«استانا اقشامى»
ەل جۇرەگى – ەلوردا شەجىرەسى

قاناتقاقتى جوبالار – قارىشتى قادام

0 89

nur_3734-42

بىرەگەي باستامالاردىڭ باسىن بىرىكتىرگەن ءداستۇرلى Astex فورۋم-كورمەسىنىڭ اياسىندا استانادا اقىلدى تەحنولوگيالاردىڭ الاڭى قۇرىلدى. كورمەگە وتاندىق جانە شەت ەلدەردەن كەلگەن جەتەكشى ءىت-كومپانيالار قاتىستى. تانىستىرىلعان جوبالار قالانىڭ يننوۆا­تسيالىق ينفراقۇرى­لىمىن قالىپتاستىرۋعا جول اشادى.

دامىعان زاماننىڭ بەلگىسىندەي بولعان باستامالاردىڭ دەنى استانانىڭ تورىندەگى كورمەدە كوپشىلىككە جول تارتتى. باسقا وڭىرلەردەن جانە شەت مەملەكەتتەردەن جەتكەن جوبالاردىڭ ىشىندە ەلوردانىڭ يننوۆاتسيالارى دا بوي كورسەتتى. كور­مەنىڭ ءبىر بۇرىشىنا تۇگەل «Smart Astana» شەڭبەرىندە جۇزەگە اسىرىلىپ جاتقان جوبالار ورنالاستى.
– بۇل كورمە ەڭ الدىمەن سمارت تەحنو­لوگيالاردىڭ الاڭى رەتىندە ۇيىم­داس­تىرىلدى. «اقىلدى قالا» تاقى­رى­بىنا ارنالعان شارادا ءار جەردەن كەلگەن دەلەگاتتار وزدەرىنىڭ وزىق جوبالارىن تانىس­تىرادى. ياعني، جاي كورمە عانا ەمەس، بۇل جەر – تاجىريبە الماسۋ الاڭى. جەتەكشى كومپانيالاردىڭ باستامالارىنان ۇلگى الا وتىرىپ، استانا ءوز جولىن تابۋى ءتيىس. يدەيا دەگەن جەتەدى. جان-جاقتى وي­لاس­تىرىلعان باستامالار الەۋمەتتىك جا­عىنان دا، ەكونوميكالىق جاعىنان دا وڭ اسەرىن بەرۋ كەرەك. استانا بۇل باعىتتا العا بەلسەندى جىلجىپ كەلەدى. ءبىز قازىر ءبىرشاما جوبالاردى ىسكە اسىرىپ جاتىرمىز، – دەيدى «Astana Innovations» اق باسقارما توراعاسى ءالنۇر ەرماعامبەتوۆ.
«Smart Astana» اياسىندا قولعا الىنعان باعدارلامانىڭ ءبىرى – «سەرگەك» جوباسى. مۇنىڭ قازاقستاندا بالاماسى جوق ەكەن. جوبانى «وpen تechnologies Group» پەن «كوركەم-تەلەكوم» كومپانيالارى بىرلەسىپ جۇزەگە اسىرىپ جاتىر.
– بۇل جوباعا جاي بەينەباقىلاۋ دەپ قاراۋعا بولمايدى. مىسالى، ءبىر وپە­راتوردىڭ كوز الدىندا 100 كامەرا تۇر­عانىمەن، ول ءبارىن بىردەي باقىلاي المايدى. ەرەكشە نازار اۋدارۋعا تۋرا كەلەتىن جاعدايلار بولسا، دەرەۋ ەسكەرتىلەدى. مۇنىڭ «سەرگەك» دەپ اتالۋىنىڭ دا سەبەبى سول. ەگەر ساۋدا ورتالىعىندا الدەكىم وتىرعان جەرىندە ءبىر زاتىن ۇمىت قالدىرىپ كەتسە، ءبىر مينۋت ىشىندە ونىڭ ەگەسىن
تاۋىپ بەرە الادى. پيلوتتىق رەجيمدەگى «سەرگەك» قازىر تەك «سارىارقا» ساۋدا ورتالىعىندا عانا جۇمىس ىستەپ تۇر، – دەيدى «كوركەم-تەلەكوم» كومپانياسىنىڭ
ديرەكتورى اسەت احمەتوۆ.
اتالمىش جوبا ءبىر ايدان كەيىن بارلىق ساۋدا-ويىن-ساۋىق ورتالىقتارىندا، سون­داي-اق، مەشىتتەردە دە ىسكە قوسىلا باستايدى.
قانشاما يننوۆاتسيالىق جوبالاردىڭ ىشىندە جۇرت ەرەكشە قىزىعۋشىلىق تانىتقان «كۇندەلىك.kz» جوباسى بولدى. بۇل قر ءبىلىم جانە عىلىم مينيسترلىگىنىڭ قولداۋىمەن بىلتىرعى جىلدىڭ كوكتە­مىنەن باستاپ جۇمىس ىستەي باستاعان ەكەن.
– پيلوتتىق كەزەڭدە 700 مەكتەپتە جاڭا جوبا قوسىلىپ، سىناقتان وتكىزىلدى. بۇگىنگى تاڭدا ءمينيستردىڭ تاپسىر­ما­سىمەن 1 قىركۇيەكتەن باستاپ قازاق­ستان بو­يىنشا 4 مىڭ مەكتەپكە وسى باعدارلاما ەنگىزىلۋدە. ال استانادا ەكىن­شى توقساننان باستاپ 84 مەكتەپتە جۇمىس ىستەي باستادى. جالپى رەسپۋبليكا كولەمىندە 3100 مەكتەپ وسى جۇيەمەن قامتىلعان. قازىردىڭ وزىندە تىركەلگەن قولدانۋشىلار سانى 1,5 ميلليونعا جەتىپ جىعىلادى. ولار – مۇعالىمدەر، اتا-انالار جانە وقۋشىلار. جوبا كوپشىلىكتىڭ كوڭىلىنەن شىعىپ كەلەدى. پايدالانۋدىڭ ەش قيىندىعى جوق، قولايلى ءارى ءتيىمدى. بيىل ءبىرىنشى توقساننىڭ قورىتىندىسى بويىنشا ەلەكتروندى كۇندەلىككە 6 ميلليون باعا قويىلدى. ونلاين رەجيمدە
900 مىڭ ءۇي تاپسىرمالارى بەرىلدى، –
دەيدى «كۇندەلىك» جشس-ءنىڭ باس ديرەكتورى الەكساندر گريگوريان.
ونىڭ ايتۋىنشا، پورتالدى پايدالانۋدى ودان ءارى قولايلى ەتۋ ءۇشىن قاڭتار ايىنان باستاپ ءموبيلدى قوسىمشا ىسكە قوسىلماق.
تاجىريبە الماسۋ ماقساتىندا ۇيىمداس­تىرىلعان فورۋم-كورمەدە ىنتىماق­تاستىق تۋرالى 24 قۇجاتقا قول قويىلدى.

ورىنبەك وتەمۇرات

پىكىر جازۋ

پوچتاڭىز جاريالانبايدى