«استانا اقشامى»
ەل جۇرەگى – ەلوردا شەجىرەسى

قىلمىستىق ىستەر ەلەكتروندى فورماتتا جۇرگىزىلەدى

0 69

مەملەكەت باسشىسىنىڭ «قازاق­ستان­نىڭ ءۇشىنشى جاڭعىرۋى: جاھان­دىق باسەكەگە قابىلەتتىلىك» اتتى قازاق­ستان حالقىنا جولداۋى ءبىز­دەرگە، ناعىز پرا­­گ­ماتيكالىق، ناقتى ءارى ءتۇيىندى، ەلى­مىزدىڭ بولاشاعى ءۇشىن تاعدىر­شەشتى ماسەلەلەردى كوتەرگەن اتاۋلى قۇجات بولدى.

جولداۋ ءبىزدىڭ ەلىمىزدىڭ شيرەك عاسىر ىشىندەگى ەكى جاڭعىرتۋ ءۇردىسىن اياقتاپ، ءۇشىنشى، ەكونو­ميكامىزدىڭ الەمدىك ءوسىمىنىڭ لايىقتى دەڭگەيگە جەتۋىن قامتاماسىز ەتەتىن، جەدەلدەتىلگەن تەحن­ولوگيالىق جاڭعىرتىلۋ باسىم­دى­عىنا كوشۋىمىزدى ايقىنداپ بەردى.

جولداۋعا سايكەس، بىلتىر ەلىمىزدە «تسيفر­لى قازاق­ستان» مەملەكەتتىك باع­دار­لا­ماسى ىسكە قوسىلعانى بەلگىلى. اق­­پارات­تىق تەحنولوگيا­لار قارىش­تاپ دامىپ بارا جات­قان مىنا زاماندا IT سالا­سىن دا­مىت­پاساق، دامىعان 30 ەلدىڭ قا­تا­رىنان كورىنۋ قيىن. ويتكەنى، وركەنيەتت ەلدەردىڭ بارلىعى وسى تسيفرلى جۇيەگە كوشىپ، ونەركاسىبىنىڭ دامۋىن جانە حالقىنىڭ ءال-اۋقاتىن جىل­دان-جىلعا جاقسارتىپ كەلەدى.

وسىناۋ ماڭىزدى قۇجاتتا ەلباسى: «ءبىز تسيفرلىق تەحنولوگيانى قولدانۋ ارقىلى قۇرىلاتىن جاڭا يندۋستريالاردى وركەندەتۋگە ءتيىسپىز. بۇل – ماڭىزدى كەشەندى مىندەت.

ەلدە 3D-پرينتينگ، ونلاين-ساۋدا، ءموبيلدى بانكينگ، تسيفرلىق قىزمەت كورسەتۋ سەكىلدى دەنساۋلىق ساقتاۋ، ءبىلىم بەرۋ ىسىندە قولدانىلاتىن جانە باسقا دا پەرسپەكتيۆالى سالالاردى دامىتۋ كەرەك. بۇل يندۋستريالار قازىردىڭ وزىندە دامىعان ەلدەردىڭ ەكونوميكالارىنىڭ قۇرىلىمىن وزگەرتىپ، ءداستۇرلى سالالارعا جاڭا ساپا دارىتتى»، – دەگەن بولاتىن.

«تسيفرلى قازاقستان» باعدارلاماسىن ازىرلەۋدەگى باستى – تەحنولوگيالاردى جەدەل دامىتۋ ارقىلى ەل ەكونوميكاسىن تىكتەۋ، ساندىق تەحنولوگيالاردى ەنگىزۋ ارقىلى حالىق تۇرمىسىنىڭ ساپاسىن ارتتىرۋ بولىپ تابىلادى. بۇگىنگى تاڭدا اتالعان باعدارلاما ەكونوميكانىڭ بارلىق سالاسىندا دەرلىك جۇزەگە اسا باستادى.

