«Astana aqşamı»
El jüregi – elorda şejiresi

Qujattı jıl sayın jañalaw qajet

0 37

Turğın üy kezeginde turğan azamattar jıl sayın qujattarın jañalap otırwı tïis. Bul twralı Astana qalası mäslïhatınıñ zañdılıq, quqıq tärtibi jäne qoğammen jumıs jasaw mäseleleri jönindegi turaqtı komïssïyanıñ otırısında aytıldı.

Jïında alğaşqı bolıp söz alğan Jumıspen qamtw jäne älewmettik qorğaw basqarması basşısınıñ orınbasarı Änwar Saïpov azamattardı esepke alwdı uyımdastırw jäne turğın üylerdi bölw tärtibi twralı bayandadı. Onıñ aytwınşa, ötken jıldıñ 2 säwirindegi esep boyınşa turğın üy kezeginde turğan astanalıqtardıñ sanı 48324 bolsa, bïılğı 4 qañtarda ol 45184-ke kemipti. Sonıñ 2737-si ata-anasınıñ qamqorlığınsız qalğan balalar eken. Al 22052-si memlekettik qızmetkerler bolsa, qalğan 20 mıñnan astamı – älewmettik jağınan az qamtılğan otbasılar. Soñğı 5 jıl işinde turğın üy kezegine turw jöninde 44 mıñnan asa ötiniş tüsip, sonıñ 32 mıñnan astamı qabıldanıptı. Sol sïyaqtı 2018 jıldıñ basınan bergi 4851 ötiniştiñ 2848-i kezekke qoyılıptı.
Öz kezeginde turğın üy qorınıñ dïrektorı Nursulw Qojahmetova kezekte turğan azamattar jıl sa­yın qujattarın jañalap otırwları qajet ekenin ayttı. Sonımen qatar turğın üy qorı arqılı baspanalı bolğandar päterde özderi turwğa mindetti ekenin de söz etti. Öytkeni turğın üy kezegi arqılı päterler tek baspanağa muqtajdarğa ğana beriledi. Biraq tekseris kezinde 117 jalğa berw jağdayı tirkelipti. Qatañ eskertwden keyin onıñ 41-i päterlerine özderi köşip barsa, 15-i äli de qonıstanbaptı. Al 50-ine tağı da biraz waqıt berilipti. Sonday-aq jartı jıldan beri päter aqısın tölemegen 103 azamattıñ qarızı
9,5 mln teñgege jetip, onıñ 4,2 mln teñgesi qaytarılıptı. Eger kezegi kelip üy alğandar päterde özderi turmasa nemese jalğa alw aqısın waqıtılı tölemese, olardıñ baspananı bosatw jönindegi isi sotqa jiberiletinin aytadı turğın üy qorınıñ dïrektorı.
Kezekte turğan ata-ana qamqorlığınsız qalğan balalardıñ 2016 jılı 41-i, 2017 jılı 49-ı, al 2018 jılı 33-i ğana baspanalı bolğanın aytıp, olardıñ sanınıñ nege aza­yıp bara jatqanın surağan mäslïhat depwtatı Ramzïya Wmerbaeva jetim balalar basqa qalağa oqwğa barğan jağdayda kezeginiñ qanşalıqtı saqtalatını twralı sawal qoydı.
Baspanalı bolğan jetim balalardıñ azayu sebebin qurılıs nısandardıñ salınwımen baylanıstır­ğan Nursulw Qojahmetova kezekte turğandar üşin bïıl 1500 päter paydalanwğa berilse, sonıñ 300-i ata-ana qamqorlığınsız qalğan balalardıñ enşisinde bolatının atap ötti.

Pikir jazw

Poçtañız jarïyalanbaydı