«Астана ақшамы»
Ел жүрегі – елорда шежіресі

Қалада желекжолдар мен гүлбақтар көбейеді

0 31

Өткен жылы елорда әкімінің тапсырмасымен басталған сүрілген үйлердің орнына желекжолдар мен гүлбақтарын салу жұмысы биыл да жалғасады. Мұндағы мақсат – халықтың жайлы тұрмысы мен тынығуына, отбасылық демалысқа ыңғайлы жағдайларды жасау.

Қалалық Қоршаған ортаны қорғау және табиғатты пайдалану басқармасының мәліметінше, 2019 жылы саябақтар мен гүлбақтар құрылысы І.Есенберлин көшесіндегі №36 үй, Б.Майлин көшесі №9 үй, Ә.Молдағұлова көшесіндегі №19 және №21 үйлердің маңайында, Сарыарқа даңғылындағы №23 үй, Абай даңғылы бойындағы Күлтөбе көшесінен Ә.Сембинов көшесіне дейінгі және «Егемен Қазақстан» газеті көшесінен Б.Бейсекбаев көшесіне дейінгі аумақта жүргізіледі.
Сондай-ақ Жеңіс даңғылының және Ә.Жангелдин көшесінің қиылысында да жаңа гүлбақ салынады. Желекжолдар мен гүлбақтар толығымен абаттандырылып, жарықтандырылады. Аталған аумақта спорттық және балаларға арналған ойын алаңдары, шағын архитектуралық нысандар орнатылады.

 

Пікір жазу

Почтаңыз жарияланбайды