Среда, 28 Июнь 2017
-->

Архивы с метками: Астана күні

Қазақстан Президентінің атына келіп түскен құттықтаулар

Мемлекет басшысының атына шетел мемлекеттері мен үкіметтерінің басшыларынан, саяси қайраткерлерден, шетелдік және отандық компаниялардың жетекшілерінен, бизнес, ғылым, білім, мәдениет, спорт саласының өкілдерінен, сондай-ақ қарапайым азаматтардан оның туған күніне, Астана күніне және Қазақстанның БҰҰ Қауіпсіздік кеңесінің 2017-2018 жылдардағы тұрақты емес мүшесі болып сайлануына байланысты көптеген құттықтау хат келіп түсті. Ресей Федерациясының Президенті Владимир Путин өз жолдауында Нұрсұлтан Назарбаевты туған күнімен құттықтап, екі ел арасындағы одақтастық пен стратегиялық серіктестікті дамытудағы оның еңбегін атап өтті. Сондай-ақ ол Елбасының еуразиялық кеңістіктегі тату көршілікті, тұрақтылық пен қауіпсіздікті қамтамасыз етуге қосқан үлесіне тоқталды. «ЕАЭО көбіне-көп Сіздің ... Читать далее »

СОЛ ЖАҒАЛАУ СУҒА КЕТПЕЙДІ

Астана күні мерекесінде жауған жаңбыр жарты сағат ішінде елорданың біраз аймағын суға толтырғаны белгілі. Сол күні бар-жоғы 25 минут ішінде сегіз миллиметр көлемінде ылғал түскен екен. Бұл қалыптағы нормадан бірнеше есе жоғары. Соның салдарынан қаладағы коммуналдық қызмет аяғынан тік тұрып, күшейтілген режимде жұмыс істеуге мәжбүр болды. Мереке күндері елордада есепсіз жауған жауыннан жиналған суды соруға жүз жақты мамандандырылған техника, 2 жылжымалы сорғы станса, 7 мотопомпа, 21 сорғы сияқты құрал мен техникалар жұмылдырылған болатын. Нәтижесінде екі сағат көлемінде жауынның салдары жойылды. Қазіргі уақытта жаңбыр суын ағызатын кәріз құрылысы қалай жүріп жатыр? ... Читать далее »

Жүгенсіздерді жөнге салды

Қоғамдық орындарда, көшелерде тәртіпті қадағалау мақсатында ұйымдастырылған жедел алдын алу шарасында Жергілікті полиция қызметі  2300-ге жуық әкімшілік құқық бұзушылықты анықтаған.  Қала күні қарсаңында өткен кезекті рейдте екі күн ішінде 330 адамның ішімдік ішкені белгілі болды. Абаттандыру ережесін 240 адам бұзса, ұсақ бұзақылық бойынша 160 дерек тіркелген. Ата-анасының рұқсатынсыз көше кезіп жүрген 62 жасөспірім жауапқа тартылыпты. Астана қаласы ІІД Жергілікті полиция қызметінің инспекторы Ләззат Бисембаеваның айтуынша, жол қозғалысын бақылайтын полицейлер 197 – жылдамдықты асыру, 254 – қауіпсіздік белдігін тақпау, 110-ұялы телефонмен сөйлесу және 11 адамның ішіп алып автокөлік жүргізгенін анықтаған.   Читать далее »

МЕРЕКЕ МЕРЕЙІН ТАСЫТТЫ

Күні кеше ғана бас қалада тойланған Астана күні мерекесі қала тұрғындары мен қонақтарын сансыз қызыққа кенелтті. Сол күндері елорда әсем бір әнге салып тұрғандай болып көрінді. Ғасырлардан сыр тартқан көне күмбір де, құлаққа жеткен бойда билете жөнелетін музыка да шалқыды. «Алау» мұз айдыны сарайында осының бәрін біріктірген тамаша концерт өтті. «Ұлытау ұлы» атауын алған бұл кешке келген көрермен өзінің сүйікті әншілерімен қауышты. Бар қазаққа қасиетті Ұлытау биігінен түлеп ұшқан ұл – белгілі әнші, продюсер Қыдырәлі Болмановтың жобалары – «АБК» тобының 20 жылдығы, «Ұлытау» этно-рок тобы мен әнші Қарақат Әбілдинаның шығармашылығына ... Читать далее »

ОТШАШУҒА ОРАНДЫ АСТАНАМЫЗ

Астана күніне арналған мерекелік отшашу қаланың бес жерінен жарқырады. «Хан Шатыр» сауда – ойын-сауық орталығы жанындағы алаңнан, Есіл өзені жағалауынан және Абылайхан даңғылы мен Пушкин көшелері қиылысындағы аумағынан көтерілген түрлі-түсті отшашу Астана мерекесінің айшықты көрінісі болды. Отанымыздың жүрегі, Тәуелсіздігіміздің тірегі болған Астана кеше ғана 18 жылдығын атап өтті.  Сәулеті мен дәулеті жарасқан елордамыздың төл мерекесі қала жұртшылығы мен меймандарына ерекше қуаныш сыйлады.     Астана – Елбасымыз Нұрсұлтан Назарбаев қазығын қаққан құтты қаламыз  барша қазақстандықтардың мақтанышына айналды.    Астана – бар қазаққа бас қаласы ұлттық рухымыздың қайнар бұлағына, азаттықтың айбынды бойтұмарына, ... Читать далее »

АҚЫНДАРҒА ШАБЫТ БЕРДІҢ, АСТАНА!

