«Astana aqşamı»
El jüregi – elorda şejiresi

«Tüngi sot» turğındarğa qolaylı

0 77

Astana qalasınıñ awdanaralıq mamandandırılğan äkimşilik sotında «Tüngi sot» qanatqaqtı jobası jumıs istey bastağan bes ayda 1 811 äkimşilik is qaralıp, oğan 3 720-dan asa adam qatıstı.

Sot qarağan äkimşilik materïaldardıñ köpşiligi Äkimşilik quqıq buzwşılıq twralı kodekstiñ 610-babına, atap aytqanda, kölik quraldarı jürgizwşileriniñ jol jürisi qağïdaların adamdardıñ densawlığına zïyan keltirwge, kölik quraldarınıñ nemese özge de müliktiñ bülinwine alıp kelgen sebep-saldarğa qatıstı boldı.
Bïıl qazan ayınıñ ortasında «Tüngi sot» otbasılıq-turmıstıq kïkiljiñge baylanıstı taraptardıñ kelisimge kelw mäselesin qarasa, arada köp waqıt ötpey, joba ayasında Qazaqstan Respwblïkasınıñ köşi-qon zañnamasın buzğan özge eldiñ azamattarına qatıstı materïaldar qaraldı. Bul öz kezeginde şetel azamatınıñ sol küni eş kedergisiz elden ketwine mümkindik beredi.
Atalğan jobanıñ jüzege asırılwı jalpı tärtipte qaralatın äkimşilik isterdiñ azayuına, söytip, tutastay alğanda, sot jumısın jeñildetwge zor mümkindikter twğızwda.
Statïstïka körsetip otırğanday, «Tüngi sot» jumıs istey bastağan bes aydıñ işinde swd'yalardıñ jumıs jüktemesi birşama azayğan. Mäselen, 2018 jıldıñ mawsımına deyin bir swd'yanıñ ortaşa aylıq jüktemesi – 300, 330 is bolsa, qazirgi kezde öndiristegi ister sanı 250-257 bolıp otır. Tüngi sot jumıs istey bastağan waqıttan beri bir künge swd'ya 10-11 is tağayındasa, al 2017 jıldıñ osı kezeñinde bir swd'ya künine 25-ten 40 iske deyin qaraytın.
Kelip tüsken äkimşilik materïaldardı sol küni qaraw adamdardıñ sot jüyesine degen senimderin nığayta tüswde. Osınıñ özi qolğa alınıp otırğan ilki jobanıñ tïimdiligi men ömirşeñdigin däleldey tüsedi.
Joğarıda atap ötkendey, tüngi sottar isti basqa künge qaldırmay tez şeşip, waqıttı ünemdewmen qatar, zañdılıqtı qalpına keltiredi. YAğnï, istiñ jıldam qaralwın qamtamasız etip, sot ädildigin ornatwğa ıqpal etedi. Öytkeni, oqïğanıñ izi swımay qaralwı azamattarğa da ıñğaylı.
Sonımen qatar, atalğan ister boyınşa äkimşilik materïaldardı qaraw kezinde saqtandırw kompanïya­ları «Tüngi sottıñ» qawlısı negizinde saqtandırw jağdaylarına baylanıstı sot aktisiniñ zañdı küşine enwin kütpey-aq, bağalaw jürgize aladı.
Osığan oray sotqa qatıswşılar sot qawlısı zañdı küşine engennen keyin üş nemese bes täwliktiñ işinde özderiniñ saqtandırw tölemderin ala aladı. Bul azamattarğa keltirilgen zïyannıñ orının tez toltırw üşin jasalıp otırğan naqtı kömek bolıp tabıladı.
Keyingi waqıtta Astana qalasınıñ mamandandırılğan awdanaralıq äkimşilik sotı «Tüngi sot» jobası boyınşa ärbir äkimşilik materïaldardı qarar kezde qatıswşı taraptardıñ pikirlerin suraw­dı täjirïbege engizip keledi.
Adamdardıñ barlığı derlik öz pikirlerinde keşki mezgil bolğasın, eşqanday kezek kütpeytinin, qajetti qujattardı toltırıp, mäjilis zalına birden ötetinin aytadı. Sondıqtan köpşiliktiñ osınday usınıs-pikirlerin eskere otırıp, jobanı halıqqa qızmet etw üşin odan äri jetildire tüsw mümkindikteri qarastırılwda.

Botagöz BAYANOVA,
Astana qalalıq sotı aqparattıq
qamtamasız etw böliminiñ basşısı

Pikir jazw

Poçtañız jarïyalanbaydı