«Astana aqşamı»
El jüregi – elorda şejiresi

QANATQAQTI JOBALAR – QARIŞTI QADAM

0 89

nur_3734-42

Biregey bastamalardıñ basın biriktirgen dästürli Astex forwm-körmesiniñ ayasında Astanada aqıldı tehnologïyalardıñ alañı qurıldı. Körmege otandıq jäne şet elderden kelgen jetekşi İT-kompanïyalar qatıstı. Tanıstırılğan jobalar qalanıñ ïnnova­cïyalıq ïnfraqurı­lımın qalıptastırwğa jol aşadı.

Damığan zamannıñ belgisindey bolğan bastamalardıñ deni Astananıñ törindegi körmede köpşilikke jol tarttı. Basqa öñirlerden jäne şet memleketterden jetken jobalardıñ işinde elordanıñ ïnnovacïyaları da boy körsetti. Kör­meniñ bir burışına tügel «Smart Astana» şeñberinde jüzege asırılıp jatqan jobalar ornalastı.
– Bul körme eñ aldımen smart tehno­logïyalardıñ alañı retinde uyım­das­tırıldı. «Aqıldı qala» taqı­rı­bına arnalğan şarada är jerden kelgen delegattar özderiniñ ozıq jobaların tanıs­tıradı. YAğnï, jay körme ğana emes, bul jer – täjirïbe almasw alañı. Jetekşi kompanïyalardıñ bastamalarınan ülgi ala otırıp, Astana öz jolın tabwı tïis. Ïdeya degen jetedi. Jan-jaqtı oy­las­tırılğan bastamalar älewmettik ja­ğınan da, ekonomïkalıq jağınan da oñ äserin berw kerek. Astana bul bağıtta alğa belsendi jıljıp keledi. Biz qazir birşama jobalardı iske asırıp jatırmız, – deydi «Astana Innovations» AQ basqarma törağası Älnur Ermağambetov.
«Smart Astana» ayasında qolğa alınğan bağdarlamanıñ biri – «Sergek» jobası. Munıñ Qazaqstanda balaması joq eken. Jobanı «Open Technologies Group» pen «Körkem-Telekom» kompanïyaları birlesip jüzege asırıp jatır.
– Bul jobağa jay beynebaqılaw dep qarawğa bolmaydı. Mısalı, bir ope­ratordıñ köz aldında 100 kamera tur­ğanımen, ol bärin birdey baqılay almaydı. Erekşe nazar awdarwğa twra keletin jağdaylar bolsa, derew eskertiledi. Munıñ «Sergek» dep atalwınıñ da sebebi sol. Eger sawda ortalığında äldekim otırğan jerinde bir zatın umıt qaldırıp ketse, bir mïnwt işinde onıñ egesin
tawıp bere aladı. Pïlottıq rejïmdegi «Sergek» qazir tek «Sarıarqa» sawda ortalığında ğana jumıs istep tur, – deydi «Körkem-Telekom» kompanïyasınıñ
dïrektorı Äset Ahmetov.
Atalmış joba bir aydan keyin barlıq sawda-oyın-sawıq ortalıqtarında, son­day-aq, meşitterde de iske qosıla bastaydı.
Qanşama ïnnovacïyalıq jobalardıñ işinde jurt erekşe qızığwşılıq tanıtqan «Kündelik.kz» jobası boldı. Bul QR Bilim jäne ğılım mïnïstrliginiñ qoldawımen bıltırğı jıldıñ kökte­minen bastap jumıs istey bastağan eken.
– Pïlottıq kezeñde 700 mektepte jaña joba qosılıp, sınaqtan ötkizildi. Bügingi tañda mïnïstrdiñ tapsır­ma­sımen 1 qırküyekten bastap Qazaq­stan bo­yınşa 4 mıñ mektepke osı bağdarlama engizilwde. Al Astanada ekin­şi toqsannan bastap 84 mektepte jumıs istey bastadı. Jalpı respwblïka köleminde 3100 mektep osı jüyemen qamtılğan. Qazirdiñ özinde tirkelgen qoldanwşılar sanı 1,5 mïllïonğa jetip jığıladı. Olar – muğalimder, ata-analar jäne oqwşılar. Joba köpşiliktiñ köñilinen şığıp keledi. Paydalanwdıñ eş qïındığı joq, qolaylı äri tïimdi. Bïıl birinşi toqsannıñ qorıtındısı boyınşa elektrondı kündelikke 6 mïllïon bağa qoyıldı. Onlayn rejïmde
900 mıñ üy tapsırmaları berildi, –
deydi «Kündelik» JŞS-niñ bas dïrektorı Aleksandr Grïgoryan.
Onıñ aytwınşa, portaldı paydalanwdı odan äri qolaylı etw üşin qañtar ayınan bastap mobïl'di qosımşa iske qosılmaq.
Täjirïbe almasw maqsatında uyımdas­tırılğan forwm-körmede ıntımaq­tastıq twralı 24 qujatqa qol qoyıldı.

Orınbek ÖTEMURAT

Pikir jazw

Poçtañız jarïyalanbaydı