«Конгресс-холл» сарайында Астана қаласы әкімдігінің қолдауымен елорданың туған күніне арналған  «Бағаналы ордам – басты ордам» атты республикалық айтыс дүркіреп өтті.  Аламан сайыстың алдында Астана қаласы әкімінің орынбасары Ермек Аманшаев  жиналған қауымды елордамыздың төл мерекесімен құттықтап, айтыскер ақындарға сәттілік тіледі. Бабадан қалған бағзы өнердің дамуына үлес қосып, айтыстың «атасы» атанған көрнекті ақын Жүрсін Ерман айтулы айтыс тақырыбын айшықтап, арайлы Астана туралы жүрекжарды лебізін білдіріп, ақындарға ақ батасын берді. Елорда мерекесі аясында жыл сайын дәстүрге айналған шараға биыл шашасына шаң тимес жүйріктігімен танылған  он екі ақын қатысты. Олар Есілдің жағасына қоныс тепкен ... Читать далее »

«СЕРПЕРДЕН» «САРЫАРҚАҒА» ДЕЙІН

«Серпер» халық аспаптар оркестрлерінің ІV халықаралық музыкалық фестивалі Астананы үш күн бойы дүбірге бөлеуде. Ұлттық өнер салтанатына қатысып отырған ұжымдар ашық аспан астында концерт беріп, Атыраудан Алтайға дейін созылып жатқан даламыздың бай музыкалық мұрасын жаңғыртуда. Фестиваль көрермендері өзге жұрттардың музыкасына да қанығуда. Қаланың орталық алаңында ашылған оркестрлердің мерекесі елорданың «Студенттік» және «Арай» саябақтарында жалғасып, бүгін қалалық алаңда шымылдығын жабады. Фестивальді Астана қаласы мемлекеттік академиялық филармониясының Қазақ оркестрі Құрманғазының «Сарыарқа» күйімен ашты. Жалпы сол күнгі елордалық өнер ұжымы қырыққа тарта шығарманы орындады. Олардың арасында Құрманғазыдан басқа Тәттімбет, Дина, Ықылас, Тоқа, Дайрабай, ... Читать далее »

БУЛЬВАР БОЙЫНДАҒЫ КРЕАТИВ

Қала күніне орай шығармашылықты сүйетін жандар үшін де тосын сый даярланды. Әсіресе, бұрынғыға ұқсамайтын жаңашыл әрі креатив өнерді бағалайтындарға бұл шараның ұнағаны рас. Әңгіме «Astana Art Fest» жайлы… Бірден айтайық, фестиваль бөлекше стильдің қыр-сырын жұртшылыққа түсіндіруге бағытталған. Яғни, оған сіз елестеткен күнделікті мүсіндер мен қарапайым инсталляциялар емес, абстракциялық жанрдағы дүниелер әкелінді. – Биылғы фестиваль тақырыбының негізгі идеясы адам энергиясына арналған. Ашық аспан астындағы көрмеге заманауи сәулет пен дизайн саласындағы майталман мамандарымыздың туындылары қойылды, – дейді «Astana Art Fest» ұйымдастырушыларының бірі әрі қалалық әкімдікке қарасты «Астана жастары» ұйымының жетекшісі Әнуар Нұрпейісов. ... Читать далее »

АСТАНАНЫҢ ҚҰРДАСЫ АҚНҰР

Күннен-күнге алып бәйтеректей бой түзеп, бәйшешек гүлдей құлпырып келе жатқан елорданың келбеті алыстан көз тартып тұрады.  Осындай  әсем қаламен бірге өсіп келе жатқан астананың құрдастары да жетерлік. Солардың бірі – бас шаһардағы Дарынды қыз балаларға арналған қазақ-түрік лицей интернатының түлегі, биылғы Ұлттық бірыңғай тестілеуде 116 балл жинап, «Алтын белгі» иегері атанған Ақнұр Тұрдалиева. Ақнұр қазақтың бай тарихы жатқан Сыр бойында дүниеге келіпті. Ол үш жасқа толғанда ата-анасы жұмыс бабымен елордаға қоныс аударады. Содан бері бас қаланың тұрғыны саналады. Алғаш дарынды балаларға арналған №9 «Зерде» мектебінің табалдырғын аттайды. Онда ардақты ұстаз ... Читать далее »

Ренат Ағзамов – тәтті өнердің шебері

Елорда күні қарсаңында әлемдік деңгейдегі торт пісірудің шебері мәскеулік Ренат Ағзамов қала тұрғындары мен қонақтарына «тәтті тарту» жасады. Тәуелсіздік сарайында күні бойы торт пісірудің құпия технологиясымен бөлісіп, баршаның кондитерлік салаға деген қызығушылығын арттырды.  Ренат Ағзамов. Көпшілік жұрт оны торт пісірудің элиталық шебері деп таниды. Жеті жасында алғаш рет пирог пісірген сары бала, кейіннен Сочи қаласындағы кулинарлық училищені бітірген. Бүгінде кондитерлік өнерден әлем чемпионы атанды. Торт пісірудің күрделі технологиясын меңгерген аспаз тәтті пісірудің керемет технологиясын, мектебін қалыптастырды. Кулинарлық өнер туындысын жасайтын шебер әлем бойынша тапсырыс қабылдайды. Әлемнің түкпір-түкпіріндегі бай-бағландар мен атақты ... Читать далее »