«استانا اقشامى»
ەل جۇرەگى – ەلوردا شەجىرەسى

قالانى كوركەيتە الاسىڭ

0 47

ەلوردانىڭ سارىارقا اۋدانىنىڭ اكىمدىگى «قاتىسۋ بيۋدجەتى» اتتى قاناتقاقتى جوبانى باستادى. سوعان سايكەس ءبىر اي كولەمىندە قالا تۇرعىندارىنان اۋداندى كوركەيتۋ مەن دامىتۋعا قاتىستى ۇسىنىستار قابىلدانادى. وسى كۇنگە دەيىن 22 جوبا كەلىپ ءتۇستى. ولاردىڭ ءبارىن اكىمدىكتىڭ www.saryarka.astana.kz سايتىنان كورۋگە بولادى.

ۇسىنىلعان جوبالاردىڭ دەنى اۋلالاردى اباتتاندىرۋعا، بالالاردىڭ ويىن الاڭدارىن ورناتۋعا بايلانىستى بولىپ وتىر. اراسىندا نازار اۋدارۋعا تۇرارلىق بىرنەشە جوبا دا بار. ماسەلەن، وسىدان 3-4 جىل بۇرىن قالا اكىمدىگى الدىنداعى الاڭدى ءتيىمدى پايدالانۋ بويىنشا ماسەلە تۋىندادى.

BS Management كومپانياسى «كەشكى پلازا» اتاۋىن العان جوبا ارقىلى بۇل الاڭدى كەشكى ۋاقىتتا قالا تۇرعىندارى مەن قوناقتارىنىڭ دەمالاتىن ورنىنا اينالدىرۋدى ۇسىندى. جوبانى ۇسىنعاندار وسى جولمەن ەلورداعا دەمالۋعا كەلەتىن حالىقتىڭ سانىن كوبەيتۋگە، ياعني ءتۋريزمدى دامىتۋعا بولادى دەپ ەسەپتەيدى. ولاردىڭ ويىنشا، بۇل جوبا «اربات» ينفراقۇرىلىمىنىڭ جالعاسى بولا الادى.

ول ءۇشىن الاڭعا ساحنانى، ۇستەل مەن ورىندىقتاردى، تاماقتاندىرۋ ورىندارىن ورناتۋ كەرەك. دەمالۋشىلار وندا ءتۇرلى كونتسەرتتەرمەن قاتار اشىق اسپان استىندا كينو تاماشالايدى. دەمالۋ ۋاقىتى ساعات 18.00-00.00 ارالىعىنا قويىلىپ وتىر. جوبانىڭ جالپى قۇنى 8 ملن تەڭگەنى قۇرايدى.

سەرگەي بوروۆيكوۆ بەيبىتشىلىك كوشەسى، 60-ءۇيدىڭ اۋلاسىندا قازىرگى زامانعا ساي كەلەتىن قاۋىپسىز بالالار الاڭىن ورناتۋدى ۇسىندى. بۇعان قوسا، ك.كۇمىسبەكوۆ كوشەسى، 7/1, د.باباتايۇلى كوشەسى، 9, 9ا، رەسپۋبليكا داڭعىلى، 74, سارىارقا داڭعىلى، 29, ءى.ەسەنبەرلين كوشەسى، 11/1, 15/1 مەكەنجايلارى بويىنشا وسىعان ۇقساس جوبالار ۇسىنىلدى. بۇعان قوسا، «تۇرعىندارعا جايلى قالا» اتاۋىن العان جوبا بار.

بۇل جوبالاردى اكىمدىكتىڭ جانىنان قۇرىلعان ساراپتامالىق كەڭەس قارايدى. سونداي-اق اۋدان اكىمدىگىنىڭ سايتىندا ورنالاستىرعان بۇل جوبالاردى حالىق كورىپ، داۋىس بەرە الادى. سونىڭ ناتيجەسىندە جەڭىمپازدار انىقتالادى.

پىكىر جازۋ

پوچتاڭىز جاريالانبايدى