«Astana aqşamı»
El jüregi – elorda şejiresi

Şığıs balwandarınıñ şerwi

0 73

Qazaqstan Respwblïkasınıñ Tuñğış Prezïdenti-Elbası Nursultan Nazarbaevtıñ jüldesi üşin ötken «Qazaqstan barısı» dästürli sayısınıñ fïnalında Şığıs Qazaqstan oblısınıñ qos balwanı beldesti. Öte tartıstı jekpe-jekte Aybek Nuğımarov jeñiske jetti.

Elimizdiñ tükpir-tükpirinen jïnalğan qalıñ janküyer «Barıs Arena» sport sarayınıñ muz aydınına töselgen boz kilemge şıqqan är balwannıñ şaşbawın köterip, qolpaştawdan tınbadı. Balwandardıñ ärbir şalt qïmılına köñil bölgen şapalaq pen ayqaydan qulaq tunğanday boldı. Qızwqandı janküyer­diñ osınday qılığına qarap «Qazaq barısı» ulttıq brendke aynalğanı ayqın añğarıldı.
Aldımen twrnïrdiñ erejesine say 14 oblıstan, Almatı, Nur-Sultan jäne Şımkent qalalarınan iriktelgen eki balwannan, sonday-aq «Äsker barısınıñ» jeñimpazı qosılğan 33 balwan beldeswge kiristi. Olar bir-birimen küresip alğan soñ 16 üzdik qaldı. Sodan keyin bir beldeswden ötkende 8 mıqtı anıqtalıp, şïrek fïnalğa şıqqandar belgili boldı.


Sonımen şïrek fïnalda şïırşıq atqan tört mıqtı jartılay fïnalğa joldama aldı. Atap aytqanda, sıralğı qarsılastar Aybek pen Rwslan, al osı jarıstağı salmağı eñ awır Erasıl Qajıbaev (151 keli) pen astanalıq Aybat Seyten betpe-bet keldi. Birneşe ret bas jüldeden qol sozımda qalğan Äbdirazaqov bul jolğı küresin täp-täwir bastağan edi. Bir bük jäne jartılay jeñis upayımen alğa şığıp turıp, oylamağan jerde täwekel bas tikti. Tis qaqqan Nuğımarov onıñ bir qateligin äp-sätte özine qarsı qoldana bildi. Al ekinşi jupta qanşa tırısqanımen Aybat balwan Qajıbaevtı eñsere almadı. Söytip, üşinşi orın üşin bolğan jekpe-jekte Rwslan Äbdirazaqovtıñ bağı jansa, al «Qazaqstan barısı» atağı üşin ayqasta Aybek Nuğımarov şın şeber ekenin däleldey şıqtı. Bul şığısqazaqstandıq balwannıñ ekinşi märte «Qazaqstan barısı» atağın alğan säti boldı.


«Nur-Otan» partïyası, «Samurıq-Qazına» ulttıq äl-awqat qorı, QR Mädenïet jäne sport mïnïstrligi, Sporttıq jekpe-jek jäne küş qoldanılatın sport türleri konfederacïyası, Nur-Sultan qalası äkimdiginiñ qoldawımen, QR qazaq küresi federacïyası jäne «Qazaqstan barısı» qazaq küresin damıtw qorı uyımdastırğan bïılğı twrnïrdiñ jülde qorı da qomaqtı boldı. Jeñimpaz balwanğa 25 mïllïon teñge jäne altın belbew men altınnan quyılğan awıspalı «taytuyaq» tabıstaldı. Ekinşi orın ïegeri Erasıl Qajıbaevqa 5 mïllïon 500 mıñ teñge jäne kümis belbew berildi. Bul – Erasıldıñ ekinşi kümis belbewi. Üşinşi orın alğan Rwslan Äbdirazaqovqa 1 mïllïon 800 mıñ teñge men qola belbew tabıstaldı. Törtinşi orınğa astanalıq Aybat Seyten taban tiredi.
Jeñimpazdar men jüldegerlerdi Olïmpïada çempïo­nı, «Qazaqstannıñ Eñbek eri» Jaqsılıq Üşkempirov, Nur-Sultan qalasınıñ äkimi Baqıt Sultanov, Mädenïet jäne sport mïnïstri Arıs­tanbek Muhamedïulı, «QR Qazaq küresi federacïyasınıñ» prezïdenti, Energetïka mïnïstri Qanat Bozımbaev, «Qazaqstan barısı» qazaq küresin damıtw qorınıñ törağası Arman Şoraev saltanattı jağdayda marapattadı.

 

Pikir jazw

Poçtañız jarïyalanbaydı