«Astana aqşamı»
El jüregi – elorda şejiresi

«Qara şañıraq» qoğamdı tüzey alsa…

0 89

Jwırda elordada Sarıarqa awdanınıñ äkimi Erğalï Egemberdiniñ qoldawımen ulttıq qundılıqtardı däriptew, patrïotïzmdi damıtıp, bäsekege qabiletti ultjandı tulğa tärbïelew maqsatında «Qara şañıraq» jobası jumısın bastadı. Ultjandı azamattar döñgelek üstel basında jïnalıp, jobanıñ qalay örbïtinin talqıladı.

«Qazirgi qoğamda bolıp jatqan jastarımızdıñ türli beybastaq äreketteri, uyatsız qılıqtarı, ülkenge qurmettiñ azayuı, ajırasw, balalardıñ jetim qalwı, jemqorlıq jäne tağı sonday mäseleler köbeyip ketti. Bul bir rwhanï kesel boldı. Osı dert dendep, urpağımızğa kesiri tïmesin desek, qoğamdı rwhanï sawıqtırw kerek. Jas urpaqtıñ boyına ar, uyat, namıs, kisilik sındı qasïetterdi bala kezinen siñdirw kerek. Qazaqta ar, uyat ärdayım qundı bolğan. Jastardı ardı jasınan saqtaw, uyattı, namıstı bärinen bïik qoyuğa tärbïelewimiz kerek. Qazaqtıñ boyındağı, qanındağı uyıqtap jatqan närseni oyatw qajet. Onıñ bir-aq jolı bar. Ol – ulttıq qundılıqtarğa negizdelgen tälim-tärbïe. «El bolamın deseñ, besigiñdi tüze» dep tekten-tekke aytılmağan. Osı maqsatta rwhı bir, ïdeyası, oyı bir jerge tüyisken ult janaşırları, qoğam belsendileri bolıp, «Qara şañıraq» jobasın qolğa aldıq» dedi jobanıñ bastamaşısı, tarïhşı Turar Şäken.
Buğan qosa, belgili ğalımdar Mırzageldi Kemel men Jambıl Artıqbaev, özge de ult janaşır­ları joba jaylı pikirlerin bildirdi.

Pikir jazw

Poçtañız jarïyalanbaydı