«استانا اقشامى»
ەل جۇرەگى – ەلوردا شەجىرەسى

ستۋدەنتتەر سايلاۋعا دايىن

0 36

«استانا جاستارى» رەسۋرستىق ورتالىعى ەلىمىزدەگى پرەزيدەنتتىك ينستيتۋتتى تالقىلاۋ ماقساتىندا قازاق تەحنولوگيا جانە بيزنەس ۋنيۆەرسيتەتى جاستارىنىڭ باسىن قوستى.

جيىنعا پارلامەنت ءماجىلىسىنىڭ دەپۋتاتى گەننادي شيپوۆسكيح پەن اتالعان جوعارى وقۋ ورنى رەكتورىنىڭ كەڭەسشىسى ۆلاديمير ەشپانوۆ قاتىس­تى. ولار مەملەكەتىمىزدىڭ تاۋەلسىزدىك الىپ، ەگەمەندىكتى بەكىتكەننەن كەيىنگى دامۋىندا ەلباسى – ۇلت كوشباسشىسىنىڭ سىڭىرگەن ەڭبەگىنە ەرەكشە توقتالدى:
– قازاقستاننىڭ ىرگەتاسىن قالاپ، كەرەگەسىن كەرىپ، ونىڭ ءاربىر ۋىعىن شانشىپ، شاڭىراعىن كوتەرگەن، بار-­جوعىن تۇگەندەپ، ىرگەسىن كەڭەيت­كەن، ونى بۇكىل الەم مويىنداعان مەم­لەكەتكە اينالدىرعان ەلباسى تاريحتا وزىندىك دارا قولتاڭباسىن قال­دىردى. ونىڭ بەلگىلەگەن باعىتى الدا­عى ۋاقىتتا دا ومىرشەڭ بولاتىنى اقيقات، – دەدى حالىق قالاۋلىسى جاس­تارعا ايتقان سوزىندە.
ءىس-شارا بارىسىندا ستۋدەنتتەر الداعى ماڭىزدى ساياسي وقيعا – پرەزيدەنت سايلاۋىنا بەلسەنە قاتىساتىندارىن، بۇل ولاردىڭ ازاماتتىق پارىزى ەكەندىگىن مالىمدەپ، ەل بولاشاعى ءۇشىن ەشقاشان سەلقوستىق تانىتپايتىندارىن بايقاتتى.

پىكىر جازۋ

پوچتاڭىز جاريالانبايدى