«Astana aqşamı»
El jüregi – elorda şejiresi

Otandıq önimniñ örisi keñ

0 113

Keşe Otandıq tawar öndirwşileriniñ forwmı ötip, şarağa Astana qalası men Qarağandı oblısınıñ tawar öndirwşileri jäne elordalıq qurılıs kompanïyalarınıñ ökilderi qatıstı.

Astana qalası Ïnvestïcïya jäne käsipkerlikti damıtw bas­qarmasınıñ basşısı Älişer Äbdiqadırovtıñ jetekşilik etwimen ötken jïında qos öñirdiñ käsipkerlik salasındağı äleweti men özara qarım-qatınası jaylı söz boldı. Alğaşqı bolıp söz alğan Qarağandı ob­lısı äkiminiñ orınbasarı Al­mas Aydarov elordanıñ qarqındı qurılıs alañı ekenin atap ötip, qarağandılıq tawar öndirwşilerdiñ bas qalanı qurılıs materïal­darımen qamtamasız etwde mümkindigi mol ekenin jetkizdi. Sonımen qatar oblıs äkiminiñ orınbasarı eki öñirdiñ alıs-berisi men barıs-kelisi burınnan berik ornağanın, Astanada bilim alıp, qızmet etip jürgen qarağandılıq jastardıñ öte köp ekenin tilge tïek etti.
Şara ayasında «BI-GROUP» holdïngi men «ArselorMïttal Temirtaw» AQ, «Zavod Metall Profïl'» JŞS, «Bazïs-A» kompanïyası men «Bekem-Plast» JŞS, «Jakko Karaganda» JŞS sïyaqtı Astananıñ qurılıs kompanïyaları men Qarağandı oblısınıñ tawar öndirwşileri arasında özara qarım-qatınas­tı jäne sawda-sattıqtı nığaytw jönindegi birqatar memorandwmğa qol qoyıldı. Endi osınıñ arqasında otandıq önimniñ örisi keñï tüspek.
Forwm barısında ondağan otandıq tawar öndirwşileriniñ körmesi bolıp, kelwşilerge Qazaqstanda jasalğan önimder keñinen tanıstırıldı. Körmeni tamaşalawşılar Qarağandı oblısınıñ qımızınan da däm tattı.
Sonımen qatar «BI Group», «Astana tazalıq» sïyaqtı elordadağı basqa da iri kompanïyalardıñ eñbek ujımına qısqı jäne jazğı jumıs formaların tigetin «Astana YUtarïya ltd» JŞS te körmege öz önimderin şığarıptı. Joba menedjeri Jazïra Dwlatovanıñ mälimetinşe, atalmış kompanïyada 800 adam jumıspen qamtılğan. Ayına 150 mıñnan asa, jılına 1,8 mln-ğa jwıq tawar şığaratın kompanïyada kïimniñ 200 türi tigiledi. Astanalıq käsiporın endi eki jaqtı kelisim boyınşa Qarağandı öñiriniñ kompanïyaların da jumıs formasımen qamtamasız etetin boladı.

Pikir jazw

Poçtañız jarïyalanbaydı