«Astana aqşamı»
El jüregi – elorda şejiresi

Tülekter şeberlerden tälim aldı

0 33

Nur-Sultan qalasında «Nur-Sultan – jarqın bolaşaq mekeni» attı tehnïkalıq jäne käsiptik bilim berw uyımdarınıñ şeberlik sabaqtarı ötti.

Qalalıq Bilim basqarması uyım­dastırğan bul şarağa elordadağı 35 oqw ornınıñ tülekteri qatıstı. Olarğa käsiptik bağdar berw, jumısşı jäne tehnïkalıq mamandıqtardıñ märtebesin köterw maqsatında ötken şara kolledj stwdentteriniñ qızmet körsetw, bilim berw, medïcïna, aqparattıq tehnologïya, kölik, baylanıs, qurılıs jäne kommwnaldıq şarwaşılıq mamandıqtarı boyınşa qala turğındarı men tülekterge tegin qızmet körsetw, mamandıq tañdaw boyınşa keñes berw türinde ötti.
– Bul şarada qalalıq kolledj stwdentteri üyrengen bilimderin paydalana otırıp, öz önerlerin körsetedi. Bes jıldan beri ötkizilip kele jatqan şara stwdentterdiñ jumısqa ornalaswına oñ serpin berip qana qoymay, öz tülekterimiz jasağan önimderdiñ el işi narığına ötwine de öte tïimdi, – dedi qalalıq Bilim basqarması basşısınıñ orınbasarı Dwlat Jäkenulı.
Dïzayn, alğaşqı medïcïnalıq kömek körsetw, robototehnïka isi boyınşa körsetilgen şeberlik sabaqtarı şarağa qatıswşılar arasında ülken qızığwşılıq twdırdı. «Şeberlik sabaqtarı boladı degen soñ, balalar ne üyrenip jatır eken dep ädeyi keldim. Sebebi meniñ de ösip kele jatqan balalarım bar. Bolaşaqta olarğa qanday mamandıq oqıtw kerek degen de otbasımızdıñ özekti mäselesi. Jastardıñ önerlerin körip qwanıp qaldım. Äsirese, robot jasağan balalardıñ qabiletine tänti boldım» deydi şarağa qatısqan qala turğını Mayra Altınbekova.

Pikir jazw

Poçtañız jarïyalanbaydı