«استانا اقشامى»
ەل جۇرەگى – ەلوردا شەجىرەسى

سوتقا دەگەن سەنىم كۇشەيەدى

0 227

«100 ناقتى قادام» ۇلت جوسپارىنىڭ زاڭ ۇستەمدىگىن قامتاماسىز ەتۋ بولىگىن ىسكە اسىرۋ بارىسىندا سوت جۇيەسىنە جۇكتەلگەن 11 قادامنىڭ بارلىعى ورىندالدى دەۋگە بولادى.

ەلباسى جۇكتەگەن مىندەتتەردى جۇزەگە اسىرۋ بارىسىندا اعىمداعى جىلعى 1 قاڭتاردان باستاپ سوتتار ءۇش ساتىلى سوت تورەلىگى جۇيەسىنە كوشتى، جوعارعى سوت جانىنان سوت تورەلىگى اكادەمياسى اشىلدى، حالىقارالىق كەڭەس پەن مامانداندىرىلعان سوت القاسى قۇرىلدى. تەرگەۋ سۋديالارىنىڭ قۇزىرەتى كەڭەيتىلدى. ودان باسقا، سۋديالاردىڭ جاڭا ادەپ كودەكسىنىڭ جوباسى ازىرلەندى. جوبا جوعارعى سوت جانىنداعى حالىقارالىق كەڭەستىڭ وتىرىسىندا ماقۇلداندى.

سوت سالاسىندا ءجۇرىپ جاتقان تاعى ءبىر ماڭىزدى جۇمىستاردىڭ ءبىرى سوت قىزمەتىنىڭ اشىقتىعىن جولعا قويۋ ماسەلەسى بولىپ وتىر. «100 ناقتى قادام» ۇلت جوسپارىندا سوت ىستەرىنىڭ اشىقتىعىن قامتاماسىز ەتۋ ماقساتىندا سوت وتىرىستارىن دىبىس-بەينە جازۋمەن قامتاماسىز ەتۋگە ايرىقشا ءمان بەرىلىپ، قازىرگى ۋاقىتتا بارلىق سوت وتىرىستارىندا وسى قۇرىلعىلار قولدانىلدى. بۇل ءوز كەزەگىندە سۋديالار ەسەپتىلىگىنىڭ كۇشەيۋىنە، جۇمىس ىستەپ جۇرگەن سۋديالاردىڭ بىلىكتىلىگىن مەرزىمدىك باعالاۋ، ازاماتتاردىڭ سۋديا­لار ارەكەتىنە قاتىستى سوت جيۋريىنە شاعىمدانۋىنا مۇمكىندىك بە­رەدى. سونداي-اق، سۋديالاردىڭ كاسىبي ءتار­تىبىن نىعايتۋعا، سوت تورەلىگىن جۇزەگە اسىرۋ ساپاسىن جاقسارتۋعا جانە وسى­نىڭ ناتيجەسىندە تۇرعىنداردىڭ سوت جۇيەسىنە دەگەن سەنىمىن ارتتىرۋعا ىقپال ەتەدى.

سوت جۇيەسىنىڭ اقپاراتتىق اشىقتىعى مەن ايقىندىعى – مەملەكەت باسشىسى ايقىنداعان جۇمىستىڭ باسىم باعىتى. مۇنداعى ماڭىزدى مىندەت – سوتقا قۇ­جاتتار كەلىپ تۇسكەننەن باستاپ شەشىم قابىلدانعانعا دەيىنگى كەزەڭدەگى سوت جۇمىسىن قوعامعا دۇرىس ءتۇسىندىرۋ. سون­دىقتان سوتتاردىڭ قىزمەتىن اقپاراتتىق سۇيەمەلدەۋ بويىنشا ارنايى جۇمىس جوسپارى جاساقتالىپ ورىندالۋدا. سونىڭ ىشىندە سوت جۇيەسىنىڭ اقپاراتتىق جۇمىس بولىگىندەگى كەيبىر جەتىستىكتەرگە توقتالساق، ينتەرنەتتە جۇيەلى جۇمىس جولعا قويىلدى. سوت كابينەتى اقپاراتتىق پورتالى ىسكە قوسىلدى.

«100 ناقتى قادام» – بۇل ءبىزدىڭ جاھاندىق جانە ىشكى سىن-قاتەرلەرگە، سونىمەن ءبىر مەزگىلدە، جاڭا تاريحي جاعدايلاردا 30 دامىعان مەملەكەتتىڭ قاتارىنا ەنۋ جونىندەگى جوسپارىمىز. ال رەفورمالاردى جۇزەگە اسىرۋ – الدا تۇرعان 10-15 جىلداعى ءبىرىنشى كەزەكتەگى جالپىۇلتتىق مىندەت ەكەندىگىن اتاپ وتكەن مەملەكەت باسشىسى ەلدىڭ ىشكى جاعدايىنداعى سوت سالاسى قىزمەتىن دە جەتىلدىرە ءتۇسۋ كەرەكتىگىن دە ەرەكشە ايتتى. سوندىقتان دا اتا زاڭىمىزدىڭ 75-بابىنداعى 2-تارماقشاسىندا اتاپ كورسەتكەندەي، «سوت بيلىگى سوتتا ءىس جۇرگىزۋدىڭ ازاماتتىق، قىلمىستىق جانە زاڭمەن بەلگىلەنگەن وزگە دە نىساندارى ارقىلى ورىندالاتىنىن» سەنىممەن ايتۋعا بولادى.
ۇلت جوسپارىندا العا قويىلعان ءمىن­دەتتەر استانا قالاسى سۋديالارى تاراپىنان تابىستى تۇردە جۇزەگە اسۋدا. ءار ازاماتتىڭ قۇقىعىن ءادىل قورعاۋعا قابىلەتتى سوت بيلىگىنىڭ ءيميدجىن كوتەرۋ بويىنشا بەلسەندى تۇردە جۇمىس ءجۇر­گىزىلۋدە.
وسى جىلدىڭ قازان ايىندا كەزەكتى قازاقستان سۋديالارىنىڭ VII سەزى وتەدى. ءاربىر ءىس-شارا – رەسپۋبليكانىڭ بۇكىل سۋديالىق قوعامداستىعىنىڭ قىزمەتىندەگى ءبىر اسۋ.
الداعى سەزد بارىسىندا ەلدىڭ سوت جۇيەسىن ءارى قاراي جەتىلدىرۋدىڭ ستراتە­گيالىق ماڭىزدى ماسەلەلەرى قارالادى. ولار تەك سوت تورەلىگى وكىلدەرىنىڭ اراسىندا عانا ەمەس، بۇكىل قوعام اراسىندا تالقىلانادى دەگەن ويدامىز.

ق.توباعاليۇلى،
استانا قالاسى ەسىل اۋدانىنىڭ
№2 اۋداندىق سوتىنىڭ سۋدياسى

پىكىر جازۋ

پوچتاڭىز جاريالانبايدى