«Astana aqşamı»
El jüregi – elorda şejiresi

Şäkirtteriniñ aldına Şerağañdı nege şığarmasqa?

0 72

Astana qalasınıñ Mädenïet jäne sport basqarması bïılğı «Şabıt» şığarmaşıl jastardıñ HHİ festïvali bağdarlamasına altı jıldıq üzilisten soñ qosılıp jatqan «Jwrnalïstïka» atalımında Şerhan Murtaza atındağı atawlı sıylıq tapsırılatını twralı jañalıqtı tarattı.

Bul öte quptarlıq şeşim boldı. Şerhan Murtaza qa­zaqtıñ beldi-beldi bası­lım­darınıñ basşısı jäne teleradïokompanïya törağası retinde de, qalam qarımı jağınan da ulttıq jwrnalïs­tïka örisiniñ keñeyuine ölşew­siz üles qostı. Az sözge köp mağına sıydıra bilip, tilip tüser tirkesteri halıq jadına jazılıp, osı künderi qanattı sözge aynaldı.
Keyinnen körnekti qalamgerler retinde tanılğan talay şäkirt tärbïelep, «Şerhannıñ şekpeni» uğımı payda bolğanınan da el habardar. Belgili bir bayqawdıñ işinde onıñ atındağı sıylıq tağa­yındalğanı, tipti azdıq etedi dep aytar edik. Jwrnalïster arasında Şerhan Murtaza atındağı respwblïkalıq bayqaw uyımdastırılıp, turaqtı türde ötip tursa, bir ğanïbet bolar edi dep oylaymız.
Bıltır közi tirisinde 85 jıldıq mereytoyına oray Taraz qalasında «Zamannıñ zañğar tulğası» attı respwb­lïkalıq müşäyra ötti. Osı oyımız sol waqıtta kelgen. Şındığına kelgende prozalıq bayqaw bolmasa, poezïyalıq jarıstıñ Şerağaña qanday qatısı bar dep oylanğanımız da ras. Bizde Oralhan Bökey atındağı körkemsöz oqw şeberleriniñ respwblïkalıq, Aqselew Seydimbek atındağı jas aqındar, jazwşılar, kösemsöz şeberleriniñ Qarağandı oblıstıq bayqawları bar. Al osı ekewi de Şerhan Murtazanıñ şäkirtteri ekeni anıq. Şäkirtteriniñ aldına Şerağañdı nege şığarmasqa? Şındıqtıñ şıraqşısı bola bilgen Şerhan Murtaza atında jwrnalïster arasında bayqaw uyımdastırılıp otırsa, qazaq jwrnalïstïkasınıñ da sapası köteriler edi bälkim. Jwrnalïs­ter arasında jıl sa­yın ötip turatın bayqaw Şerağañ atın tw etip ötip tursa qanday ğanïbet?!
Oydı oy türtedi. Qazir bizge proza men ädebï sınğa, satïrağa da «qan jügirtetin» bayqawlar kerek. Mäselen, Sağat Äşimbaev atındağı sınşılar bayqawı. Bul da osı salalardıñ alğa baswına septigin tïgizetini belgili. Şerhan, Sağat sındı qazaq körkem sözine zor üles qosqan qalamgerlerdiñ ülgisi, «bolmasañ da, uqsap baq» degen ustanım aytar, jazar sözimizdi tüzeter edi.

Pikir jazw

Poçtañız jarïyalanbaydı