«Astana aqşamı»
El jüregi – elorda şejiresi

Qarjı ortalığı jumısın bastadı

0 136

Bïıl Memleket basşısı Nursultan Nazarbaevtıñ bas­tamasımen elimiz tarïhında tuñğış ret «Astana» halıqaralıq qarjı ortalığı qurıldı. Qarjı ortalığı 1 qañtardan bastap qızmetine kiristi.

«Astana» qarjı ortalığı täwelsiz qarjılıq sotı men ağılşın quqığı qağïdattarına jäne jeñildetilgen salıq rejimine säykes qurılğan. Elordanı halıqaralıq jäne aymaqtıq bïznes habqa aynaldıratın ortalıq – Azïya elderi, Kavkaz respwblïkaları, Ewrazïyalıq ekonomïkalıq odaq, Tayaw Şığıs elderi, Batıs Qıtay awmağı, Moñğolïya men Ewropa elderine qızmet etetin qarjılıq hab. Zamanawï ïnfraqurılım men ozıq tehnologïyalardı paydalanwdı közdeytin qarjı ortalığı «EKSPO-2017» awmağında ornalasqan.
Büginniñ özinde şetel memleketteriniñ köptegen ïnvestï­cïya­lıq, brokerlik kompanïya­ları men qarjı-bank ïns­­tï­­twttarı «Astana» qarjı or­ta­lığında öz ökildigin aşwğa nïetti. «Qazaqparat» tilşisine bergen suhbatında AHQO-nıñ bas­qarwşısı Qayrat Kelimbetov kompanïya janınan älemniñ eki birdey iri qarjı bïrjasımen tığız baylanıs ornatatın jaña bïrja aşılatının mälimdedi. «Tehnologïya­lar usınatın Nasdaq amerïkalıq joğarı tehnologïyalıq bïrjası men bizdiñ bïrjamızdıñ iri seriktesi jäne teñ akcïoneri Şanhay qarjı bïrjası qarjı qoğamdastığımen baylanıstı damıtwğa ıqpal etedi. Bolaşaqta qıtaylıq äriptestermen Astanada yuan' offşorlıq ortalığın aşwdı közdep otırmız» dedi kompanïya basşısı.
Osı jıldıñ birinşi toqsanında AHQO bïrjası belsendi jumıs istep, alğaşqı mämileler jasaydı. Josparğa säykes, jıldıñ ekinşi jartısında Astana qarjı ortalığınıñ alañında «Samurıq-Qazına» ulttıq äl-awqat qorınıñ» kompanïyaların jekeşelendirw bastaladı. Sonday-aq, Halıqaralıq arbïtraj ortalığı jäne AHQO täwelsiz sotı öz jumısın bastaydı. Bıltır jeltoqsan basında Elbası «Astana» halıqaralıq qarjı ortalığı sotı törağasınıñ ant qabıldaw räsimine qatısqan edi. Memleket basşısınıñ tïisti ökimimen tağayındalğan Lord Garrï Kennet Vwl'f «Men, «Astana» halıqaralıq qarjı ortalığı sotınıñ törağası retinde Qazaqstan Respwblïkasına şın peyilimmen adal qızmet etwge jäne QR Konstïtwcïyasımen qarjı ortalığı quqığına säykes, barlıq adamdarğa qatıstı sot töreligin adal jüzege asıratınımdı saltanattı türde rastaymın» dep ant berdi. Lord Garrï Kennet Vwl'f – qarjı quqığı salasındağı halıqaralıq töreşi äri medïatr. Ol Anglïyanıñ, Wel'stiñ, Qatar men Gonkongtıñ sot jüye­lerinde jumıs istegen, käsibï täjirïbesi mol maman.
Bolaşaqta «Astana» halıq­aralıq qarjı ortalığı tek Qazaqstan üşin ğana emes, Orta Azïyadağı aktïvter men kapïtaldardı basqarw narığın damıtwğa ıqpal etip, ïnves­ïcïyanıñ negizgi qaqpasına aynalmaq.
Memleket basşısınıñ  Jarlığına säykes, 2017 jılğı 28 jeltoqsanındağı ortalıq awmağı 25 gektardan 1632 gektarğa deyin ulğaydı.

 

Güldana TALĞATQIZI

Pikir jazw

Poçtañız jarïyalanbaydı