Tag Archives: Ботагөз МАРАТҚЫЗЫ

БҰҰ-ның мінберіндегі Мөлдір

Сүйінші, қазақ жұрты! Біріккен Ұлттар Ұйымының мінберіне тағы бір балаң көтеріліп, сөз сөйледі! Естеріңізде болса, былтыр «Көп тілдер – бір әлем» халықаралық байқауының жеңімпазы ретінде Олжас Сүлейменов атты жігіт осынау беделді тұғырда баяндама оқып еді ғой. Бұл жолғы үздіктің есімі – Мөлдір Арапова. Бүгінде Қытайдың Харбин қаласында білім алып жүрген талантты аруымызбен күні кеше жүздесіп, әңгімелесудің сәті түсті.  – «Көп тілдер – бір әлем» тақырыбына өзгеше шығарма жазу керек болды, – деп бастады әңгімесін Мөлдір. – Әлем азаматы, халықаралық ынтымақтастық пен өзара келісім секілді мәселелерді қамти отырып, тілдің рөлі жайында …

Ары қарай оқу

Кептерге кесел қайдан келді?

Есіл өзені жағалауында қырылып жатқан кептерлер астаналықтардың алаңдаушылығын туғызуда. Олар әлеуметтік желіге өлі құстардың суретін жариялап, кеселдің неден келгенін біле алмай әлек. Осы мәселенің анық-қанығын тексермек болып қаладағы Санитарлық-эпидемиологиялық сараптама орталығының Тұ­тынушылардың құқықтарын қорғау департаментіне хабар­ласқан едік. – Жағалаудағы кептерлердің қырылу себебін анықтау үшін Есіл өзеніндегі судың сынамасын алдық. Оның химиялық, радиологиялық, микробиологиялық және токсико­логиялық құрамын зерт­тейміз. Талдау нәтижесі бойын­ша қосымша мәлім­дейміз, – деп жауап берді бізге аталмыш ұйым маманы. Сонымен қатар, ведомство өкілінің айтуынша, биылғы 4 тамыз күні «Астаналық дезинфекция» ЖШС қалалық саябақ аумағында, оның ішінде жағалау маңында да тазалау …

Ары қарай оқу

Нұржан КЕРМЕНБАЕВ: Бас киімдерден жеке коллекциям бар

Дәстүрлі айдарымыздың бүгінгі қонағы – отандық эстрада әншісі Нұржан Керменбаев. Ел арасында «Қара бала» атанып кеткен өнерлі жігіттің сахнада жүргеніне биыл 10 жыл толды. Осынау мерейлі уақиғаға орай кейіпкеріміз газет оқырмандарының сауалдарына жауап беріп, шығармашылық жоспарларымен бөліскен еді. – Нұржан аға, өнер жолына қалай келгеніңіз туралы әңгімелеп беріңізші. Жамбыл МҰСТАФА, оқушы – Негізі, әу демейтін қазақ жоқ қой. Әкем де, анам да, туыс аға-әпкелерім де өнерден құралақан емес. Солардың тәрбиесі ме екен, бала кезімде той-томалақтарға бара қалсам, ортаға шығып, ән салғанды жақсы көретінмін. «Біздің ұл ән айтады. Қане, Нұржан!» деп …

Ары қарай оқу

Бүгін француз дизайнері Ламин Мохамедтің «Патшайым көйлектері» атты жеке көрмесінің соңғы күні

Шара Астанадағы «Хас Санат» өнер галерея­сында өтіп жатыр. Танымал дизайнердің көрмелері бұған дейін Еуропа, Америка және Африкада ұйымдастырылған. Оның коллекциясында Фредегонда, Француз Бланкасы, ІІ Француз Жаннасы, Жанна Бурбонская, Изабел Арагонская, тіпті, Констанция Кастильская сынды сұлулардың небір керемет көйлектері бар. Әрқайсысының бедері, ою-өрнегі, тігісі бір-біріне ұқсамайды. «Көп естігеннен бір рет көрген артық» демей ме?! Ендеше, сағат 10.00-19.00 аралығында болатын көрмеге асығайық. Ботагөз МАРАТҚЫЗЫ

Ары қарай оқу

Астаналықтар суды қайдан ішеді?

Елорда тұрғындарының қолайлы тұрмысын қамтамасыз ету үшін қаншама мекеме күні-түні дамылдамай еңбек етуде. Сондай игі істердің бір парасын «Астана су арнасы» мемлекеттік коммуналдық кәсіпорны атқарады. Кеше біз аталмыш ұйымға барып, күнделікті тұтынатын судың үйімізге жеткенге дейінгі барлық процестерін бақылап қайтқан едік.  «Астана су арнасы» МКК бас директоры Уәлихан Досаевтың айтуынша, қазіргі таңда қаладағы ауызсу мен техникалық су шаһардан 51 шақырым оңтүстік-батыста орналасқан Астаналық (Вячеслав) су қоймасынан алынады. Ал тұтынатын су көлемінің шамамен 1 пайызы жерасты су көздеріне тиесілі. – Астаналық су қоймасынан алынған су сорғылы-сүзгілі бекетке жеткізіліп, №1 және №2 …

