«استانا اقشامى»
ەل جۇرەگى – ەلوردا شەجىرەسى

وتاندىق ءونىمنىڭ ءورىسى كەڭ

0 91

كەشە وتاندىق تاۋار وندىرۋشىلەرىنىڭ فورۋمى ءوتىپ، شاراعا استانا قالاسى مەن قاراعاندى وبلىسىنىڭ تاۋار وندىرۋشىلەرى جانە ەلوردالىق قۇرىلىس كومپانيالارىنىڭ وكىلدەرى قاتىستى.

استانا قالاسى ينۆەستيتسيا جانە كاسىپكەرلىكتى دامىتۋ باس­قارماسىنىڭ باسشىسى الىشەر ابدىقادىروۆتىڭ جەتەكشىلىك ەتۋىمەن وتكەن جيىندا قوس ءوڭىردىڭ كاسىپكەرلىك سالاسىنداعى الەۋەتى مەن ءوزارا قارىم-قاتىناسى جايلى ءسوز بولدى. العاشقى بولىپ ءسوز العان قاراعاندى وب­لىسى اكىمىنىڭ ورىنباسارى ال­ماس ايداروۆ ەلوردانىڭ قارقىندى قۇرىلىس الاڭى ەكەنىن اتاپ ءوتىپ، قاراعاندىلىق تاۋار وندىرۋشىلەردىڭ باس قالانى قۇرىلىس ماتەريال­دارىمەن قامتاماسىز ەتۋدە مۇمكىندىگى مول ەكەنىن جەتكىزدى. سونىمەن قاتار وبلىس اكىمىنىڭ ورىنباسارى ەكى ءوڭىردىڭ الىس-بەرىسى مەن بارىس-كەلىسى بۇرىننان بەرىك ورناعانىن، استانادا ءبىلىم الىپ، قىزمەت ەتىپ جۇرگەن قاراعاندىلىق جاستاردىڭ وتە كوپ ەكەنىن تىلگە تيەك ەتتى.
شارا اياسىندا «BI-GROUP» حولدينگى مەن «ارسەلورميتتال تەمىرتاۋ» اق، «زاۆود مەتالل پروفيل» جشس، «بازيس-ا» كومپانياسى مەن «Bekem-Plast» جشس، «جاككو كاراگاندا» جشس سياقتى استانانىڭ قۇرىلىس كومپانيالارى مەن قاراعاندى وبلىسىنىڭ تاۋار وندىرۋشىلەرى اراسىندا ءوزارا قارىم-قاتىناس­تى جانە ساۋدا-ساتتىقتى نىعايتۋ جونىندەگى بىرقاتار مەموراندۋمعا قول قويىلدى. ەندى وسىنىڭ ارقاسىندا وتاندىق ءونىمنىڭ ءورىسى كەڭي تۇسپەك.
فورۋم بارىسىندا ونداعان وتاندىق تاۋار وندىرۋشىلەرىنىڭ كورمەسى بولىپ، كەلۋشىلەرگە قازاقستاندا جاسالعان ونىمدەر كەڭىنەن تانىستىرىلدى. كورمەنى تاماشالاۋشىلار قاراعاندى وبلىسىنىڭ قىمىزىنان دا ءدام تاتتى.
سونىمەن قاتار «BI Group»، «استانا تازالىق» سياقتى ەلورداداعى باسقا دا ءىرى كومپانيالاردىڭ ەڭبەك ۇجىمىنا قىسقى جانە جازعى جۇمىس فورمالارىن تىگەتىن «Astana يۋتاريا ltd» جشس تە كورمەگە ءوز ونىمدەرىن شىعارىپتى. جوبا مەنەدجەرى جازيرا دۋلاتوۆانىڭ مالىمەتىنشە، اتالمىش كومپانيادا 800 ادام جۇمىسپەن قامتىلعان. ايىنا 150 مىڭنان اسا، جىلىنا 1,8 ملن-عا جۋىق تاۋار شىعاراتىن كومپانيادا كيىمنىڭ 200 ءتۇرى تىگىلەدى. استانالىق كاسىپورىن ەندى ەكى جاقتى كەلىسىم بويىنشا قاراعاندى ءوڭىرىنىڭ كومپانيالارىن دا جۇمىس فورماسىمەن قامتاماسىز ەتەتىن بولادى.

پىكىر جازۋ

پوچتاڭىز جاريالانبايدى