«Astana aqşamı»
El jüregi – elorda şejiresi

«JAYDARMAN» ALAÑINDA – JAS MAMANDAR

0 125

Astana qalası äkimdigi Tilderdi damıtw basqarma­sınıñ uyımdastırwımen QR Täwelsizdiginiñ 25 jıl­dığına arnalğan «Memlekettik til – barlıq salada» attı jas mamandardıñ arasındağı «Jaydarman» oyındarı ötti.

img_0552

Bul sınnıñ bastı erekşeligi oyınğa kä­sibï «jaydarmanşılar» emes, ärtürli salada qızmet etip jürgen jas mamandardıñ qa­tıswı bolsa kerek.
Memlekettik tildiñ mereyin köterwge ar­nalğan «Jaydar­man» oyındarına 11 komanda qatısıp, öz önerlerin ortağa saldı. Olardıñ işinde Astana qalası äkimdigi Bilim basqar­ması, Sarıarqa awdanı äkimdigi men Astana qalalıq Din isteri basqarması, «KEGOC» jäne «Transtelekom» AQ qurama komandaları bar. Memlekettik qızmetşiler men akcïonerlik qoğamnıñ jas mamandarı kö­rermenge köteriñki köñil-küy sıylay bildi. Sonday-aq, äzil keşine S.Seyfwllïn atın­dağı Qazaq agrotehnïkalıq wnï­versïteti, Qazaq ekonomïka qarjı jäne halıqaralıq sawda wnïversïteti, Astana qalası kölik jäne kommwnïka­cïya kolledji men ASW kolledjiniñ ustazdarı qatısıp, öz şäkirt­terin külkige qarq qıldı.
Oyın bastalmay turıp kö­rermen «Jaydarmanğa» qatıs­­pağan jas mamandar sahnada qalay öner körseter eken?» dep küdik­tengen bolatın. Tipti, munday küdiktiñ bolğanın körer­mennen burın Qazaqstan KVN odağınıñ prezïdenti Esen Elewkenniñ özi tilge tïek etti. Alayda 11 komandanıñ işinde önerimen jurtşılıqtı tänti etken de, sonımen qatar «ättegen-ay» degizgen de quramalar boldı. Desek te, jas mamandardıñ astarlı äzilderi keybir kemşi­likterdi jwıp-şayıp ketkendey boldı. Budan bölek, körermen men qazılar alqasın «jaydarmanşılardıñ» sayasï äzil ayta bilgen qasïeti tamsandırdı. Sebebi «qazaq köñildi tapqırlar klwbı sayasï äzilder aytpaydı» degen qoğamda sınï közqaras bar bolatın.
Sonımen, qazılar alqasınıñ şeşimi boyınşa Astana qalası kölik jäne kommwnïkacïya kolledji «Jaydarman» sayısında eñ üzdik öner körsetkeni üşin «Üzdik oyınşı» nomïnacïyasın ïelendi. Sonday-aq, üşinşi orındı Sarıarqa awdanı äkimdigi men Astana qalalıq Din isteri basqarmasınıñ birlesken quraması mise tutsa, ekinşi orındı Qarağandı qalasınıñ jas mamandarı oljalap ketti.
Al bas jülde men kwboktı «Qazaqstan» Respwblïkalıq teleradïokorporacïyası» ak­cïonerlik qoğamınıñ atınan qatısqan «Törtinşi bïlik» komandası jeñip aldı.

Serik QUDAYBERGENULI

Pikir jazw

Poçtañız jarïyalanbaydı