Ары қарай оқу

АПАТТЫ КӨШЕЛЕРДЕ ТЕКСЕРІС КҮШЕЙДІ

Елордалық Ішкі істер департаменті кейбір көшелерден жылдамдық өлшейтін «Вокорд-Циклоп» аппаратты-бағдарламалық кешендерін алып тастады.  «Бұл құрылғыларды шаһардағы жол-көлік оқиғаларына байланысты ахуалды талдау мақсатында орнатқан едік. Бүгінде аталмыш қондырғыларды қаладағы жол-көлік оқиғалары аз жасалатын учаскелерден шешіп, апаттық жағдай жиі болатын жерлерге орналастырдық» деп түсіндірді Астана қаласы Ішкі істер департаментінің баспасөз хатшысы Софья Қылышбекова. Ведомство өкілінің айтуынша, құрылғыны орнату жұмыстары күрделі болмағандықтан, оларды жолдардың басқа учаскелеріне ауыстыру қиынға түспейді. Бүгінде мұндай жылдамдық өлшегіштер өздерінің тиімділігін көрсетіп отыр. «Вокорд-Циклоп» кешендері биылғы ақпанның соңында іске қосылып, 230 миллион теңге көлеміндегі 9300-ден астам жол ережесін бұзу …

Ары қарай оқу

АРМАНДАР ОРЫНДАЛАДЫ

Белгілі виолончельші Эльдар Сапараев Күләш Байсейітова атындағы дарынды балаларға арналған музыка мектебінде оқыған сыныптас достарымен бірлесіп, елордалықтар мен қала қонақтары үшін 19 тамызда «Астана Опера» театрының Камералық залында концерт ұсынады.   Сахнада өнер көрсететін музыканттардың құрамында скрипкашы Қаламқас Жұмабаева, Эльвира Мұхамбетова, Баян Рахимова, флейташы Александр Тараскин, валторнашы Марат Қонысбаев, Виталий Сиротин, пианиношы Гаухар Тасбергенова, Әлібек Әлпиев бар. Сондай-ақ скрипкашы Бахыт Бижанов, Ержан Ахметжанов және виолончельші Ермек Құрманаев осы кештің арнаулы қонақтары ретінде шақырылып отыр. – Бұл басқосуды бес жылдан бері күттік. Бәріміз тізе қосып өнер көрсетуді көп армандаған едік. Енді …

Ары қарай оқу

Жат ағым жақсылыққа апармайды

Елордалық әкімдікте қалалық мәслихаттың тұрақты комиссиясы дәстүрлі емес діни ағымдармен күрес барысы туралы отырыс өткізді. Жиында әртүрлі басқарма өкілдері аталмыш мәселеге қатысты деректермен бөлісіп, шаһардағы діни ахуалды талқылады.  Дін істері жөніндегі басқарма бас­шысының міндетін атқарушы Нұрдәулет Әлмұхановтың айтуынша, бүгінде Астана аумағында 49 діни бірлестік жұмыс істейді. Олардың әрқайсысының қызметі жіті бақыланып отырады. Сондай-ақ, ғибадат жасайтын орындар да тұрақты түрде тексеріледі. Мәселен, қала бойынша Алматы ауданында – 3, Есіл ауданында – 10, Сарыарқа ауданында 6 намазхана бар екен. Жат діни ағымдардың қоғамға дендеуіне миграцияның да түрткі болары белгілі. Яғни, қалаға сырттан қоныс …

Ары қарай оқу

«ДАЛА АҢЫЗЫ» СЫР ШЕРТЕДІ

15 маусым мен 15 қыркүйек аралығында Тәуелсіздік сарайында белгілі суретші, қолданбалы өнер шебері Құттыбек Жақыповтың «Дала аңызы» атты көрмесі болады. Шара ел тәуелсіздігінің 25 жылдығына арналып отыр. Көрмеге суретшінің 1983 жылдан қазіргі уақытқа дейін жасаған 60-қа жуық гобелені мен текеметі қойылған. Оның ішінде «Шөл дала», «Шарықтау», «Бағындырушы» секілді киіз жұмыстары бар. Әрқайсысы терең астарлы мағынамен, күтпеген композициялық шешіммен, сәндік фактурамен және бояулардың байлығымен ерекше. Ботагөз МАРАТҚЫЗЫ

Ары қарай оқу

БҮГІНГІ ШЫҒАРМА – ЕРТЕҢГІ ТАРИХ

Қазақстан Республикасының Ұлт­тық музейінде «Болашаққа көз­қарас: маңызды мұра» көрмесі өтуде. «Бұл жобаның мақсаты – өнер алаңын­да қызмет етіп жүрген отандық сурет­шілердің шығармашылығын насихаттау. Олар бүгінде шетелде кеңінен танымал» дейді аталмыш мекеменің қазіргі заманғы өнер орталығы жетекшісі Роза Әбенова. Тамыздың 23-іне дейін жалғасатын көрмеге Сәкен Нарынов, Рашид Нұрекеев, Елена Воробьева, Юлия Сорокина, Сәуле Дүйсенбинова секілді қылқалам шеберлерінің туындылары қойылған. Шараның жұмыс уа­қыты: 10.00-18.00. Дүйсенбі – демалыс. Ботагөз МАРАТҚЫЗЫ

Ары қарай оқу