«استانا اقشامى»
ەل جۇرەگى – ەلوردا شەجىرەسى

ولمەس ونەگين – «استانا وپەرادا»

0 42

مەملەكەت باسشىسى نۇرسۇلتان نازارباەۆ «استانا وپەرا» تەاترىندا وتكەن پ.چايكوۆسكيدىڭ «ەۆگەني ونەگين» وپەراسىنىڭ پرەمەراسىن تاماشالادى. اۆتوردىڭ وزگە شىعارمالارىمەن سالىستىرعاندا الەمدەگى ەڭ تانىمال بۇل تۋىندىسىن ەلوردانىڭ ونەر ورداسىندا يتاليالىق رەجيسسەر داۆيدە ليۆەرمور ساحنالادى.

وپەراعا ارقاۋ بولعان ورىستىڭ ۇلى اقىنى الەكساندر پۋشكيننىڭ ولەڭمەن جازىلعان رومانى قازاق وقىرمانىنا جاقسى تانىس. حاكىم ابايدىڭ ءدال وسى شىعارماداعى ءۇزىندىنى «تاتيانانىڭ ءانى» اتاۋىمەن اۋدارعانىن ءبارىمىز بىلەمىز. مۇحتار اۋەزوۆتىڭ «اباي جولى» رومان-ەپوپەياسىنىڭ «اقىن ۇنىنە ساحارا مۇلگىدى» بولىمىندە وسى تۋرالى جان-جاقتى ايتىلادى. اسەت نايمانبايۇلى، ءىلياس جانسۇگىروۆ، كاكىمبەك سالىقوۆ سىندى اقىندار دا «ەۆگەني ونەگيندى» انا ءتىلىمىز­گە تارجىمالاعان.
وپەرانىڭ قويۋشى ديريجەرى، قازاقستاننىڭ ەڭبەك سىڭىرگەن قايراتكەرى الان بورىباەۆ رەسەي­دىڭ ۇلكەن تەاترىندا (وپەرانىڭ استاناداعى پرەمەراسىن وسى تەاتردىڭ باس ديرەكتورى ۆلاديمير ۋرين دە كەلىپ كوردى), يزرايلدە اتالمىش شىعارماعا ديريجەرلىك ەتكەن. بۇل تۋىن­دىنىڭ قويىلۋىنا بايلانىس­تى كەلەسى جىلى ول فينليانديا ۇلتتىق وپەراسىنا دا شاقىرىلىپ وتىر. سوندىقتان ديريجەر ءۇشىن دە «ەۆگەني ونەگين» وپەراسى تاڭسىق تۋىندى ەمەس ەكەنىن ايتۋعا ءتيىستىمىز.
ال داۆيدە ليۆەرمور ماتەريالمەن جۇمىس ىستەگەندە ءبىرىنشى كەزەكتە پارتيتۋرا مەن مۋزىكاعا سۇيەنىپ، وزىندىك رەجيسسەرلىك شەشىم ۇسىندى. اتاپ ايتقاندا، ساحناعا ەكى تاتيانانى شىعاردى. ونىڭ ءبىرىنشىسى كەرمارالداي كەرىلگەن جاس تاتيانا بولسا، ەكىنشىسى – ەگدە تارتىپ، جاۋاپسىز ماحابباتتان قاسىرەت تارتقان تاتيانا.


سپەكتاكلدە كەيىپكەرلەردى سومداعان ارتىستەر ەكى قۇرامنان جاساقتالدى. ەۆگەني ونەگيننىڭ پارتياسىن الەكسەي يساەۆ (رەسەي) جانە تالعات مۇساباەۆ ورىندادى. تاتيانا – ايگۇل نيازوۆا مەن گالينا چەپلاكوۆا، لەنسكي – جان تاپين مەن مەدەت شوتاباەۆ. ولگا – دينا حامزينا، تاتيانا ۆيتسينسكايا.
كوستيۋمدەر بويىنشا سۋرەتشى­لەر سوفيا تاسماعامبەتوۆا مەن پاۆەل دراگۋنوۆ قويىلىمعا 250-گە جۋىق كوستيۋم دايىندادى. كيىمدى ولار وقيعا ءوربيتىن ءحىح عاسىرعا ساي كەلەتىندەي ەتىپ ازىرلەگەن.

پىكىر جازۋ

پوچتاڭىز جاريالانبايدى