«Astana aqşamı»
El jüregi – elorda şejiresi

Ulı tulğalardı layıqtı ulıqtayıq

0 12

Aqordada QR Memlekettik hatşısı Marat Täjïnniñ törağalığımen Abay Qunanbayulınıñ 175 jıldıq jäne Äbw Nasır äl-Farabïdiñ 1150 jıldıq merey­toyın dayındaw jäne ötkizw jönindegi memlekettik komïssïyalardıñ otırısı ötti.

Äweli Abay Qunanbayulınıñ 175 jıldıq merey­toyın dayındaw jäne ötkizw jönindegi memlekettik komïssïyanıñ otırısın aşqan Marat Täjïn «Rwhanï jañğırw» bağdarlamasınıñ mañız­dı bağıtı ulttıñ «mädenï kodın» saqtaw bolıp tabılatının, bul orayda, mereytoylıq is-şaralar Abaydıñ rwhanï murasın saqtawğa, zerdelewge jäne nasïhattawğa bağıttalwı tïistigin atap ayttı.
Otırısta söz söylegen Mädenïet jäne sport mïnïstri Aqtotı Rayım­qulova, Bilim jäne ğılım mïnïstri Ashat Aymağambetov, Aqparat jäne qoğamdıq damw mïnïstri Däwren Aymağambetov, L.N Gwmïlev atındağı EUW rektorı Erlan Sıdıqov, Şığıs Qazaqstan oblısınıñ äkimi Danïyal Ahmetov, Ulttıq awdarma byurosınıñ atqarwşı dïrektorı Rawan Kenjehanulı josparlanğan is-şaralar men jobalar twralı bayandadı.
Alqalı jïın jöninde memlekettik komïssïyanıñ müşesi, Nur-Sultan qalalıq mäslïhatınıñ depwtatı,
L.N Gwmïlev atındağı Ewrazïya ulttıq wnïversïtetiniñ rektorı Erlan Sıdıqov jïında josparlağan şaralar jöninde bılayşa oy bölisti: Abay şığarmaları şetelderdiñ irgeli tilderine jäne türki halıqtarınıñ tilderine awdarılıp, jarıqqa şığarıladı. Ulı aqınnıñ ömiri men şığarmaşılığı twralı derekti fïl'mder tüsiriledi. YUNESKO-nıñ ştab-päterinde Qazaqstannıñ üzdik şığarmaşılıq ujımdarınıñ gala-­koncerti jäne tanımal abaytanwşı ğalımdardıñ qatıswımen halıq­aralıq ğılımï-praktïkalıq konferencïya ötedi. Mereytoyğa arnalğan halıqaralıq konferencïya elordada ötedi. Mädenïet jäne sport mïnïstrligi jäne äkimdikter ulı oyşıldıñ muraların nasïhattaw boyınşa teatr­landırılğan qoyılımdar, mwzeylik eksponattar men festïval'der, aytıstar, ekspedïcïyalar, çellendjder, fleş-mobtar jäne basqa da köptegen is-şaralar ötkizwdi josparlap otır. Abay atındağı Memlekettik akedemïya­lıq opera jane balet teatrı Türkïya, Resey jäne Qıtayda «Abay» operası qoyılımın sahnalaydı.

Memlekettik hatşı Marat Täjïn memkomïssïyağa Memleket basşısına üş bastamamen şığwdı usındı: Semey qalasındağı äwejayğa Abay esimin berw; ädebïet jäne öner salasındağı memlekettik sıylıqtı Abay atındağı memlekettik sıylıq dep özgertw; Qazaqstannıñ elşilikteriniñ bazasında «Abay ortalıqtarın» qurw. Ükimet Abay Qunanbayulınıñ 175 jıldıq mereytoyın dayındaw jäne ötkizw jönindegi jalpırespwblïkalıq jospardıñ jobasın Memlekettik komïssïyanıñ qarawına 2019 jıldıñ 1 qazanına deyin engizwi tïis.

Sonımen qatar elimizdiñ barlıq mektepterinde aşıq sabaqtar, şığarma jazwdan, aqın öleñderi men qara sözderin mänerlep oqwdan bayqaylar ötedi. Abay şığarmaşılığın üzdik bilwge arnalğan oqwşılar arasındağı jalpırespwblïkalıq olïmpïadanıñ jeñimpazdarı men lawreattarına Gwmïlev atındağı EUW men äl-Farabï atındağı QazUW-da oqw üşin 50 bilim grantı tağayındalatın boladı.
Sonday-aq Memlekettik hatşı Äbw Nasır äl-Farabïdiñ 1150 jıldıq mereytoyın dayındaw jäne ötkizw jönindegi memlekettik komïssïyanıñ otırısın ötkizdi. «Elbasınıñ «Ulı dalanıñ jeti qırı» maqalasında atalğan ulı esimder işinde äl-Farabïdiñ atı birinşi tur. Onıñ murası älemdik örkenïettiñ ïgiligi bolıp tabıladı» dedi Marat Täjïn otırıstıñ aşılwında söylegen sözinde. Odan keyin Bilim jäne ğılım mïnïstri Ashat Aymağambetov, äl-Farabï atındağı QazUW rektorı Ğalımqayır Mutanov, Sırtqı ister mïnïstriniñ birinşi orınbasarı Muhtar Tilewberdi, Aqparat jäne qoğamdıq damw mïnïstri Däwren Abaev mereytoy ayasında josparlanğan jobalar twralı bayandadı.
Mereytoy şeñberinde äl-Farabï atındağı Qazaq ulttıq wnïversïtetiniñ bazasında onlayn jwrnal şığarw arqılı farabïtanwşılardıñ halıqaralıq ortalığın qurw josparlanwda. «Äl-Farabï jäne älemdik örkenïet» attı halıqaralıq ğılımï sïmpozïwmge dayındıq bastaldı. Ulı ustazdıñ eñbekteri awdarılıp, jarıqqa şığarıladı, derekti fïl'm­der men teleradïo bağdarlamalar tüsiriledi. Elimizdiñ barlıq joğarı oqw orındarında, ğılımï jäne mädenï uyımdarında halqımızdıñ dañqtı tulğasınıñ muraların nasïhattawğa bağıttalğan konferencïyalar, sïmpozïwmder jäne basqa da köptegen bilim, mädenï şaralar ötedi.

Pikir jazw

Poçtañız jarïyalanbaydı