«استانا اقشامى»
ەل جۇرەگى – ەلوردا شەجىرەسى

وتباسى قۇندىلىعىن ويعا سالدى

0 20

نۇر-سۇلتان قالاسى قوعامدىق دامۋ ىستەرى باسقارماسى مەن «استانا جاستارى» كوممۋنالدىق مەملەكەتتىك مەكەمەسىنىڭ ۇيىمداستىرۋىمەن جاستار جىلى اياسىندا «Otbasy baqyt mekeni» جوباسىنىڭ العاشقى قويىلىمى جازۋشى-دراماتۋرگ ساكەن ءجۇنىسوۆتىڭ «جارالى گۇلدەر» پەساسى ساحنالاندى.

بۇل جوبانىڭ باستى ماقساتى – ەلباسىنىڭ «رۋحاني جاڭعىرۋ» باعدارلامالىق ماقالاسى اياسىندا وتباسى قۇندىلىعىن ناسيحاتتاۋ. وسىعان بايلانىستى جىل سوڭىنا دەيىن ءۇش قويىلىم جوسپارلانعان. كەشە ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ تورىندە العاشقى ساحنالانعان پەسا 1941-1945 جىلدارداعى سوعىس كەزىندەگى تىلداعى حالىقتىڭ، اسىرەسە، جاسوسپىرىمدەردىڭ ءومىرىن، تىرشىلىك-تاۋقىمەتىن شىندىقپەن سۋرەتتەيدى. كەلەسى كەزەكتە قىرعىز دراماتۋرگى مار بايجيەۆتىڭ «ءتىل تابىسقاندار» كومەدياسى مەن الىمبەك ورازبەكوۆتىڭ «ءبىر ءتۇپ الما اعاشى» دراماسى قويىلماق. قويىلىمنان شىققان ستۋدەنتتەر مەن جاستار قاجىرلى ەڭبەك پەن ەرلىكتىڭ ءمان-ماعىناسىن ءتۇيسىنىپ شىققانى اڭعارىلدى.

پىكىر جازۋ

پوچتاڭىز جاريالانبايدى