«استانا اقشامى»
ەل جۇرەگى – ەلوردا شەجىرەسى

قارجى ورتالىعى جۇمىسىن باستادى

0 136

بيىل مەملەكەت باسشىسى نۇرسۇلتان نازارباەۆتىڭ باس­تاماسىمەن ەلىمىز تاريحىندا تۇڭعىش رەت «استانا» حالىقارالىق قارجى ورتالىعى قۇرىلدى. قارجى ورتالىعى 1 قاڭتاردان باستاپ قىزمەتىنە كىرىستى.

«استانا» قارجى ورتالىعى تاۋەلسىز قارجىلىق سوتى مەن اعىلشىن قۇقىعى قاعيداتتارىنا جانە جەڭىلدەتىلگەن سالىق رەجىمىنە سايكەس قۇرىلعان. ەلوردانى حالىقارالىق جانە ايماقتىق بيزنەس حابقا اينالدىراتىن ورتالىق – ازيا ەلدەرى، كاۆكاز رەسپۋبليكالارى، ەۋرازيالىق ەكونوميكالىق وداق، تاياۋ شىعىس ەلدەرى، باتىس قىتاي اۋماعى، موڭعوليا مەن ەۋروپا ەلدەرىنە قىزمەت ەتەتىن قارجىلىق حاب. زاماناۋي ينفراقۇرىلىم مەن وزىق تەحنولوگيالاردى پايدالانۋدى كوزدەيتىن قارجى ورتالىعى «ەكسپو-2017» اۋماعىندا ورنالاسقان.
بۇگىننىڭ وزىندە شەتەل مەملەكەتتەرىنىڭ كوپتەگەن ينۆەستي­تسيا­لىق، بروكەرلىك كومپانيا­لارى مەن قارجى-بانك ينس­­تي­­تۋتتارى «استانا» قارجى ور­تا­لىعىندا ءوز وكىلدىگىن اشۋعا نيەتتى. «قازاقپارات» تىلشىسىنە بەرگەن سۇحباتىندا احقو-نىڭ باس­قارۋشىسى قايرات كەلىمبەتوۆ كومپانيا جانىنان الەمنىڭ ەكى بىردەي ءىرى قارجى بيرجاسىمەن تىعىز بايلانىس ورناتاتىن جاڭا بيرجا اشىلاتىنىن مالىمدەدى. «تەحنولوگيا­لار ۇسىناتىن Nasdaq امەريكالىق جوعارى تەحنولوگيالىق بيرجاسى مەن ءبىزدىڭ بيرجامىزدىڭ ءىرى سەرىكتەسى جانە تەڭ اكتسيونەرى شانحاي قارجى بيرجاسى قارجى قوعامداستىعىمەن بايلانىستى دامىتۋعا ىقپال ەتەدى. بولاشاقتا قىتايلىق ارىپتەستەرمەن استانادا يۋان وففشورلىق ورتالىعىن اشۋدى كوزدەپ وتىرمىز» دەدى كومپانيا باسشىسى.
وسى جىلدىڭ ءبىرىنشى توقسانىندا احقو بيرجاسى بەلسەندى جۇمىس ىستەپ، العاشقى مامىلەلەر جاسايدى. جوسپارعا سايكەس، جىلدىڭ ەكىنشى جارتىسىندا استانا قارجى ورتالىعىنىڭ الاڭىندا «سامۇرىق-قازىنا» ۇلتتىق ءال-اۋقات قورىنىڭ» كومپانيالارىن جەكەشەلەندىرۋ باستالادى. سونداي-اق، حالىقارالىق اربيتراج ورتالىعى جانە احقو تاۋەلسىز سوتى ءوز جۇمىسىن باستايدى. بىلتىر جەلتوقسان باسىندا ەلباسى «استانا» حالىقارالىق قارجى ورتالىعى سوتى توراعاسىنىڭ انت قابىلداۋ راسىمىنە قاتىسقان ەدى. مەملەكەت باسشىسىنىڭ ءتيىستى وكىمىمەن تاعايىندالعان لورد گارري كەننەت ۆۋلف «مەن، «استانا» حالىقارالىق قارجى ورتالىعى سوتىنىڭ توراعاسى رەتىندە قازاقستان رەسپۋبليكاسىنا شىن پەيىلىممەن ادال قىزمەت ەتۋگە جانە قر كونستيتۋتسياسىمەن قارجى ورتالىعى قۇقىعىنا سايكەس، بارلىق ادامدارعا قاتىستى سوت تورەلىگىن ادال جۇزەگە اسىراتىنىمدى سالتاناتتى تۇردە راستايمىن» دەپ انت بەردى. لورد گارري كەننەت ۆۋلف – قارجى قۇقىعى سالاسىنداعى حالىقارالىق تورەشى ءارى مەدياتر. ول انگليانىڭ، ۋەلستىڭ، قاتار مەن گونكونگتىڭ سوت جۇيە­لەرىندە جۇمىس ىستەگەن، كاسىبي تاجىريبەسى مول مامان.
بولاشاقتا «استانا» حالىق­ارالىق قارجى ورتالىعى تەك قازاقستان ءۇشىن عانا ەمەس، ورتا ازياداعى اكتيۆتەر مەن كاپيتالداردى باسقارۋ نارىعىن دامىتۋعا ىقپال ەتىپ، ينۆەس­يتسيانىڭ نەگىزگى قاقپاسىنا اينالماق.
مەملەكەت باسشىسىنىڭ  جارلىعىنا سايكەس، 2017 جىلعى 28 جەلتوقسانىنداعى ورتالىق اۋماعى 25 گەكتاردان 1632 گەكتارعا دەيىن ۇلعايدى.

 

گۇلدانا تالعاتقىزى

پىكىر جازۋ

پوچتاڭىز جاريالانبايدى