«Astana aqşamı»
El jüregi – elorda şejiresi

Otbası qundılığın oyğa saldı

0 20

Nur-Sultan qalası Qoğamdıq damw isteri basqarması men «Astana jastarı» kommwnaldıq memlekettik mekemesiniñ uyımdastırwımen Jastar jılı ayasında «Otbasy baqyt mekeni» jobasınıñ alğaşqı qoyılımı jazwşı-dramatwrg Säken Jünisovtiñ «Jaralı gülder» p'esası sahnalandı.

Bul jobanıñ bastı maqsatı – Elbasınıñ «Rwhanï jañğırw» bağdarlamalıq maqalası ayasında otbası qundılığın nasïhattaw. Osığan baylanıstı jıl soñına deyin üş qoyılım josparlanğan. Keşe L.Gwmïlev atındağı Ewrazïya ulttıq wnïversïtetiniñ törinde alğaşqı sahnalanğan p'esa 1941-1945 jıldardağı soğıs kezindegi tıldağı halıqtıñ, äsirese, jasöspirimderdiñ ömirin, tirşilik-tawqımetin şındıqpen swretteydi. Kelesi kezekte qırğız dramatwrgi Mar Bayjïevtiñ «Til tabısqandar» komedïyası men Älimbek Orazbekovtiñ «Bir tüp alma ağaşı» draması qoyılmaq. Qoyılımnan şıqqan stwdentter men jastar qajırlı eñbek pen erliktiñ män-mağınasın tüysinip şıqqanı añğarıldı.

Pikir jazw

Poçtañız jarïyalanbaydı