«Astana aqşamı»
El jüregi – elorda şejiresi

Qalanı körkeyte alasıñ

0 47

Elordanıñ Sarıarqa awdanınıñ äkimdigi «Qatısw byudjeti» attı qanatqaqtı jobanı bastadı. Soğan säykes bir ay köleminde qala turğındarınan awdandı körkeytw men damıtwğa qatıstı usınıstar qabıldanadı. Osı künge deyin 22 joba kelip tüsti. Olardıñ bärin äkimdiktiñ www.saryarka.astana.kz saytınan körwge boladı.

Usınılğan jobalardıñ deni awlalardı abattandırwğa, balalardıñ oyın alañdarın ornatwğa baylanıstı bolıp otır. Arasında nazar awdarwğa turarlıq birneşe joba da bar. Mäselen, osıdan 3-4 jıl burın qala äkimdigi aldındağı alañdı tïimdi paydalanw boyınşa mäsele twındadı.

BS Management kompanïyası «Keşki plaza» atawın alğan joba arqılı bul alañdı keşki waqıtta qala turğındarı men qonaqtarınıñ demalatın ornına aynaldırwdı usındı. Jobanı usınğandar osı jolmen elordağa demalwğa keletin halıqtıñ sanın köbeytwge, yağnï twrïzmdi damıtwğa boladı dep esepteydi. Olardıñ oyınşa, bul joba «Arbat» ïnfraqurılımınıñ jalğası bola aladı.

Ol üşin alañğa sahnanı, üstel men orındıqtardı, tamaqtandırw orındarın ornatw kerek. Demalwşılar onda türli koncerttermen qatar aşıq aspan astında kïno tamaşalaydı. Demalw waqıtı sağat 18.00-00.00 aralığına qoyılıp otır. Jobanıñ jalpı qunı 8 mln teñgeni quraydı.

Sergey Borovïkov Beybitşilik köşesi, 60-üydiñ awlasında qazirgi zamanğa say keletin qawipsiz balalar alañın ornatwdı usındı. Buğan qosa, K.Kümisbekov köşesi, 7/1, D.Babatayulı köşesi, 9, 9a, Respwblïka dañğılı, 74, Sarıarqa dañğılı, 29, İ.Esenberlïn köşesi, 11/1, 15/1 mekenjayları boyınşa osığan uqsas jobalar usınıldı. Buğan qosa, «Turğındarğa jaylı qala» atawın alğan joba bar.

Bul jobalardı äkimdiktiñ janınan qurılğan saraptamalıq keñes qaraydı. Sonday-aq awdan äkimdiginiñ saytında ornalastırğan bul jobalardı halıq körip, dawıs bere aladı. Sonıñ nätïjesinde jeñimpazdar anıqtaladı.

Pikir jazw

Poçtañız jarïyalanbaydı