«استانا اقشامى»
ەل جۇرەگى – ەلوردا شەجىرەسى

قازاقتىڭ جوعىن جوقتاۋشى

0 24

قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ «ۇلى دالانىڭ جەتى قىرى» ماقالاسىندا جۇكتەگەن ءبىر مىندەت – بارلىق وتاندىق جانە شەتەلدىك ارحيۆتەر دۇنيەسىنە ەلەۋلى ىرگەلى زەرتتەۋلەر جۇرگىزۋ ءۇشىن ارنايى «ارحيۆ-2025» جەتى جىلدىق باعدارلاماسىن ازىرلەۋ تاپسىرىلعان بولاتىن. قازاقستان رەسپۋبليكاسى ۇلتتىق ارحيۆىندەگى «ارحيۆ-2025» عىلىمي-ادىستەمەلىك ورتالىعىنىڭ جەتەكشىسى بەرىك ابدىعاليۇلى بەلگىلى زەرتتەۋشى-عالىم، مۋزەيتانۋشى مارات ەسكەندىرۇلىنىڭ (ابدەشەۆ) جەكە قۇجاتتارىن قازاقستان رەسپۋبليكاسىنىڭ ۇلتتىق ارحيۆىنە تاپسىردى.بەلگىلى زەرتتەۋشى-عالىم، مۋزەيتانۋشى مارات ەسكەندىرۇلى (ابدەشەۆ) 1945 جىلى شىعىس قازاقستان وبلىسى، مارقاكول (كۇرشىم اۋدانى) اۋدانىندا دۇنيەگە كەلگەن. قازاق مەملەكەتتىك ۋنيۆەرسيتەتىنىڭ تاريح فاكۋلتەتىن تامامداعان. قازاقستاننىڭ مەملەكەتتىك ورتالىق مۋزەيىندە 30 جىلدان استام ەڭبەك ەتىپ، قازاقتىڭ كوپتەگەن كونە مۇرالارىن جيناپ، زەرتتەپ، انىقتاعان. مۋزەي ەكسپوزيتسيونەرى رەتىندە ەلىمىزدىڭ 60-قا جۋىق مۋزەي ەكسپوزيتسياسىنىڭ عىلىمي-مۋزەيلىك جوبالارىنىڭ اۆتورى بولعان جانە ولاردىڭ قۇرىلۋىنا تىكەلەي اتسالىسقان.
مارات ەسكەندىرۇلى بازارباي مامبەتوۆ، ساتىلعان ساباتاەۆ، مۇحامەتجان تىنىشباەۆ، ءۋاليتحان تاناشەۆ، عۇبايدوللا بەرديەۆ، شافقات بەكمۇحامەدوۆ، ت.ب. كوپتەگەن الاش قايراتكەرلەرىنىڭ ءومىرى مەن شىعارماشىلىعىنا قاتىستى ەنتسيكلوپەديالىق جانە 100-دەن استام عىلىمي-تانىمدىق ماقالالار جازعان.
كەزىندە الاش قايراتكەرى احمەت بايتۇرسىنوۆ «قازاق – جوق ىزدەگەن حالىق» دەپ جازعان ەدى. ياعني، رۋحاني جانە ماتەريالدىق مۇرالارىمىزدى وزگە جۇرت تاسىپ اكەتكەن، جوعالتقان زاماندار بولدى. وسى كۇنگە دەيىن حالقىمىز سونى تۇگەندەۋمەن، ىزدەۋمەن كەلەدى. قازىرگى جاھاندانۋ زامانىندا ەلدىكتى ساقتاپ، تاۋەلسىزدىگىمىزدى باياندى ەتۋ جولىندا ۇلتتىق تاريحىمىزدى ۇلىقتاي ءتۇسۋىمىز كەرەك ەكەنىن تۇسىنگەن مارات ەسكەندىرۇلىنىڭ ەرەكشە قىزىعۋشىلىق تانىتىپ، عىلىمي قىزمەتكەر رەتىندە ەل اراسىنان، الىس-جاقىن شەتەلدەرمەن بايلانىسىپ، جيناقتاعان، زەرتتەگەن دۇنيەسى – الاش قايراتكەرلەرى جانە ەڭ العاشقى قازاق وقىعاندارى تۋرالى مالىمەتتەر بولىپ تابىلادى. اتالعان ىزدەنىستىڭ ناتيجەسىندە قور يەسىنىڭ سوڭعى شيرەك عاسىرداعى ءوزى ىزدەپ تاۋىپ، جيناپ، انىقتاپ مۋزەي قورىنا وتكىزگەن جانە ءباسپاسوز بەتتەرىندە جاريالانعان ءحىح عاسىردىڭ ورتا شەنىنەن باستالعان قازاقتاردىڭ فوتو بەينەلەرى ەنىپ، ناقتى دەرەكتەر بەرىلگەن «قازاق پورترەتتەرى»، «الاش وردا مينيسترلەرى» كىتاپتارى جارىق كوردى.
م.ەسكەندىرۇلىنىڭ جەكە قورىنان تاريحىمىز بەن مادەنيەتىمىزدىڭ قاسيەت­تى تۇعىرىنا كوتەرىلگەن ەڭ العاشقى قازاق وقىعاندارى، سونىڭ ىشىندە الاش ۇكىمەتىنىڭ مۇشەلەرى بولعان زيالىلارىمىز تۋرالى قور يەسىنىڭ ارحيۆتەر مەن قورلاردان جيناقتاعان، زەرتتەگەن قۇندى دۇنيەلەرىن كورەمىز. بۇل قۇجاتتاردىڭ قازىرگى ءبىزدىڭ جاستارعا جانە كەيىنگى ۇرپاققا بەرەرى مول. قور يەسىنىڭ زەرتتەۋلەرىندە كورسەتىلگەن «الاش» كوشباسشىلارىن ۇلگى ەتە وتىرىپ، بۇكىل قازاقستاندىقتارعا پاتريوتتىق تاربيە بەرۋگە بولادى. ۇلتتىق ءارحيۆتىڭ جەكە قورلارىنىڭ قاتارىن تولىقتىرعان مارات ەسكەندىرۇلىنىڭ قۇجاتتارى ىزدەنىمپاز زەرتتەۋشىلەردىڭ قىزىعۋشىلىعىن تۋدىراتىنى كۇمانسىز.

ءاسيا كەرىمتاەۆا،
قر ۇلتتىق ءارحيۆىنىڭ جەكە
تەكتىك قۇجاتتارمەن جۇمىس
جۇرگىزۋ ءبولىمىنىڭ باسشىسى

پىكىر جازۋ

پوچتاڭىز جاريالانبايدى