«استانا اقشامى»
ەل جۇرەگى – ەلوردا شەجىرەسى

قۇجاتتى جىل سايىن جاڭالاۋ قاجەت

0 49

تۇرعىن ءۇي كەزەگىندە تۇرعان ازاماتتار جىل سايىن قۇجاتتارىن جاڭالاپ وتىرۋى ءتيىس. بۇل تۋرالى استانا قالاسى ءماسليحاتىنىڭ زاڭدىلىق، قۇقىق ءتارتىبى جانە قوعاممەن جۇمىس جاساۋ ماسەلەلەرى جونىندەگى تۇراقتى كوميسسيانىڭ وتىرىسىندا ايتىلدى.

جيىندا العاشقى بولىپ ءسوز العان جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى ءانۋار سايپوۆ ازاماتتاردى ەسەپكە الۋدى ۇيىمداستىرۋ جانە تۇرعىن ۇيلەردى ءبولۋ ءتارتىبى تۋرالى باياندادى. ونىڭ ايتۋىنشا، وتكەن جىلدىڭ 2 ساۋىرىندەگى ەسەپ بويىنشا تۇرعىن ءۇي كەزەگىندە تۇرعان استانالىقتاردىڭ سانى 48324 بولسا، بيىلعى 4 قاڭتاردا ول 45184-كە كەمىپتى. سونىڭ 2737-ءسى اتا-اناسىنىڭ قامقورلىعىنسىز قالعان بالالار ەكەن. ال 22052-ءسى مەملەكەتتىك قىزمەتكەرلەر بولسا، قالعان 20 مىڭنان استامى – الەۋمەتتىك جاعىنان از قامتىلعان وتباسىلار. سوڭعى 5 جىل ىشىندە تۇرعىن ءۇي كەزەگىنە تۇرۋ جونىندە 44 مىڭنان اسا ءوتىنىش ءتۇسىپ، سونىڭ 32 مىڭنان استامى قابىلدانىپتى. سول سياقتى 2018 جىلدىڭ باسىنان بەرگى 4851 ءوتىنىشتىڭ 2848-ءى كەزەككە قويىلىپتى.
ءوز كەزەگىندە تۇرعىن ءۇي قورىنىڭ ديرەكتورى نۇرسۇلۋ قوجاحمەتوۆا كەزەكتە تۇرعان ازاماتتار جىل سا­يىن قۇجاتتارىن جاڭالاپ وتىرۋلارى قاجەت ەكەنىن ايتتى. سونىمەن قاتار تۇرعىن ءۇي قورى ارقىلى باسپانالى بولعاندار پاتەردە وزدەرى تۇرۋعا مىندەتتى ەكەنىن دە ءسوز ەتتى. ويتكەنى تۇرعىن ءۇي كەزەگى ارقىلى پاتەرلەر تەك باسپاناعا مۇقتاجدارعا عانا بەرىلەدى. بىراق تەكسەرىس كەزىندە 117 جالعا بەرۋ جاعدايى تىركەلىپتى. قاتاڭ ەسكەرتۋدەن كەيىن ونىڭ 41-ءى پاتەرلەرىنە وزدەرى كوشىپ بارسا، 15-ءى ءالى دە قونىستانباپتى. ال 50-ىنە تاعى دا ءبىراز ۋاقىت بەرىلىپتى. سونداي-اق جارتى جىلدان بەرى پاتەر اقىسىن تولەمەگەن 103 ازاماتتىڭ قارىزى
9,5 ملن تەڭگەگە جەتىپ، ونىڭ 4,2 ملن تەڭگەسى قايتارىلىپتى. ەگەر كەزەگى كەلىپ ءۇي العاندار پاتەردە وزدەرى تۇرماسا نەمەسە جالعا الۋ اقىسىن ۋاقىتىلى تولەمەسە، ولاردىڭ باسپانانى بوساتۋ جونىندەگى ءىسى سوتقا جىبەرىلەتىنىن ايتادى تۇرعىن ءۇي قورىنىڭ ديرەكتورى.
كەزەكتە تۇرعان اتا-انا قامقورلىعىنسىز قالعان بالالاردىڭ 2016 جىلى 41-ءى، 2017 جىلى 49-ى، ال 2018 جىلى 33-ءى عانا باسپانالى بولعانىن ايتىپ، ولاردىڭ سانىنىڭ نەگە ازا­يىپ بارا جاتقانىن سۇراعان ءماسليحات دەپۋتاتى رامزيا ۋمەرباەۆا جەتىم بالالار باسقا قالاعا وقۋعا بارعان جاعدايدا كەزەگىنىڭ قانشالىقتى ساقتالاتىنى تۋرالى ساۋال قويدى.
باسپانالى بولعان جەتىم بالالاردىڭ ازايۋ سەبەبىن قۇرىلىس نىسانداردىڭ سالىنۋىمەن بايلانىستىر­عان نۇرسۇلۋ قوجاحمەتوۆا كەزەكتە تۇرعاندار ءۇشىن بيىل 1500 پاتەر پايدالانۋعا بەرىلسە، سونىڭ 300-ءى اتا-انا قامقورلىعىنسىز قالعان بالالاردىڭ ەنشىسىندە بولاتىنىن اتاپ ءوتتى.

پىكىر جازۋ

پوچتاڭىز جاريالانبايدى