«Astana aqşamı»
El jüregi – elorda şejiresi

Prezïdent estafetanı jalğastırdı

0 27

QR Prezïdenti Qasım-Jomart Toqaev 9 jastağı oqwşınıñ estafetasın qabıl aldı. Bul twralı Memleket basşısınıñ baspasöz hatşısı Berik Wälï öziniñ facebook-tegi paraqşasında jazdı.

 «Läylim-Şıraq esimdi 9 jastağı mektep oqwşısı qazaqtıñ ulı aqını Abay öleñderinen üzindi oqıp, bul estafetanı jalğastırwdı Qazaqstan Respwblïkasınıñ Prezïdenti Qasım-Jomart Toqaevqa joldağan eken. Memleket basşısı Läylim-Şıraqtıñ bul usınısın qwanışpen qabıldap, kemeñger aqınnıñ jastardı bilim men ğılımğa şaqıratın, maqsatıña jetw jolında qajet asıl qasïetterdi atap körsetken «Ğılım tappay maqtanba» attı öleñinen üzindi oqıp, jawap berdi» dep jazdı Berik Wälï. Jazbadan mälim bolwınşa, Memleket basşısı estafetanı odan äri jalğawğa Bilim jäne ğılım mïnïstri Ashat Aymağambetovke, Mädenïet jäne sport mïnïstri Aqtotı Rayımqulovağa jäne bükil älemdi moyındatqan talanttı änşi Dïmaş Qudaybergenge joldağan.
Jaqında älewmettik jelilerde qazaqtıñ ulı aqını Abaydıñ öleñderin oqw nawqanı bastaldı. Bul challenge-di jeli qoldanwşıları taratıp jatır. Challenge #abai175 heştegimen belgilengen. Qazirgi waqıtta jarïyalanımdar sanı kün sayın molayuda. Soñğı jıldarı elimizde älewmettik jelide öleñ-jırlardı jatqa oqw jäne onı jalğap aytw estafetası bastalıp, oğan bastawış mektep oqwşıların tartıp, är sala ökilderi atsalısqan bolatın. Sol estafetanıñ biri «Alpamıs» jırın jatqa aytw bolsa, endigi kezegi Abay öleñderimen jalğasın tawıp, oğan Prezïdent te ün qosıp jatır. Ayta keteyik, QR Prezïdenti Qasım-Jomart Toqaev mamır ayında Abaydıñ 175 jıldıq mereytoyı twralı Jarlıqqa qol qoyğan bolatın.

Pikir jazw

Poçtañız jarïyalanbaydı