«Astana aqşamı»
El jüregi – elorda şejiresi

Jahandıq sammït bizge ne beredi?

0 39

Keşe elordadağı Täwelsizdik sarayında UNWTO-nıñ «Aqıldı qalalar – aqıldı destïnacïyalar» attı VIII jahandıq sammïti bastaldı. Üş künge sozılatın halıqaralıq jïınğa 700-den asa meyman qatıswda. Olardıñ qatarında şeteldik tanımal käsipkerler, säwletşiler, jwrnalïster men twrïstik uyımdardıñ ökilderi bar. UNWTO-nıñ qalalıq twrïzm mäselelerine arnalğan 8-sammïti «aqıldı» qalalardı damıtw, olardıñ bügingi tañdağı kürdeli qalalıq problemalardı şeşwge ıqpalı jöninde bolmaq. Öytkeni munday mäsele älemdegi köptegen destïnacïyalardı alañdatıp otır.

Alqalı jïında qalalıq bas­qarwdıñ ornıqtı­lı­ğı, qoljetim­diligi, ïnnovacïyalar men tehnologïyalar sïyaqtı mañızdı mäseleler aşıq talqılanadı. Nelikten bul sammïtti ötkizwge Nur-Sultan qalası tañdaldı? Sebebi Qa­zaq­stannıñ bas qalası «aqıl­dı» qalanıñ alğaşqı tehno­logïyaların sätimen qolda­nısqa engizdi. Mısalı, gadjetter­di qwattawğa mümkindik be­retin jılı ayaldamalar, kün batareyaları men velo­turaqtar – osınıñ däleli. Budan basqa da jaña tehnologïyalar elordada qoldanılwda.
Bul sammït bizge ne beredi? Qazir Jer şarındağı halıqtıñ jartısınan köbi qalalarda ömir süredi. 2050 jılğa qaray älemdegi qalalarda turatın adamdardıñ sanı 2,5 mlrd-qa ösedi degen boljam bar. Alayda qalalar köbeygen sayın, ondağı halıqtıñ turmısınıñ sapasına äser etetin närseler de ulğayuda. Munday jağdayda tek «aqıldı» qalalar ğana kömekke keledi. Sonıñ işinde qalanı örkendetwge twrïzmniñ qosatın ülesi uşan-teñiz. Qazaqstan sïyaqtı qarqındı damw jolına tüsken memleket üşin twrïzm ekonomïkanıñ qozğawşı küşi ğana emes, sonday-aq elimizdi älemdik qawımdastıqqa tanıtwdıñ twra jolı.
Bul orayda jahandıq deñgeydegi basqoswdıñ ötkizilwi elimizdegi qalalardıñ zamanawï jäne tehnologïya­lıq jañarwına jağımdı äserin tïgizip qana qoymay, bas qalamız – Nur-Sultannıñ twrïsterge tartımdı destïnacïya retinde kelbetin özgertedi. Sonımen qatar, şeteldik qonaqtar twrïstik salanı damıtwdıñ ozıq täjirïbesimen bölisedi. Alqalı jïında Qazaqstan jäne qatıswşı-elder arasında tïisti deklaracïyağa qol qoyıladı. Demek, bul jïın bizdiñ mamandarımız ben şeteldikterdiñ iskerlik jäne seriktestik qarım-qatınastarın keñeytwge mümkindik beredi.
Eñ bastısı, qalalıq twrïzm jönindegi UNWTO-nıñ 8-şi jahandıq sammïtin ötkizw elordamızdıñ bedeline jağımdı ıqpal etedi. Bas qalamız Qazaqstannıñ mädenï, rwhanï, iskerlik ortalığı ekenin tağı bir märte däleldeydi. Al şeteldik meymandar qazaq halqınıñ bay tarïhımen, ozıq mädenïe­timen, ğajayıp salt-dästürlerimen tanısadı. Eldi, ulttı älemge tanıtwğa tamaşa mümkindik twadı.

Pikir jazw

Poçtañız jarïyalanbaydı