وسى «تسيفرلى قازاقستان» باعدارلاماسىنىڭ بەكىتىلگەن 17 مىندەتى مەن تاپسىرماسى بار. سول ءتىزىمنىڭ سەگىزىنشى تارماعىندا «مەملەكەتتى كورگانداردىڭ ىشكى جۇمىسىن تسيفرلاندىرۋ» دەلىنگەن. ياعني، مەملەكەتتىك ورگانداردى قاعاز باستىلىقتان، بيۋروكراتيادان جانە ەڭباستىسى – جەمقورلىقتى جويۋدى كوزدەيدى.

بۇل باعىتتا اتقارىلىپ جاتقان جۇمىستار از ەمەس. سولاردىڭ ەڭ نەگىزگىلەرىنىڭ ءبىرى – قىلمىستىق سوت ىستەرىن ەلەكتروندى فورماتقا كوشىرۋ. بۇل ءۇشىن باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتى بىلتىر «ە-قىلمىستىق ءىس» باعدارلاما ازىرلەپ جۇزەگە اسىرا باستادى. ونىڭ اياسىندا قىلمىستىق ءىستى تىركەۋدەن باستاپ سوت ۇكىمىنە دەيىن ەلەكتروندى فورماتقا كوشىرىلەدى. دەمەك، بۇرىنعىداي ءىس قۇجاتتارى مۇلدەم جوعالمايدى، قاعاز شىعىندالمايدى جانە جاۋاپتى ورگانداردىڭ قىزمەتكەرلەرى ءوز جۇمىستارىن بىرنەشە ەسەگە جەڭىلدەتە الادى.

«ەلەكتروندى قىلمىستىق ءىس» جوباسى بۇگىندە قۇقىق قورعاۋ ورگاندارىنا جاپپاي ەنگىزىلە باستادى. بۇل جاڭاشىلدىقتان قازاقستان رەسپۋبليكاسى باس اسكەري پروكۋراتۋراسى دا شەت قالعان جوق.        بيىل شىلدە ايىندا العاش رەت اتالعان ۆەدومستۆوعا قاراستى اقمولا گارنيزونىنىڭ اسكەري پروكۋراتۋراسى «ەلەكتروندى قىلمىستىق ءىس» بازاسىنا اسكەري قىلمىستىق قۋدالاۋ ورگاندارىنىڭ قىلمىستىق سوت ءىسىن ەلەكتروندى فورماتتا جۇرگىزۋ ءىس-شارالارىن جۇرگىزدى. ياعني، اسكەري پروكۋراتۋرادا ەڭ العاشقى قىلمىستىق ءىس وسى اقمولا گارنيزونىندا ەلەكتروندى فورماتقا كوشىرىلدى.

اتاپ ايتقاندا، اسكەري ءبولىمىنىڭ كەلىسىم شارت بويىنشا اسكەري قىزمەتشىسى ءوز وكىلەتتىلىگىن اسىرا پايدالانىپ مەرزىمدى اسكەري قىزمەتشىنى ۇرعانىنا بايلانىستى، قىلمىستىق سوت ءىسى ەلەكتروندى فورماتتا ىشكى ىستەر مينيسترلىگى ورتالىق وڭىرلىك اسكەري تەرگەۋ باسقارماسىمەن تىركەپ-تەرگەلدى.

سونداي-اق، قازاقستان رەسپۋبليكاسى ىشكى ىستەر مينيسترلىگىنىڭ تەحنيكالىق قىزمەت دەپارتامەنتىمەن بىرلەسىپ ورتالىق وڭىرلىك اسكەري تەرگەۋ باسقارماسىن «ەلەكتروندى قىلمىستىق ءىس» بازاسىنا قوسۋ بويىنشا جۇمىس جۇرگىزىلدى.

