«استانا اقشامى»
ەل جۇرەگى – ەلوردا شەجىرەسى

شىعىس بالۋاندارىنىڭ شەرۋى

0 111

قازاقستان رەسپۋبليكاسىنىڭ تۇڭعىش پرەزيدەنتى-ەلباسى نۇرسۇلتان نازارباەۆتىڭ جۇلدەسى ءۇشىن وتكەن «قازاقستان بارىسى» ءداستۇرلى سايىسىنىڭ فينالىندا شىعىس قازاقستان وبلىسىنىڭ قوس بالۋانى بەلدەستى. وتە تارتىستى جەكپە-جەكتە ايبەك نۇعىماروۆ جەڭىسكە جەتتى.

ءEلىمىزدىڭ تۇكپىر-تۇكپىرىنەن جينالعان قالىڭ جانكۇيەر «بارىس ارەنا» سپورت سارايىنىڭ مۇز ايدىنىنا توسەلگەن بوز كىلەمگە شىققان ءار بالۋاننىڭ شاشباۋىن كوتەرىپ، قولپاشتاۋدان تىنبادى. بالۋانداردىڭ ءاربىر شالت قيمىلىنا كوڭىل بولگەن شاپالاق پەن ايقايدان قۇلاق تۇنعانداي بولدى. قىزۋقاندى جانكۇيەر­دىڭ وسىنداي قىلىعىنا قاراپ «قازاق بارىسى» ۇلتتىق برەندكە اينالعانى ايقىن اڭعارىلدى.
الدىمەن ءتۋرنيردىڭ ەرەجەسىنە ساي 14 وبلىستان، الماتى، نۇر-سۇلتان جانە شىمكەنت قالالارىنان ىرىكتەلگەن ەكى بالۋاننان، سونداي-اق «اسكەر بارىسىنىڭ» جەڭىمپازى قوسىلعان 33 بالۋان بەلدەسۋگە كىرىستى. ولار ءبىر-بىرىمەن كۇرەسىپ العان سوڭ 16 ۇزدىك قالدى. سودان كەيىن ءبىر بەلدەسۋدەن وتكەندە 8 مىقتى انىقتالىپ، شيرەك فينالعا شىققاندار بەلگىلى بولدى.


سونىمەن شيرەك فينالدا شيىرشىق اتقان ءتورت مىقتى جارتىلاي فينالعا جولداما الدى. اتاپ ايتقاندا، سىرالعى قارسىلاستار ايبەك پەن رۋسلان، ال وسى جارىستاعى سالماعى ەڭ اۋىر ەراسىل قاجىباەۆ (151 كەلى) پەن استانالىق ايبات سەيتەن بەتپە-بەت كەلدى. بىرنەشە رەت باس جۇلدەدەن قول سوزىمدا قالعان ابدىرازاقوۆ بۇل جولعى كۇرەسىن ءتاپ-ءتاۋىر باستاعان ەدى. ءبىر بۇك جانە جارتىلاي جەڭىس ۇپايىمەن العا شىعىپ تۇرىپ، ويلاماعان جەردە تاۋەكەل باس تىكتى. ءتىس قاققان نۇعىماروۆ ونىڭ ءبىر قاتەلىگىن ءاپ-ساتتە وزىنە قارسى قولدانا ءبىلدى. ال ەكىنشى جۇپتا قانشا تىرىسقانىمەن ايبات بالۋان قاجىباەۆتى ەڭسەرە المادى. ءسويتىپ، ءۇشىنشى ورىن ءۇشىن بولعان جەكپە-جەكتە رۋسلان ابدىرازاقوۆتىڭ باعى جانسا، ال «قازاقستان بارىسى» اتاعى ءۇشىن ايقاستا ايبەك نۇعىماروۆ شىن شەبەر ەكەنىن دالەلدەي شىقتى. بۇل شىعىسقازاقستاندىق بالۋاننىڭ ەكىنشى مارتە «قازاقستان بارىسى» اتاعىن العان ءساتى بولدى.


«نۇر-وتان» پارتياسى، «سامۇرىق-قازىنا» ۇلتتىق ءال-اۋقات قورى، قر مادەنيەت جانە سپورت مينيسترلىگى، سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسى، نۇر-سۇلتان قالاسى اكىمدىگىنىڭ قولداۋىمەن، قر قازاق كۇرەسى فەدەراتسياسى جانە «قازاقستان بارىسى» قازاق كۇرەسىن دامىتۋ قورى ۇيىمداستىرعان بيىلعى ءتۋرنيردىڭ جۇلدە قورى دا قوماقتى بولدى. جەڭىمپاز بالۋانعا 25 ميلليون تەڭگە جانە التىن بەلبەۋ مەن التىننان قۇيىلعان اۋىسپالى «تايتۇياق» تابىستالدى. ەكىنشى ورىن يەگەرى ەراسىل قاجىباەۆقا 5 ميلليون 500 مىڭ تەڭگە جانە كۇمىس بەلبەۋ بەرىلدى. بۇل – ەراسىلدىڭ ەكىنشى كۇمىس بەلبەۋى. ءۇشىنشى ورىن العان رۋسلان ابدىرازاقوۆقا 1 ميلليون 800 مىڭ تەڭگە مەن قولا بەلبەۋ تابىستالدى. ءتورتىنشى ورىنعا استانالىق ايبات سەيتەن تابان تىرەدى.
جەڭىمپازدار مەن جۇلدەگەرلەردى وليمپيادا چەمپيو­نى، «قازاقستاننىڭ ەڭبەك ەرى» جاقسىلىق ۇشكەمپىروۆ، نۇر-سۇلتان قالاسىنىڭ اكىمى باقىت سۇلتانوۆ، مادەنيەت جانە سپورت ءمينيسترى ارىس­تانبەك مۇحامەديۇلى، «قر قازاق كۇرەسى فەدەراتسياسىنىڭ» پرەزيدەنتى، ەنەرگەتيكا ءمينيسترى قانات بوزىمباەۆ، «قازاقستان بارىسى» قازاق كۇرەسىن دامىتۋ قورىنىڭ توراعاسى ارمان شوراەۆ سالتاناتتى جاعدايدا ماراپاتتادى.

 

پىكىر جازۋ

پوچتاڭىز جاريالانبايدى