«Astana aqşamı»
El jüregi – elorda şejiresi

Qoğam tınıştığın qamtamasız etw – abıroylı mindet

0 33

El tınıştığın, azamattardıñ qawipsizdigin qamtamasız etwde işki ister salası qızmetkerleriniñ eñbegi zor ekeni anıq.

Jaqında ötken Mïnïstrler kabïnetiniñ keñeytilgen alqa jïnalısında Qazaqstan Respwblïkasınıñ Prezïdenti Q.Toqaev: «Polïcïya jumısı – qoğamnıñ jiti nazarında. Sizderdiñ qızmetteriñiz el azamattarınıñ müddelerimen jäne qawipsizdigimen tığız baylanıstı. Polïcïya aşıq bolwı tïis. Ol üşin halıqpen tığız baylanıs qajet. Osı maqsatta Elbası bastağan quqıq qorğaw jüye­sin jalğastıramız. Negizgi mindet – qazaqstandıqtardıñ quqıqtarın qorğawdı mültiksiz qamtamasız etw» dep atap ötken bolatın. Osınaw jawaptı mindetti abıroymen atqarıp eseli eñbegimen erekşelenip jürgen elordalıq polïcïya qızmetkerleri töl merekelerin atap ötti. Saltanattı is-şarağa qala äkimi Altay Kölginov qatısıp, polïceylerge janqïyarlıq qız­meti üşin alğısın bildirdi.


– Bügin antına berik, rwhı mıqtı, qoğamdıq tärtipti jiti qadağalap, qalamızdıñ qawipsizdigin qamtamasız etip jürgen polïcïya qızmetkerleriniñ töl merekesi qarsañında kezdesip otırmız, – dep bastadı öz sözin elorda basşısı.
«Elordamızdağı polïcïya qızmetkerlerine artılğan jawapkerşilik te, qoyılatın talap ta joğarı. Turğındar sanı kün sayın köbeyip kele jatqan megapolïstiñ tınıştığın kirpik qaqpay qamtamasız etip kelesizder. Nur-Sultan qalası – otanımızdıñ jüregi. Kez kelgen eldiñ bas qalası – barlıq sala boyınşa özgelerge ülgi. Bizdiñ jaña astanamız da az waqıttıñ işinde turğındar üşin qolaylı, jaylı jäne ïnfraqurılımı damığan qalağa aynaldı. Qanşa jerden qala ülkeyse de, onıñ qoğamdıq qawipsizdigi aqsap jatsa, turğındar üşin qolaysızdıqtar twdıratını jasırın emes. Demek, polïcïya qızmetkerleriniñ materïaldıq-tehnïkalıq jağdayına meylinşe män berw kerek. Bul rette adam faktorın birinşi kezekke qoyıp, polïcïya jumısın jeñildetw üşin cïfrlandırw jüyesin jetildire tüsw qajet. Qalay aytsaq ta, qoğamdıq tärtipti baqılaw oñay jumıs emes. Sondıqtan elordanıñ damwı men güldenwine sizderdiñ qosıp jatqan ülesteriñiz orasan zor dep bağalaymın» degen qala basşısı A.Kölginov polïcïya qız­metkerlerin töl merekesimen quttıqtap, jawapkerşiligi basım jumıstarına sättilik tiledi.
Ağımdağı jılda bas qala boyınşa qılmıs körsetkişi 21 payızğa azayıptı. Jıl basınan beri astanalıq polïceyler 2 mıñğa jwıq qoğamdıq-sayasï, mädenï-sporttıq şaralardıñ qawipsizdigin qamtamasız etti. Zañ buzwşılıqqa, tärtipsizdikke jol berilmedi. Budan şığar qorıtındı qoğamdıq tärtipti qalıptastırwda polïceylerdiñ qanşama uyqısız tünderdi ötkizgen qajırlı eñbegi jatqanın añğarw qïın emes.
Kezdesw barısında birqatar polïcïya qızmetkerlerine nagradalar men sıylıqtar tabıs­taldı. Saltanattı şara soñı merekelik koncertke ulastı.

Beybit OSPAN

Pikir jazw

Poçtañız jarïyalanbaydı