سونىمەن قاتار، اقمولا وڭىرلىك گارنيزونى اسكەري پوليتسيا جاساعىمەن «ەلەكتروندى قىلمىستىق ءىس» بازاسىنا قوسىلۋ ءۇشىن تەحنيكالىق قۇرالدار (شيفراتورلار، ستيلۋس، كومپيۋتەرلەر ت.ب.)  ساتىپ الىنىپ جانە بۇگىنگى كۇنگە دەيىن 4 قىلمىستىق ءىسىن ەلەكتروندى فورماتتا جۇرگىزىپ وتىر.

سونىڭ ىشىندە قىلمىستىق كودەكستىڭ 385-بابى 3-بولىمىنە سايكەس ياعني، جالعان انىقتامانى جاساعانى ءۇشىن كەلىسىم شارت بويىنشا اسكەري قىزمەتشىگە قاتىستى العاش رەت قىلمىستىق ءىس، ەلەكتروندى فورمات تۇرىندە اسكەري سوتقا جولداندى.

اعىمداعى جىلدىڭ 11 جەلتوقساندا گارنيزوننىڭ اسكەري سوتىندا ەلەكتروندى فورماتتاعى قىلمىستىق ءىس بويىنشا سوت وتىرىسى ءوتىپ، اسكەري قىزمەتشىگى سوتتىڭ ۇكىمى جاريالاندى.

بۇگىنگى كۇنى  اقمولا گارنيزونى اسكەري پروكۋراتۋراسىنىڭ  قىزمەتشىلەرى گارنيزوندىق قىلمىستىق قۋدالاۋ ورگاندارىنىڭ جەكە قۇرامىنا «ەلەكتروندى قىلمىستىق ءىس» مودۋلىندە جۇمىس جۇرگىزۋ ۇيرەتىلىپ، الداعى ۋاقىتتا ونشا اۋىر ەمەس جانە اۋىرلىعى ورتاشا ساتىداعى قىلمىستاردى، قىلمىستىق تەرىس قىلىقتار ەلەكتروندى فورماتتا تىركەلىپ-تەرگەلەتىن بولادى.

الايدا قازىرگى تاڭدا قاداعالاۋداعى قىلمىستىق قۋدالاۋ ورگانداردىڭ بارلىعىن ەلەكتروندى قىلمىستىق ىسكە كوشىرۋگە مۇمكىنشىلىك بولماۋدا. سەبەبى، بارلىق اتالعان ورگانداردى «ەلەكتروندى قىلمىستىق ءىس» بازاسىنا قوسۋ ءۇشىن جانە قىلمىستىق ىستەردى ەلەكتروندى فورماتتا جۇرگىزۋگە بايلانىستى قاجەتتى تەحنيكالىق قۇرالدارعا (شيفراتورلار، ستيلۋس، كومپيۋتەرلەر ت.ب.)  بولىنەتىن قارجى تاپشىلىعى.

وسىعان وراي، وتكەن جىلدىڭ تامىز ايىندا اقمولا گارنيزونى اسكەري پروكۋراتۋراسى وتكىزگەن ۆەدومستۆوارالىق  جينالىستا جوعارىدا ايتىلعان ماسەلەلەر بويىنشا ناقتى تاپسىرمالار بەرىلدى.

جالپى، قۇقىققورعاۋ ورگاندارىنا تسيفرلاندىرۋ جۇيەسىن ەنگىزۋ جۇمىستارى ەلىمىزدىڭ باس اسكەري پروكۋراتۋراسىندا بۇدان كەيىن جوعارى قارقىنمەن جۇرگىزىلەدى دەگەن سەنىم مول. وعان قاجەتتى بىلىكتى ماماندار دا، تەحنولوگيالىق مۇمكىندىك تە جەتكىلىكتى.

  راۋان وسپانوۆ،
 ادىلەت كاپيتانى،
اقمولا گارنيزونى اسكەري
پروكۋراتۋراسىنىڭ پروكۋرورى

 

پىكىر جازۋ

پوچتاڭىز جاريالانبايدى