«Astana aqşamı»
El jüregi – elorda şejiresi

Şarapatı mol Şerïyazdan

0 267

Eger bir adamnıñ jaqsı­lı­ğın körseñ, waqıt ötken sayın seniñ osı kisige degen qurmetiñ arta tüsedi. Meniñ ömir jolımda kezdesken osınday jannıñ biri Astana qalasınıñ №1 awrwhanasınıñ wrologïya böliminiñ meñgerwşisi Şerïyazdan ­Äbdiğalımov.

Endi bilikti därigermen tağdır qalay tabıstırıp, tanıs bolğanımdı bayandayın. Özim 2000 jıldan beri zeynetkermin. Biraq, 2010 jıldıñ birinşi qañtarına deyin jumıs istep, qatardan qalmadım. Osı jıldarı «prostatït-adenoma» degen nawqasqa şaldığıp, alğaşında eki ret Kökşetawda ota jasattım. Biraq onıñ kömegi bolmay, sol wrologïya böliminiñ meñgerwşisi «bizdiñ şamamız kelmeydi, endi tek Almatığa, ne Astanağa barıp emdeliñiz, waqıttı ötkizbeñiz» dep aşığın aytıp, aqıldarın berdi. Oğan da osı küni rïzamın, öytkeni jasırıp qalmay, şındıqtı ayttı.
Sodan Astanağa kelip, birinşi qalalıq awrwhananıñ wrologïya bölimine jatqan künniñ ertesine ota jasaldı. Bir aynaldırğan awrw oñaylıqpen ketpeydi eken. Bes-altı aydıñ şamasında tağı da ota jasaw­ğa twra keldi. Osı törtinşi ota janıma qattı battı, tiri qalmaymın-aw degen qorqınışım boldı. Budan keyin de besinşi, altınşı ret otanı tağı jasattım.
Äytewir, birinşi Allanıñ, ekinşi Şerïyazdannıñ şı­nayı qamqorlığınıñ arqasında aman qaldım. Qazir jaq­sımın, täwba, şükirşilik.
Mine, ağayındar, wrologïya böliminiñ meñgerwşisi Şerïyaz­dannıñ käsibï maman, bilikti, täjirïbeli däriger-wrolog ekenine közim jetti.
Babalarımız tüsi ïgiden tüñilme dep aytqanday, Şe­rïyaz­dan mañdayı jarqıra­ğan, jılı jüzdi, aqılı men parasatı bir boyına jïnaqtalğan, qaşan körseñ de bir qalpınan taymay, kişipeyildiligimen eriksiz bawraydı.
Äsirese, ädil sözi, adal pikiri, öz käsibiniñ şeberi re­tin­de ujımnıñ qızmettes adamdarı öte joğarı qurmet körsetetinderi birden bayqaladı. Mine, osınday eñbektiñ arqasında ujımnıñ barlıq müşesi bir kisidey birlik-ıntımaqta bolıp, osı wrologïya bölimi köptegen nawqastardıñ alğısına ïe bolıp otır.
Endi osı wrologïya böliminiñ därigerlerine, medbïkelerine, tağı da basqa qızmet jasaytın adamdarğa «Astana aqşamı» gazeti arqılı özimniñ ülken rïzaşılığımdı bildiremin. Öytkeni olar der kezinde emderin jasaydı, tez arada kerek kömek körsetedi, tazalıq ta minsiz, tamaq ta der kezinde beriledi. Är waqıtta tınıştıq, tärtip qaltqısız orındaladı. Osı orayda kündelikti emdewdiñ buljıtpay orındalwın qatal tärtipte ustap, densawlığımnıñ jaqsarwına ülken kömek körsetken därigerler Erlan Bilalov, Tïmwr Salïhov, ağa medbïke Nurjamal Äwbakïrova, medbïke Antonïna Sïdorenko, Maqpal Qulahmetova, Jansaya Qalïbekova tağı basqa da aq halattı abzal jandarğa alğısım şeksiz. Jumıstarıñ birlik-ıntımaqta bolsın, jaña tabıstarğa örley beriñizder demekpin.

Nürpeyis SÄDWAQASULI,
zeynetker

Pikir jazw

Poçtañız jarïyalanbaydı