى. جاياۋ جۇرمەك تۇگىلى، ساز بالشىق كولىكتەردىڭ جۇرىسىنە دە ەداۋىر قيىندىق تۋدىرادى. بۇل جەردەن شىققان كولىكتەر قالانىڭ باسقا دا كوشەلەرىن بىلعايدى. سوندىقتان بۇل ماسەلەنى كەيىنگە قالدىرۋعا بولمايدى» دەدى كوكپار تۇيىق كوشەسىنىڭ تۇرعىندارى.
سول سياقتى قوزىباي كوشەسىنىڭ تۇرعىندارى دا كارىز جۇيەسىنە قاتىستى شاعىمدارىن ايتتى. تۇرعىنداردىڭ ءوتىنىش-تىلەكتەرىن تىڭداعان قالا اكىمى مۇنداعى بارلىق ماسەلەنى نازاردان تىس قالدىرمايتىنىن ايتا كەلە، بيىل «وڭتۇستىك-شىعىس» ىقشام اۋدانىنىڭ كوكپار، اقارىس، بەكارىس، جاركەنت سياقتى 14,8 شاقىرىمدى قۇرايتىن 19 كوشەسىنە اسفالت توسەلىپ، ودان بولەك كەلەس، نۇرلى، اقبەرەن، جاڭاوزەن سياقتى ۇزىندىعى 7,2 شاقىرىم بولاتىن 27 كوشەگە اعىمداعى جوندەۋ جۇمىستارى جۇرگىزىلەتىنىن جەتكىزدى. سونداي-اق جاۋاپتى مەكەمە باسشىلارىنا اتالمىش ىقشام اۋدانداعى بىرقاتار كوشەنى جىل سوڭىنا دەيىن جارىقتاندىرۋ كەرەكتىگىن ايتقان قالا اكىمى مۇنداعى ۇيلەردى ءتيىستى كوممۋنالدىق كاسىپورىنداردىڭ قاراماعىنا بەرىپ، كەمشىلىكتەردى جويۋدى تاپسىردى. «ادامدار تۇنگى ۋاقىتتا كوشەدە قول شامدارىمەن جۇرمەۋى كەرەك. ول – وتە ۇيات جاعداي» دەدى باقىت سۇلتانوۆ.
«وڭتۇستىك-شىعىس» ىقشام اۋدانىنان كەيىن قالا باسشىسى كۇيشى دينا كوشەسىنە دە باردى. بۇل جەردەگى قۇرىلىس جوباسىمەن تانىسقان اكىم مۇنداعى پراۆوسلاۆتىق شىركەۋ ماڭىندا گۇل باعىنىڭ بولۋى كەرەكتىگىن ايتتى.
بۇل جەردەن كەيىن جۇمىس توبى «قازاق­ستان» سپورت كەشەنىندە بولدى. جالپى، 2001 جىلى پايدالانىلۋعا بەرىل­گەن سپورت كەشەنىنە سودان بەرى ءجون­دەۋ جۇرگىزىلمەگەن. وتكەن جىلدىڭ تا­مى­زىنان بەرى كۇردەلى جوندەۋ ءجۇر­گى­زىلىپ جاتقاندىقتان، №4 بالالار جانە جاسوسپىرىمدەر سپورت مەكتەبىنىڭ وقۋشىلارى «بارىس ارەنا» مۇز سا­رايى­نىڭ باسسەينىنە بارىپ ءجۇر ەكەن. الايدا بيىل ونداعى ءجۇزۋ جولدارىن جالعا الۋ قۇنى ايتارلىقتاي قىم­باتتاپتى. ءتىپتى ونىڭ شىعىنى با­لا­لار جانە جاسوسپىرىمدەر سپورت مەك­تە­بىنىڭ 2019 جىلعا قاراستىرىلعان بيۋدجەتىنەن دە اسىپ تۇسكەن كورىنەدى. وسىعان بايلانىستى قالا اكىمى مادە­نيەت جانە سپورت باسقارماسىنىڭ باسشىسى بولات ماجاعۇلوۆقا اتالمىش سپورت مەكتەبى تاربيەلەنۋشىلەرىنىڭ «جاستار» سارايىنىڭ باسسەينىندە جات­تىعۋى قاجەتتىگىن ايتتى. «بالالار مەن جاسوسپىرىمدەر سپورتىن دامىتۋ – استا­نانىڭ باسىم باعىتتارىنىڭ ءبىرى. جاس سپورتشىلاردىڭ ساباقتارى قار­جىلىق نەمەسە باسقا دا ماسەلەلەرگە بايلانىستى توقتاپ قالماۋى ءتيىس. الداعى ناۋرىزدا بۇل سپورت مەكتەبىنىڭ بيۋدجەتىن ارتتىرۋدى قاراستىرۋ كەرەك» دەدى ب.سۇلتانوۆ.

پىكىر جازۋ

پوچتاڭىز جاريالانبايدى