«استانا اقشامى»
ەل جۇرەگى – ەلوردا شەجىرەسى

پرەزيدەنت ەستافەتانى جالعاستىردى

0 23

قر پرەزيدەنتى قاسىم-جومارت توقاەۆ 9 جاستاعى وقۋشىنىڭ ەستافەتاسىن قابىل الدى. بۇل تۋرالى مەملەكەت باسشىسىنىڭ ءباسپاسوز حاتشىسى بەرىك ءۋالي ءوزىنىڭ facebook-تەگى پاراقشاسىندا جازدى.

 «ءلايلىم-شىراق ەسىمدى 9 جاستاعى مەكتەپ وقۋشىسى قازاقتىڭ ۇلى اقىنى اباي ولەڭدەرىنەن ءۇزىندى وقىپ، بۇل ەستافەتانى جالعاستىرۋدى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆقا جولداعان ەكەن. مەملەكەت باسشىسى ءلايلىم-شىراقتىڭ بۇل ۇسىنىسىن قۋانىشپەن قابىلداپ، كەمەڭگەر اقىننىڭ جاستاردى ءبىلىم مەن عىلىمعا شاقىراتىن، ماقساتىڭا جەتۋ جولىندا قاجەت اسىل قاسيەتتەردى اتاپ كورسەتكەن «عىلىم تاپپاي ماقتانبا» اتتى ولەڭىنەن ءۇزىندى وقىپ، جاۋاپ بەردى» دەپ جازدى بەرىك ءۋالي. جازبادان ءمالىم بولۋىنشا، مەملەكەت باسشىسى ەستافەتانى ودان ءارى جالعاۋعا ءبىلىم جانە عىلىم ءمينيسترى اسحات ايماعامبەتوۆكە، مادەنيەت جانە سپورت ءمينيسترى اقتوتى رايىمقۇلوۆاعا جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان.
جاقىندا الەۋمەتتىك جەلىلەردە قازاقتىڭ ۇلى اقىنى ابايدىڭ ولەڭدەرىن وقۋ ناۋقانى باستالدى. بۇل challenge-ءدى جەلى قولدانۋشىلارى تاراتىپ جاتىر. Challenge #abai175 حەشتەگىمەن بەلگىلەنگەن. قازىرگى ۋاقىتتا جاريالانىمدار سانى كۇن سايىن مولايۋدا. سوڭعى جىلدارى ەلىمىزدە الەۋمەتتىك جەلىدە ولەڭ-جىرلاردى جاتقا وقۋ جانە ونى جالعاپ ايتۋ ەستافەتاسى باستالىپ، وعان باستاۋىش مەكتەپ وقۋشىلارىن تارتىپ، ءار سالا وكىلدەرى اتسالىسقان بولاتىن. سول ەستافەتانىڭ ءبىرى «الپامىس» جىرىن جاتقا ايتۋ بولسا، ەندىگى كەزەگى اباي ولەڭدەرىمەن جالعاسىن تاۋىپ، وعان پرەزيدەنت تە ءۇن قوسىپ جاتىر. ايتا كەتەيىك، قر پرەزيدەنتى قاسىم-جومارت توقاەۆ مامىر ايىندا ابايدىڭ 175 جىلدىق مەرەيتويى تۋرالى جارلىققا قول قويعان بولاتىن.

پىكىر جازۋ

پوچتاڭىز جاريالانبايدى