«Astana aqşamı»
El jüregi – elorda şejiresi

Sotqa degen senim küşeyedi

0 227

«100 naqtı qadam» Ult josparınıñ zañ üstemdigin qamtamasız etw böligin iske asırw barısında sot jüyesine jüktelgen 11 qadamnıñ barlığı orındaldı dewge boladı.

Elbası jüktegen mindetterdi jüzege asırw barısında ağımdağı jılğı 1 qañtardan bastap sottar üş satılı sot töreligi jüyesine köşti, Joğarğı Sot janınan Sot töreligi akademïyası aşıldı, Halıqaralıq keñes pen mamandandırılğan sot alqası qurıldı. Tergew swd'yalarınıñ quzıreti keñeytildi. Odan basqa, swd'yalardıñ jaña Ädep kodeksiniñ jobası äzirlendi. Joba Joğarğı Sot janındağı halıqaralıq keñestiñ otırısında maquldandı.

Sot salasında jürip jatqan tağı bir mañızdı jumıstardıñ biri sot qızmetiniñ aşıqtığın jolğa qoyu mäselesi bolıp otır. «100 naqtı qadam» Ult josparında sot isteriniñ aşıqtığın qamtamasız etw maqsatında sot otırıstarın dıbıs-beyne jazwmen qamtamasız etwge ayrıqşa män berilip, qazirgi waqıtta barlıq sot otırıstarında osı qurılğılar qoldanıldı. Bul öz kezeginde swd'yalar eseptiliginiñ küşeyuine, jumıs istep jürgen swd'yalardıñ biliktiligin merzimdik bağalaw, azamattardıñ swd'ya­lar äreketine qatıstı sot jyurïine şağımdanwına mümkindik be­redi. Sonday-aq, swd'yalardıñ käsibï tär­tibin nığaytwğa, sot töreligin jüzege asırw sapasın jaqsartwğa jäne osı­nıñ nätïjesinde turğındardıñ sot jüyesine degen senimin arttırwğa ıqpal etedi.

Sot jüyesiniñ aqparattıq aşıqtığı men ayqındığı – Memleket basşısı ayqındağan jumıstıñ basım bağıtı. Mundağı mañızdı mindet – sotqa qu­jattar kelip tüskennen bastap şeşim qabıldanğanğa deyingi kezeñdegi sot jumısın qoğamğa durıs tüsindirw. Son­dıqtan sottardıñ qızmetin aqparattıq süyemeldew boyınşa arnayı jumıs josparı jasaqtalıp orındalwda. Sonıñ işinde sot jüyesiniñ aqparattıq jumıs böligindegi keybir jetistikterge toqtalsaq, ïnternette jüyeli jumıs jolğa qoyıldı. Sot kabïneti aqparattıq portalı iske qosıldı.

«100 naqtı qadam» – bul bizdiñ jahandıq jäne işki sın-qaterlerge, sonımen bir mezgilde, jaña tarïhï jağdaylarda 30 damığan memlekettiñ qatarına enw jönindegi josparımız. Al reformalardı jüzege asırw – alda turğan 10-15 jıldağı birinşi kezektegi jalpıulttıq mindet ekendigin atap ötken Memleket basşısı eldiñ işki jağdayındağı sot salası qızmetin de jetildire tüsw kerektigin de erekşe ayttı. Sondıqtan da Ata Zañımızdıñ 75-babındağı 2-tarmaqşasında atap körsetkendey, «Sot bïligi sotta is jürgizwdiñ azamattıq, qılmıstıq jäne zañmen belgilengen özge de nısandarı arqılı orındalatının» senimmen aytwğa boladı.
Ult josparında alğa qoyılğan min­detter Astana qalası swd'yaları tarapınan tabıstı türde jüzege aswda. Är azamattıñ quqığın ädil qorğawğa qabiletti sot bïliginiñ ïmïdjin köterw boyınşa belsendi türde jumıs jür­gizilwde.
Osı jıldıñ qazan ayında kezekti Qazaqstan Swd'yalarınıñ VII s'ezi ötedi. Ärbir is-şara – Respwblïkanıñ bükil swd'yalıq qoğamdastığınıñ qızmetindegi bir asw.
Aldağı s'ezd barısında eldiñ sot jüyesin äri qaray jetildirwdiñ strate­gïyalıq mañızdı mäseleleri qaraladı. Olar tek sot töreligi ökilderiniñ arasında ğana emes, bükil qoğam arasında talqılanadı degen oydamız.

Q.TOBAĞALÏULI,
Astana qalası Esil awdanınıñ
№2 awdandıq sotınıñ swd'yası

Pikir jazw

Poçtañız jarïyalanbaydı