Қазақ кітаптары – латын әліпбиінде

Кеше «Қазақ­стан-2050» жалпы­ұлттық қозғалысы ҚР Ұлттық академия­лық кітапханасы­мен бірлесіп, «Men qoldaimyn» шарасы аясында «Qazaq kitaptary 1929-1940» атты латын әліпбиі­мен жазылған кітаптардың көрмесін ұйымдастырды. Ша­раға аталмыш қозғалыс кеңесінің төрағасы Мұхтар Манкеев және кітапхана директорының орынбасары Әлия Қо­жабекова қатыс­ты.

Мемлекет басшысы Нұрсұлтан Назарбаевтың «Болашаққа бағдар: рухани жаңғыру» атты мақаласында айтылғандай, қазақ әліпбиін латын әліпбиіне көшіру бастамасына қолдау білдіру мақсатында ұйымдастырылған көрмеге қазақ зиялы қауым өкілдерінің 1929-1940 жылдары шыққан еңбектері қойылды. Сонымен қатар оған келгендер шетелдік ақын-жазушылардың еңбектерімен танысты.

Елбасы: «Латыншаға көшудің терең логикасы бар. Бұл қазіргі заманғы технологиялық ортаның, коммуникацияның, сондай-ақ, ХХІ ғасырдағы ғылыми және білім беру процесінің ерекшеліктеріне байланысты» деп атап өткен болатын.

Латын әліпбиі негізіндегі қазақ әліпбиін жасау идеясын отандық ғалымдармен қатар шетелдік ғалымдар қолдады. Қазіргі уақытта қоғам талқысына кеңінен салынып, халық тарапы­нан қолдау тапқан бастамаға «Қазақстан-2050» жалпыұлттық қозғалысы да үн қосып отыр.

Аманғали
Қалжанов

Сонымен қатар

КӨКТАЙҒАҚТАН САҚ БОЛЫҢЫЗ!

Алдағы үш тәулікте елордада аздаған жауын-шашын болып, көктайғақ сақталады, деп хабарлайды Астана әкімдігінің медиа орталығы …

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған